今日晨早回校話要開會，會埋d side時間o既會，唉！又o係度講埋d無謂野，正一黃老太(不是鳳姐)。
明明講左有暑期班要上堂o個日先要返，突然轉晒口風，話日日都要返去，真係有問題，我同林sir、bena勁不滿啦！同佢嘈左幾句，一於好少理，唔得閒我就唔會返。
今日又搏命執野，真係好多野要執呀！ 不過經過兩日o黎o既努力，已經七七八八，我張工作檯回到剛剛o黎做野o既時候咁。
攪攪下好快一點，走人，同miss戚一齊搭車落山，我o係青衣邨落車，之後同阿妹吃lunch。因為青衣邨冇咩好食，所以行番去青怡入面一間茶餐廳。因為冇咩胃口，所以同她share一碟飯同一杯檸茶。食完飯，我再吃埋妹整o既啫喱糖，飽到七彩！
兩點幾行去楓樹窩室內場練波，今日都幾多人o黎，good！ 有兩個人遲大到，實在唔應該，嘿嘿！下次唔好喇！
打完波本來想去青衣體育館交埋錢，點知去到話唔得住，冇計！又要去多一次！慘呀！
搭車回家，去到馬鞍山落雨，好在唔係好大。
今晚食出前一丁！自己攪掂！
| 
