我覺得神是聽我禱告的, 一朝早起床雖然心情很差, 精神唔夠,  但返到公司很感恩, 原本我是跟緊一個project, 這project對我來講有點吃力, 因為難度很高, 需要我花多點心思去設計, 以我今日的精神狀態和心情指數肯定出事,  但竟意料之外地個客話暫時hold住, 哈哈.......所以我可以唔洗做住, 慢慢諗, 接住落去的第二個project有曬指引, 不用我多作思考, 一切都很順利, 感謝神聽我祈禱, 讓我有精神, 有心情去工作.

今日食飯時, 雖然我講的說話不多, 但我在這公司工作了一個多了, 今日是我講得最多野既一日, 我又分享我去長洲的感受, 又對別人的說話感興趣, 與別人能夠建立關係最重要的基本條件就是對別人的事感興趣, 感謝神讓我有這個心, 對我來說, 最容易令我感到孤獨, 和心情低落的原因就是失去了好奇的心, 我要每天求神給我顧念別人的事.

放工時, 雖然己經遲左收工, 但多左與同事溝通的機會; 雖然失去了私人的時間, 但讚左與同事建立關係的寶貴時間, 這些時間是值得使用的.

心神時常想着有被抄魷魚的可能, 引致自己經常不安, 每當上司對自己友善的時候, 心情都會鬆起來, 神可以讓我消除這種不安嗎? 不安令我很難集中精神工作.>.<

一個月前我己在思想一個問題, 返加油站對我來講有什麼意義, 這一個月裡我不斷尋求答案, 我靈修時神對我說,孤身作戰的基督徒, 只會顧念自己的事, 我不返加油站即是不與弟兄姊妹建立關係,   當時我聽到之後好像被神教訓了一頓, 但我反駁神對我說的話, 我星期日都會參加聚會.

靈修時神又再提醒我, 話我知兩人總比一個人好, 二人勞碌同得美好的果效, 雖然經文講到為何需要弟兄姊妹, 但我返加油站並不是要服事, 對我來說沒有太大感動.

我的心沒有忘記神提醒過我們的一句說話, (就是不可停止聚會). 但一直都只記得這句說話, 我只理解這句話為一句教訓, 而沒有一個合理的解釋.

自從我在2月21日同靜嫻討論一件事之後回家思想,   終於讓我找到答案了, 這次討論令我很難受, 因為靜嫻誤會左我會離開manny佢地, 而去尋找對信仰有熱切追求的人, 我其實好想同manny, 發仔, 阿寶佢地去談論信仰的問題...........很難表逹...........等我諗諗先.....

我發現我的人生開始有點微妙的變化, 就是原本不愛打日記的我竟然差不多日日都打日記, 我既改變對我黎改係一個好大好大既改變, 原因係我之前會覺得打日記的人十分無聊, 這種想法從小開始己經有, 但我直至開始真心相信耶穌的時侯, 我就很有感動去打每篇日記, 我自己唔知咩野原因多左份動力, 我覺得好奇妙.

星期五放左工之後約埋葉英傑一齊坐船入長洲, 我地一見面就有好多野講, 內容一開始就係講下新年做左D咩野, 同埋分享一下我在信仰上的經歷, 由上船傾到落船, 感覺好滿足, 我發覺能夠找到一個人明白自己所經歷的是很開心, 從前的我是很難才能夠找到一樣自己感興趣的事物, 而為著這事物去分享, 去嘗試表逹, 就是信仰令我感受到與別人分享的喜樂, 和滿足, 真係好正,  落船後看見周圍都很熱鬧, 很多食市, 最享受的就是我地入住的華威酒店, 點解係最享受呢? 就係因為面對住一個無敵大海景, 海景很吸引, 我這麼大個仔也未試過去到一間酒店係住得禁舒服, 禁乾淨, 我地去到酒店後, 行程安排得好充實, 我地一齊有分享經文既時間, 我地一齊睇士師記 3章21節既故事, 睇到神會不断比機會以色列人, 雖然他們多次離棄神, 但神也憐憫他們, 雖然這段經文對我沒有很深的體會, 但我相信將來的日子必定明白, 因為神會計劃好一個適當的時間去讓我明白.

分享完經文之後我地就一齊出去食糖水, 但舖頭打羊了, 我地只好買上酒店食, 我地一邊聽住歌一邊分享面前的美食, 真係好relax呀! 我地食到禁上下12:00各自返到自己的房間訓教, 因為我精神飽滿, 所以我襯住這次機會去問我心裡好想問的問題, 就是何謂呼召, 在這個階段我很善摹一D人可以放棄佢原本的工作, 全時間去服待神, 我想過每人每日都要花3分之2時間放係工作, 所以只係淨返3分之1時間真真正正去親近神..............唔講住....食飯先

我地第二朝又去左張保仔洞行, 感覺好刺激, 因為我冇諗過個洞係禁深的, 同埋禁窄, 所以我入去之前, 我都有d驚, 所以我問左一個問題, 就係要行幾耐先出得返去, 哈哈....我驚..但係果時冇同其他人講...走既時侯我都好唔捨得長洲, 因為長洲D人個個都面帶笑容, 同香港島d人完全唔同........^^ 有機會我會再去........

點解放假經歷唔到神既.....是否開心的日子很難遇見神, 反而困難的日子才能遇見神嗎? 返工點解滿足感大過放假呢? 放假為何得唔到滿足感呢? 經歷神果種喜悅可以在舒適的環境中找到嗎?

今個新年好快就己經過去了, 數算返年初一至年初四做過d咩野先......年初一返完教會同青團一班弟兄姊妹過左去翠屏村飲茶, 飲茶飲得好開心, 之後, 就過左去靜嫻屋企拜年, 四點鐘半落左去陶大行左一陣就過左去鴻星同靜嫻一家人食開年飯, 食完開年飯8點正就上左去靜嫻屋企打麻雀, 打到1:30先走.....返到屋企照鏡成個黑眼圈都出曬黎.....

年初二12:30就己經過到去九龍灣等埋靜嫻一家人一同坐車入天水圍探契媽, 契媽生活好簡單, 有一個仔同埋一個新抱.......傾計的內容我都聽得不太明白....不太清楚兩點鐘坐低, 四點半就走了, 夜晚再到我屋企食飯....咁就又一日了.

年初三終於可以一個人係屋企安安靜靜過新年了, 但發覺很耐, 我攞左隻再思十架出黎聽, 聽完仍然有很多不明白的地方.......夜晚就約左靜嫻去睇戲.......

年初四一朝早起床靈修及聽一陣再思十架, 好快就己經四點了, 終於要過去搵靜嫻, 一齊去探婆婆, 一陣又食完飯了, 返屋企打日記了.

放假的日子為何反而沒有什麼好寫, 就算寫也寫得很平淡, 沒有什麼感受在裡面, 可能開心的生活就係禁平淡, 禁冇野好寫了.

今年係第一年到婆婆家拜年, 比我的感覺好新鮮, 新鮮到唔知做咩野好, 上到婆婆家, 除左講公賀說話都唔知有咩野好講, 個個都好生面口, 真係有點尷尬, 講又唔知講咩野, 做又唔知做咩野好, 我就只好眼金金望住個電視機, 坐都坐得唔係好安落, 因為見到個個都有野講, 有野做, 而自己就唔知做咩野好, 其實下次我可以好似靜嫻咁關心一下, 身邊堂弟堂妹, 表姊表妹的近況, 又或者幫下手準備開飯, 咁樣時間就會過得好快, 別人開心, 自已又會開心, 真是一舉兩得, 服待是要學習的, 若果之前唔去好好學習, 就會好似我今日咁, 唔知點幫手好, 想幫都唔知點幫.

其實打遊戲機也可以看人生, 哈哈.....唔知大家打機係鐘意佢個過程定係鐘意個結果呢? 以橫向的動作遊戲作為比喻, 你打完第一關大佬, 你會很期待第二關的來臨, 你會很享受路途中的蝦兵蟹將, 被你一手一腳打倒, 其實越多人與你一起並肩作戰你會越開心, 過程中你會感受到與同伴一起經歷一個旅程, 更會感受自己在遊戲世界裡自己無人能敵, 威風凜凜, 你試想......你若果未經歷過當中的困難, 難打的大佬, 而打爆機, 你會否感到滿足呢? 看見爆機的話面, 你可能會諗, 點解禁易就打爆機嫁, 你會覺得好冇引, 隻遊戲一d都唔好玩, 很快就會忘記左遊戲裡面的畫面, 但若果遊戲的情節風回路轉, 起成轉合, 難關重重, 除非你中途放棄, 若果你能夠衝破重重的困難而得到最後的結果, 你會很回味, 很享受, 很滿足.

人生也是一樣, 你享不享受你的人生過程呢?

我發一個人唔工作, 整個人都真係懶惰左, 日記都唔想打, 點解會咁既呢? 一個人生活順利, 事事順景, 是好是壞呢? 沒有壓力, 沒有擔心, 令自己缺乏動力.

新年一到, 節目年年一樣, 不是拜年就是豆利士, 不是食零食就是食年糕, 不是打麻雀就是玩鋤大D, 今年同往年旳心情有點不同, 可能對於時間的運用有了不同的看法, 現在有時間就會研究聖經, 靈修, 和查經, 我有時都會覺得悶, 但如果有了目標, 就唔同, 因為我的舊我(價值觀, 做人態度)很跟心替故, 阻礙我尋找快樂, 阻礙我尋回自己, 以前的我很愛錢, 錢對我來說是世界上最重要的, 沒有錢就得唔到快樂, 體驗不到有錢人的生活, 其實現在覺得, 有錢人也不能體會到貧窮人的生活, 他並不是冇能力去體驗, 而是不會去體驗, 有錢人有條件食好的住好的, 物質上令他帶來喜樂, 但這種喜樂是孤單的, 是憂慮的, 因為有錢人會擔心別人...............等等我要返教會先