呢一個Blog已經開左11年,趁住我就黎要踏入人生另一個階段,

我想總結同結束關於依度既一切,如果關事既人睇到我會覺得好好彩,

但如果睇唔到的話,我諗一切只可以講係天意...

首先我要向所有比我傷害過既人道歉,

我唔係因為要扮什麼清高之類,而係真心講一句對唔住,

過去既我真係無諗過對方感受,只顧自己感受而不經不覺做出傷害左既事出黎

所以所以我知道依家就算點講點解釋都已經過去左,我都只能夠講無限句對唔住...

由最近自己發生既事開始,係2年前,我仲好白痴沉醉係自己思想入面,終於跌倒破產,

然後又睇左一場戲,我好多謝呢場戲教識我應該要點醒。

原來當一對愛過既人分開之後真係唔好再存在咩幻想，更加唔好相信對方講過假設性重遇問題，

愛過而分開，最好就係唔好再見，唔好同對方講任何一句說話，等對方心理依然留有一種美好想像空間之類...

相反，你只會比佢一種極大既壓迫恐懼感，到最後你想再同佢傾２句呀?! 

SORRY呀！你只能夠聽佢對你冷嘲熱諷同不信任....

我知道一切都太遲，我有時諗到一刻真係好想賴去其他人，

點解當初某君估到我感受因為怕而迫我將感情投放去另一個身上，

然後又因為我當時離開又大喊一場搞到我天真以為難道係良心發現?！

結果我同佢所期望既另一個一齊果時又令我不斷會錯意，

搞到一次又一次咁傷害左果一個，自己又無知地將一切內疚歸納為愛上佢。

雖然到最後我真係比佢感動愛上左佢，但係因誤會而開始既始終唔會有咩好果子食，

跟住又不斷無限係幻想同清醒之間傷害佢，將對我剩下既好感都消磨殆盡。

不！依家既我當然唔會咁諗，我做錯搞砸既事實在太多，什至知道如果佢睇到之後唯一反應我相信肯定冷笑

之後講一句白痴！

不過信不信由你，我依家只係希望當佢睇到呢一篇文果時笑一笑，諗一諗我曾經為你做出既努力....值了！

至於佢之後所交往既人，我只能夠再講聲對唔住，我真係有嘗試投入感情落去，

但每當我想投入時，腦海自然出現佢既影像，然後又放唔低，最後又傷害到你地....

講真既，都因為你地，我先可以係過程中認清楚自己想要咩面對咩！

我欠你地一句多謝！

到左呢一刻，我想向果一位講小小說話：

既然今日就算再多既說話都已經無辦法修補小小既關係，咁我只能夠選擇唔再打擾你，
依你曾經心中幻想果一條生路走，過去自己真係好唔甘心仲認為一切仲係同我鬥氣，
然而今日你嬴了，你不必同自己同我或者其他人釐清所有你我之間感覺，
呢個係咁多年以黎你比我感覺，同時間係支撐住成個夢既關鍵，
因為大家曾經真心愛過，你知我咩性格咩想法同時，我都清楚了解你。
最後一句就係，希望你了解係我心入面佔左一個重要且不能變既位置，過去如是，今日如是，將來都如是...

——————————————————————————————————————————————

真係真係要下決心，將一切發生既蠢事笑一笑，講一聲對唔住但多謝，

然後放低，青春就咁結束。。。

另外，我會將所有曾經打過草稿放曬出黎，反正我唔會再上線，已經無野好怕

最後最後我自己真係好攰，唔想再睇到呢一個話解釋，果一個話白痴，我必須再講一次對唔住，

真係要關留言功能，

結果我還是要當一次鴕鳥.....