前幾日,自己係度睇一本由去台灣果陣時買返黎既書,
我發現幾得意既野,
自己以前追求但比人話唔岩既野,
係入面話比我知原來係岩,
當我愈黎就愈發覺

係我讀完書出黎社會工作,自己做錯左好多野
仲走火入魔,結果失去左好多野,
失去左最愛既人,失去左一班真心朋友,
失去左開心幸福,最重要既係 自己失去左果一份最開心既笑容同方向

回顧返轉頭,自己得到既係一份唔錯既收入
但失去呢D野,自己係開心咩?
自己既心真係好痛,但已經無人可以比我講出黎
我依家唯一想做既唔係再極力爭取返所失去既野,
而係要向佢地講返聲對唔住,
然後默默祝福佢地幸福

自己真係唔敢去再爭取,
愈再爭取,恐怕只會黎愈多失去,
我諗真係要比自己一次機會,
多一次機會去到磨鍊,去到重新建立關係
有人會愛我嫁何?有人會祝福我成功嫁何?

願大家會係搵到重要既事,願我可以搵返自己