今日,終於知道我果一位有家族關係既幼稚園同學既媽媽安排白事既時間
之後陪我中學同學去左槍街買野,然後買完就散,跟住我又搵到個兄弟陪我行下街
同佢玩下傾下計,唔知點解傾下傾下計,佢就講起我,
佢話我自從同女朋友分手之後,成個人好低落,依家好似好返,
但總係覺得有D講唔出既唔開心係入面,
雖然我答佢冇D咁既事,但我自己當然知道係咩一回事

最後,佢竟然搬出我某中學同學既細妹出黎話我應該同佢拍拖,
不過我知道呢D野只係講笑,再加上我對佢根本冇咩意思,
我諗我為人太熱情掛....不過冇可能會有人鐘意我既...因為我係傻瓜一個黎AR MA..XD

之後經過一間CD鋪,見到一盒CD寫住純音樂,
唔知點解我對佢感到好有興趣,最後都係忍唔住手買左佢落黎
返到屋企,一播落去,一種又一種講唔出口既感受隨即返曬黎
心情好平靜而同時間個腦又不停回播我同我愛既人由相識至到分手既種種片段
可能自己實在騙自己太耐,太多事太多回憶同感受一時間講唔到出黎
一合埋眼,感受到成個世界好靜而天空出現既係開心,唔開心;甜酸苦辣.....

一開眼,所有事都消失,可能自己做D"半退休"工作太耐,開始比班老人家點化左
好似佢地所講,一場都頭本是空,人出世總係一個夢,無論你自己獲得幾多,有幾多人支持,有幾多人愛
到最後,自己都係一無所有咁回歸大地,可能會有升天堂或落地獄既一日,
不過自己係世上所搵既$搵到既物質都唔會帶到上去或落去....
自己唔講咁多耶穌~.~

希望我離開會係帶比佢祝福而唔係悲哀,願佢能夠開心快樂,
願自己不再恨佢,永遠係這裡默默祝福佢開心快樂