呢排心情比較複雜,完全唔知道自己想點好,

自從食左好人卡之後果幾日,我一個朋友既女朋友就煩住我,
表面上因為我之前一段時間係度幫佢地兩個解決問題,
但到左最後落得分手收場,而佢又唔知點解會鐘意我,
而我比佢突然咁講就呆左咁哦一聲,結果又一齊左

唔知係咪因為我小拍拖既關係,總係覺得同之前既拍拖既感覺唔一樣,
好平淡,好平靜,雖然如此,自己就感到既係好不安,
不安於唔知仲有幾耐會好似一陣風咁輕輕地完結呢段感情

不過係佢既身邊我感到既係攰,彷彿好似苦苦支撐自己既身體太耐,
UM...我諗都係因為有女朋友既關係所以先會出現咁既感覺姐...

因為佢,自己都慢慢忘記左前度既存在,
但同時因為咁,自己既記憶都變得愈黎愈差,
就連琴日發生過咩事都已經唔記得曬,
唉...無言