我原本都好唔鐘意寫日記, 依家同以前有點不同, 可能係因為工作上有會遇到自己最軟弱的部份, 每次遇到這些部份我都會想去逃避, 但我其實知道逃避有時侯只會令事情更加嚴重, 我逃避的原因可能有時是因為表逹唔到想表逹的事件, 別人越取笑我, 越覺得我唔知我想講咩野, 我就會越想逃走.

今日很不如意, 第一是, 在上了一天很悶的課堂, 一整日也在聽與自己無關的知識, 就是工地的職業安全, 不過都算沒有白白過左, 因為都攞到我要攞既野, 就是一張入場卷, 我要諗d開心既野, 唔好諗d禁負面既野, 學多d自己專業以外既野冇壞丫, 還可以擴闊自己眼光. 第二是, 我因為太擔心自己明天趕唔切完成份job, 所以明天諗住早小小起床, 返到公司盡快完成, 交到功課比sales, 其實依家有兩條路比我選擇, 第一條路是早d返去, 時間就可以安排得鬆動D, 聽下收音機都仲得, 準時返去, 換來的只有訓多一兩粒鐘, 但工作果段時間係, 緊迫同埋辛苦, 吃力, 還有機會減少別人對我的信心, 因為我遲交課比佢, 我決定好了, 明天早點回公司, 雖然少左兩個鐘頭時間訓教, 但換來既就係盡責, 輕鬆, 平安, 這兩個鐘個可以換來禁多野, 真係值得, 還有要求神給我智慧應對同事, 工作裡還有很多不明白的地方需要多多學習, 求神帶領.

心裡有點擔心, 明天趕不切交課, 因為我還有很多地方還未改動, 牆身加一幅掛畫, 櫃身內籠圖, 三角櫃(還要問design)

最後的晚餐後, 耶穌知道自己正要面臨艱難，他們一起唱起詩來, 往橄欖山去, 這段經文提醒了我們, 若我們懼怕、退後、灰心、喪膽、埋怨，就必落在撒但的網羅裡。若我們加倍的儆醒禱告，多方的讚美神，就必經歷主的得勝，領受更多祂夠用的恩典。

剛剛聽完一個道理, 點都好, 神放我在這間公司, 第一樣野就係要我學習建立關係, 就算我點唔鐘意果個人, 我都要與她溝通, 食飯是不能被免, 為何不痛痛快快傾下天南地北呢? 份工是神賜, 神也有能力收回, 不要太著緊自己會否講錯說話, 不是談公司, 生活趣事, 是沒有對與錯, 就盡情去講吧!

今日整日都唔知自己想點! 好似好驚公司d同事咁, 我好想自己一個人, 唔想見任何人, 返到公司就唔想見任何人, 我有咩野問題呢? 返到公司好似不受歡迎的, 想表逹既時間又表逹唔到自己想表逹既野, 我係唔係唔係真係好唔識去表逹呢? 見到阿ming我又會驚, 可能係因為佢講野特別快, 成日都聽唔清佢講緊咩野, 我覺得佢份人好冇耐性, 講多句都怕麻煩, 我可以點好呢? 人與人溝通對我來講真係好苦惱, 不過我其實唔係對住個個人都會咁驚, 好似對住我既設計部老細, 我會好舒服, 因為佢會好有耐性咁去教我野, 我有好多展覽既知識都係佢話比我聽, 我真係好多謝佢, 唔識做, 或做錯野其實真係人之常情, 最緊要識認錯.

公司裡面大部份都係女仔, 有好多野男仔都要主動d, 行多一步, 例如換水, 按電梯, 埋單比錢, 讓女仕出門先都是男人要做的, 如果唔做都得, 但總覺得唔係禁好意思, 因為話曬自己都係男仔, 要表現男士的風度, 近日心裡總會覺得唔太開心, 點解呢? 會唔會係搵唔到話題去傾計, 又或者係唔係未試過同一班女仕食飯呢? 我真係唔係好識去同女仔相處, 神啊! 求你指引我丫, 我應該同佢地講咩野話題, 佢地先至有興趣呢? 其實我同靜嫻平時傾既野未就係佢地既興趣羅, 講下飲, 講下食, 講下關係, 講下去邊度玩, 尋日做過咩野, 生活趣事樣樣都可以講, 不過重要就係留心聽佢地講過既野, 再投其所好, 咁就最洽當了, 求神給我能夠(快快的聽, 慢慢的說) 賜我智慧應對我工作上的溝通.

raymond己經提點過我好多次, 叫我要自己check完一次先好交比佢, 話我錯既野唔只一次, 重覆都係犯同樣的錯誤, 好似唔記得改物料, model要group埋一齊, 有時唔記得落beam, 或者溜pole, 睇溜數, 施工圖標數標到好亂, 顏色配搭得好恐佈, 冇改公司名, 冇留300裝燈槽, 錯到真係五花八門, 我真係要好好檢討一下, 人做錯野就一定會, 不過就一定唔會錯同樣既錯, 因為會令到上司對自己冇曬信心.

公司會唔會炒我呢? 我成日做錯野, 但我都只係剛剛入行, 錯是很正常的, 若果炒我都冇辨法, 我只要相信神的帶領就沒有錯了, 若果真的被人炒, 我要勇敢去面對, 神會帶領我走第二條路, 神可能覺得我唔適合做li份工先叫我轉工, 不過點都好, 神未叫我走, 我都要盡力做好li份工, 因為這份工是神預備給我的, 我要做好li份工.

打完日記個人都輕省左, 好似放底左D野係度, 神可能想我明白寫日記的好處, 所以才比禁多煩惱我, 讓我可以在blog裡不停咁寫, 不停咁寫.

今日由朝頭早開始個頭己經痛痛地, 我仲以為係感冒tim....所以出門口之前都食左粒藥丸, 但都係冇用, 食完都仲係痛痛地, 返到公司我好怕見到ming姊, 因為佢做野好急, 交待完之後好快就走左去做其他野, raymond就唔同, 他很有耐性, 很比心機去教導我, 就算我有很多次都出現錯誤, 如改漏野, 睇漏野, 他都會不厭其煩地話我聽錯誤的地方,  攪到我也有點不好意思, 因為自己的錯誤, 今日他對我說, 我不能夠每次都看你錯什麼漏什麼, 你要自己看一次才交比下一手, 我會好好記住的, 一朝早阿ming發現我的圖出現了一個很大的問題, 就是燈槽做不夠300mm, 放不落燈槽, 我一朝早就不停係度改, 不停係度改, 浪費了一大半日都時間來改圖, 我好急好急咁改, 因為我發覺自己浪費了很多時間, 擔誤了公司很多時間, 當時我還想留在公司不出外食飯, 為公司保常自己的錯失, 其實我咁樣做都有點愚蠢, 因為唔食d野田飽個肚, 又點會有力做野呢? 最重要應該係冷靜想一想點樣去解釋, 點樣去保救, 剛剛第一次做美工圖, 又令我帶黎很大壓力, 因為第一次做, 還有很多不明白的地方, 我點解都係不夠膽問人呢? 唔問既後果就係, 自己苦腦, 令到自己越來越不開心, 令到自己更不想去問, 其實問人不需要等待, 一有問題, 就立刻發問, 最緊要是知道自己問咩野! 神啊! 我相信只有你才能讓我得著勇氣, 得著智慧, 我要依靠你.

今日返到公司原來可以好開心, 但係因為自己在關係裡面建立了一道牆, 所以影響住我和同事之間的溝通.......食飯先........

今日的心情, 不是太好, 不知點解? 除了懷疑上司質疑自己的溝通能力, 又食了味千拉麯而肚子痛, 我3:00走入廁所求神醫治, 很感恩3:00前又痾又嘔, 4:00後肚子的痛楚只餘下小許, 是我能夠忍受的, 可以繼續留在公司工作, 直至8:45分....原來還想著早退的我, 現在還可以加多兩個鐘頭班, 真感恩.

我發覺到一件事, 就是我對神的信心越大, 就越感受到神的同在, 就好似有一次我和平常一樣跑馬路邊 , 這條路我己跑過幾十次, 平時只會看見迎面而來的跑步者, 我當日一邊跑一邊祈禱, 感謝神我有一雙腿能夠跑步, 感謝神讓我聞到路邊樹木的香氣, 這次也是我第一次為這些事祈禱, 跑入順利村, 再跑回秀茂坪, 我面前是一條很斜很斜的斜路, 是絕小傷殘人士經過, 因為對於坐輪椅的人能利用他的代步功具, 而非雙腳, 是一件很困難的事, 但我面前竟然出現了, 一個坐輪椅的人, 迎面而來, 神好像話比我知, 我要好好珍惜我現在所擁有的, 要多加利用.

原來一個人諗多d開心既野, 係會更開心的. 人真係簡單, 不需要真係遇到開心既事, 只要我們回頭思想開心既事, 就會開心返曬, 我所經歷的開心事, 多數都是與神有關, 點解呢? 好神奇, 我都解釋唔到, 真係好奇妙, 與人有關的, 很難才想到, 但神的事想一想很容易就會心微笑.

今日個心好唔平安, 點解呢? 缺乏對神的信心? 曾經在工作上被上司吵魷魚, 直至現在對自己仍然會有影響, 上司的冷漠, 對談, 甚至一個簡單的眼神也會影響自己的情緒, 懷疑自己被忽視, 或被討論, 這樣會很影響我與同事之間的建立關係, 因為心裡的懷疑引致在自己面前建立了一幅厚厚的牆, 這牆是代表著懷疑, 懷疑當中會不斷被觀察, 因觀察的動機是尋找對方的不是, 而不是尋找對方的是, 所以最後一定會找到你最初想找的東西, 倒轉去想, 懷疑對自己和對事有沒冇用? 就算公司準備會炒我魷魚, 我預先懷疑, 能夠阻止事情的發生嗎? 我若果知道, 我可以做好本份, 盡量博表現, 我自問沒有蛇王, 沒有做到對公司不利的事情, 對公司抱有期望, 亦盡責處理公司的每份工作, 代人處事不可以說是很好, 但也沒有得罪過任何人, 有不明白的地方也會積極去對面, 雖然心裡也會在一些問題上爭扎, 因為自己不懂得去怎樣詢問別人, 因怕被別人否定, 怕給別人麻煩.........神啊!  人越大憂慮的事越多, 怕失去工作, 怕失去情侶, 怕失去家人, 朋友, 唯有神是不會失去, 因為永遠會陪伴著我們, 帶領我們走人生的每一步, 直至走到人生的終點, 有了你我不怕失去任何事, 因為就算失去所有, 我還有你.

今日的行程安排得很緊密, 兩點正參加司事員訓練,學習到很多東西.............再趕去日仔的生日派對, 之後又同crosslink一齊食團年飯, 傾下黎緊每個人的目標和事奉範圍, 又傾下個人的衣著如何令人覺得更莊嚴................真的有點累......諗唔到講d咩野了, 我要訓喇....88