唉...今日冇野做,咁就打下先la...

今日過左一日好悶日子,我竟然係最愛既英文戰死左=.=
不過都係倒下幾分鐘,分鐘之後又站起來,正所謂"邊度跌低就邊度起返身"ar ma...
之後lunch,又同2個算係傾得埋既人去必勝客食野,原來係必勝客食野係要收加一服務費(即使收為總共$既10%)
------------------
依排d功課多到死,搞到我好想有一日咩都唔理咁...訓返餐好覺^^
不過呢個樣始於都一個夢,冇得實現嫁la...
-----------------
到左依家,我唔知點解覺得有d嘆息&絕望,
但係係學校我係感到一股危機感
不過算la...就係度大笑3聲la....

哈,哈,哈
----------
記我的朋友一事
今日係3月12,星期四,
今日放學我同2位兄弟-源&浩一齊行
之後我就肯定左一樣野,
浩問左佢既心上人拎左個msn,仲傾得好過癮添...
源有好多玩意,唔怕會悶親自己
反而係我自己一個人悶落去,傾得既人又冇幾個,$又冇(冇$意味住冇玩意)
我真係唔知仲可以做d咩,唔通真係學我既早先--莊子咁咩成日發夢咩...
不過呢d都唔重要la...搵到一份工比自己食,比自己住就已經好滿足嫁la...
-------------------
我就是一個沒有用的人,
吾不求有人相伴,但求有三餐溫飽,有一個小小的立足之地就已經足夠
我並不是一個精益求精的人,但是我也在默默地等待時機,
等待一個可給我發展所長的時機.....

唉...今日返到學校,真係冇野講,成班都要bt種(原著既答案),o 曬 lo...
之後既第n堂,坐係我隔離果個以驚訝既眼光望住我&問"你果支水點會解變左做查字典嫁?!"
我心諗"大佬...你咁都望唔到嫁...分明係我有兩支野,水果支飲曬先飲第2樣野嫁..."
不過我都好有禮貌咁同佢講"係ar..因為我神lo"
lunch我都係用左$18就食得飽飽地,ok正嫁...
不過好可惜,放學果時始終都係唔記得拎返支水出黎(lunch果時買)
--------------------

唉...都唔知做咩事,依排都唔想做功課,
依家比之前仲慘,除左要求既素質高左,下下都要6百字,真係救命
不過點都好...我就算死都要死返果d應該要既字返黎既...

------------------
今日和我的兄弟相處一記...

今日既夜晚7點,我打比佢,問佢邊度有.....&.....買,但係佢講既野同我講既野都唔同,所以我約左佢5分鐘之後係佢樓下等,
5分鐘後~
"喂"
"喂"
"咁邊度有....&....買ar...?!"
"咁你想邊度買先..."
"是旦la..."
"冇得是旦wo..."
"是旦la...邊度有咪係邊度買lo..."
"都話冇是旦lo..."
"邊個話冇是旦ar,我話有就有!"
"咁好lo..去麗景la,最緊要既係好食"
"好lo...去麗景lo..."

當佢同我過緊條馬路果時...
"你下次唔好係呢個時候搵我"
"點解?"
"頂你,姐係我係度屈緊呂布,突然就聽到無雙大蛇首歌,仲以為聽個,一拎起就有人問我邊度有...&...買"
"車,你唔係怕呂布冇啦啦搵你ar.."
"係嫁..."
"係ar係ar,呂布問你邊度有炒面&炒飯買何" =.=
"唔係...姐係...."(想講落去果時比我搶住黎講)
"姐係呂布打電話問你屈完佢機未ar ma..."
我同佢笑左一陣
佢突然一本正經咁講
"但係果時係冇電話wo..."
之後佢見我唔出聲,佢就冇講落去la

到左麗景之後...
"唔該比呢樣,呢樣&果樣,唔該曬"
"總共$107"
"死啦,我只係得100蚊炸..."
"咁我比$10你當係還$先lo.."
"咁好la..是旦你"
當比$既時間...
"多謝你$107"
我就比左隻"紙鶴"佢la
而我隔離果位兄弟比左張$10佢
佢首先望住隻100蚊紙鶴o 左
之後我就慢慢咁拆返出黎比佢...
佢就由o 嘴變為呆滯(因為我既技術高超,唔洗3分鐘就拆左出黎)
之後我就轉身走人,佢就好呆滯咁目送我黎去

唉...依家好似愛上左用d"紙鶴"比$

依家又係5點鐘就6點,唉...諗都諗唔到星期2就要咁早起身趕功課=.=

如果唔係我硬頸既話,我都唔會咁早起身,冇計la...我呢份人古古怪怪既,得閒做下呢樣,得閒做下果樣

最可惜既係,依家真係得閒死唔得閒病呢...唔返學一日,就小左一大段野聽,唉,,,,依家都病病地,真係唔知點好

我發現我自己變左好多,由原本既樂天好動變得悲觀自沉....
雖然都唔知點解,但係唔緊要la...過得一日得一日la...
反正我都唔係一個讀書既人才
但係都要搏一搏la...
我班有云"搏一搏,單車變摩托"ar ma..

今日都算係一日閒日la..成日都冇野做
應該係話,成日我都將自己set左去"離開"既狀態,
所以冇咩野聽得入,
唉...自從掉左坐之後,成日都冇心機,只係好想訓覺=.=
算la,都係放左學去包美達"祕密練兵"先得

-------------------------

我真係好唔明,呢一位姓葉既人兄,成日走入黎做咩呢?
唔可以話係禁錯wo...成日都得閒走入黎,搞到我都唔知點好,
唉...

今日真係多奇怪事發生,朝早返學果時,由於學校仲未放人既關係,於是就坐係學校隔離....再隔離果間士多(我地叫佢做老鼠洞)
當我入左去,我心愛既貓貓--芝芝(老板娘咁叫佢)佢就走左過黎向我撇嬌,於是我就順一順佢意,摸下佢,點知佢就一下跳左上黎,
搞到我有d手忙腳亂(因為平時佢都冇咁做),之後佢訓係我身上面,雖然係咁,但係我從手忙腳亂既感覺變為一種好安心,好舒服既感覺,
之後因為時間既關係,所以我就放低左佢,當我走果時,佢仲目送我離去,真係好嫁姐

之後放左學,平時對路面唔多留意既我,終於出事la...
不過呢個唔單止係一個意外,仲係一個有關人體飄移學既實驗,
當我過緊馬路果時,盏燈突然閃下閃下,於是我就跑la...
但係我諗都諗唔到,我突然"扇"軑,之後成個人咁就仆.....街
仲要拖行數cm先至停,果時雖然好介意,
但係我內心又多左個念頭:如果可以一"扇"足1m既話,就真係正la...

呢d野真係離奇=.=