琴日陪完源已經一點幾,打算返屋企訓幾個鐘之後返工,
之後發生既事竟然係....我個中學同學搵我出黎食野~.~

打過去比佢想知咩事,點知第1句就粗口飛埋黎,
當然我都回敬左一句比佢,原來佢係唔想自己煮野食=.=
真係比個讚佢/3\

之後半夜2點幾,諗住飲啤同佢對對下,
點知佢話要開工,唉...結果同佢吹吹水飲飲水咁HEA到4點幾5點就返屋企,
而我自己就換左件衫搭車返工,
當然係車上我緊係訓LA...

不過真係好認真講,依家D巴士座位愈黎愈唔係比人坐,
訓又唔好訓,就咁坐係度都好辛苦/3\

係巴士上,我發左個好開心既夢,同一個我唔識既人拍拖,係度好開心玩
不過當我訓醒果時,我先發現自己係發左一場夢,
感覺上有小小失落,不過我依然好有精神咁落車返工,
返到公司,因為自己最近冇咩功課要趕住起,所以我就係度搵我同事D片黎睇@@

搵下搵下,我搵到一個韓片電視劇,呢個名大部分人應該都會聽過,
就係叫做....我的女朋友是九尾"弧"
睇左4集,雖然係一個舊片,不過勁好睇,
同時間我諗起自己以前既女朋友,果時雖然冇女主角咁勁又識飛又識好多好多凡人做唔到既事
不過同佢一樣咁單純,咁可愛,
而我就好似個男主角咁每每好似係利用佢咁,
不斷傷左佢心,如果當時我係識諗,我諗事情未必去到依家咁差.....
之後自己不斷陷入反思....

對!聽講我比左一個女仔誤會左,
我諗要交待清楚先得,希望可以好快比到一個同獨處既時間,
等我解釋清楚比佢聽^^

心情好矛盾,自己一直都好怕,好空虛,另一方面又好享受自由既時間
好想緊緊攬住一個可以令到自己放心既人,然後或是大哭一場,或是安寧的同那人一齊係海邊睇夕陽
可惜呢個人已經係你我心中永遠的失消,再搵都搵唔到,對嗎?