掙扎左好耐,係度諗緊度底打唔打野落黎好,
算LA,反正無人睇,打完就得LA

其實原因係我比我寫到無曬紙去寫日記,
不過點都好,既然打左都打埋落去,反正都無人會想睇

今朝收工之後陪呀麻去睇眼,等到激心激肺,
最終搞到下午1點先完,之後去左同源玩,打機,
大家反面咁耐,始終叫做和好,

諗起反面既原因其實都係大家好荒謬,
佢地無啦啦就拍拖,我就幫兄弟照顧佢,
之後佢地無啦啦又分手,然後又無啦啦要同我一齊,
最後我都唔知叫咩既分手又好,點都好,
總之回想返黎都係荒唐既事

不過事件之後,我感受同呢個女仔之間大家有一種最原始既愛係度,
其實我都唔識得點解釋清楚,只係我知道既係我好鐘意呢種愛,呢種感覺,
同時間我更加知既係呢種愛好罕有,
自己唔可以再跨池半步,唉!
諗返起當年既事,我有時諗到底係我錯定佢錯呢?
其實我自己都幾鐘意佢,只係大家用錯方法,
如果我認我果時係貪玩而失去左一個重要既人,
咁我依家只可以講原來愛就係一門學問之餘,
仲係一門投資,可以一晚令到覺得好幸福,同樣可以一晚令你一無所有

哈,真係好想脫離呢種既痛苦,
曾經有個朋友同我講,佢信無神論,
唔知係我講野唔清楚定係佢理解有問題,
我想傾下計,先問佢覺唔覺得世界總係有D好奇妙既事發生,
佢咁就覺得我向佢傳福音,都算LA,佢仲要話成班白痴係度做D低能野,
我真係無名火起,最終都係絕交,
都好既...以後唔洗多一個人係我身邊講埋曬D現代社會觀,
仲要講到好似串串共咁

不過講真LA....如果佢唔係一個咁鐘意綁死我自由既人,
我其實都幾鐘意佢,指緊既係為人而唔係男女之情

之後聽到源講佢有鐘意既人,而呢個鐘意既人係一個以前認識既同學,
我呆左,幸好既係我既顏色未變白之前有車上,
結果去左打機,真係無比既快樂!!!

主呀,感恩既係你慢慢帶領我放下以前種種既包袱
我知道你係一個好好既神,一路教我勇敢向前走,
同時間我有好多野要交上比你,要你幫我解決,
求你加力比我,使我能夠同各人和好,
易都將前路交上比你,帶領我可以走出每段色彩,
感謝你!呀門!