突然諗到一樣野我係好想講的, 就是神放我在這間公司, 是要我學習某D野, 最主要叫我學習的, 我還未知道, 但這份工對我人生的影響一定好大, 因為這份工是我第一份工需要依靠主才能有勇氣去面對的工作, 我很感恩我從前向神祈禱, 神是聽祈禱的, 雖然我沒有刻意每日去求, 但我(衣)稀記得我是有這樣想過, 有這樣向神求過..........

我求神給我一份工係可以做到義工去幫助別人, 最後真係比我找到間公司係放星期六,

我求神比我找到一間公司係可以幫助到我事業上的發展, 直至現在我真的找到,

我又埋怨過自己為何不懂說話技巧讓我在事業上不能發展, 現在的公司又不用我去見客,

我又埋怨過為何每日都預計唔到自己幾時可以收工, 現在的工作雖然也會有預計唔到的時候, 但係工作時間也算正常, 並不是通宵逹旦.

我很感謝神賜比我這份工作, 因為神會在我身邊不斷派人來提醒我, 提醒我找到一份工, 還可以讀完書出黎, 又入到行, 真是幸福, 我的朋友讀完產品設計直至現在也未能找到工作, 其實他的條件很好, 還在公開的比賽中得到獎項, 他的處事為人都應該會得到老闆的認同, 不過他自從上年六月畢業後, 直至現在也未見得成一份產品設計的工作, 所以我能夠入到行真是恩典.

回想從前的我是一個墨守成規的人, 因為依靠主我更有力量去改變自己, 認識神不能夠墨守成規去經歷主, 應該跟從自己的聖靈去行事, 這樣每天都會得到唔同的經歷, 工作的模式也是一樣, 墨守成規雖然可以給人一種很穩陣的感覺, 原來從前的我是因為膽小才不懂去嘗試新野, 因為創意, 轉變會帶來衝擊, 閒言閒語就一定唔小得, 被別人批評也唔小得, 被別人攻擊也有機會發生, 主令我做事多了份勇氣, 明白那些不可以做, 那些不能做, 跟從聖靈做事, 做事問心無愧, 這樣才會得到創意.

感謝神讓我在打日記裡面, 重新整理自己的生命, 明白上帝在生命上動工與未動工的分別.

公司突然風平浪靜, 有點恐怖, 因為星期四當日發生左咁多事, 按照常理對我應該唔會禁好的, 我早走過老闆,, 老闆會報以微笑, 叫我快點走, 星期四果日係咁吹我快d做li樣快D做果樣, 星期五就完全唔同曬, 佢一次都冇走過黎吹我交課, 緊張過後的平靜, 真是令人不安, 再加上kathy星期五也是最後一天工作, 令我感覺到有點不安, 人事變動得禁快既, 佢都只係返左一個月都唔夠, 禁快就走.

原來我在之前靚靚屋工作被公司抄直至現在也有陰影, 因為前公司是有計劃地抄我, 而我當時是察覺唔到的, 但直至被人抄左之後, 回頭看返才發現被抄之後對我的態度係完全唔同的, 老闆當初會很照顧自己同事, 會請同事入房傾下閒計, 會帶同事到現場講解情況, 教導我如何看一間屋的裝修, 計劃抄抄我之後, 他沒有再走過來, 眼神也出現閃避, 這個怶抄的前奏直至現在也能瀝瀝在目.

現在我的處境其實只是有一點相同之處, 就是對自己的態度突然地變化好大, 不過我自己其實不應該太多疑慮, 因為聖經講過"不要為明天憂慮, 因為明天自有明天的憂慮, 一天的難處一天當就夠了"凡事交托主, 主會帶領我走前面的路, 我只要向前走就可以了.

今日我做左d咩野呢? 好混亂呀! 一朝早就比人話到放工, 其實工作可能就係咁, 比人話下話下先會成長, 一朝早返到公司就係咁比人吹, 吹li樣吹果樣, 好像比人用條滕係咁(邊), (邊)到我個人都有d暈, 做得慢,錯又比人話, 做得快, 做得好又唔會比人讚, 做慢少少唔好做錯, 就唔會比人話啦! 吹我, 我祈禱求平安, 鬧我, 我都係祈禱求接納, 孤單, 祈禱求神與我同在, 缺乏信心, 就求神賜我充滿勇氣和信心! 神是信實的主, 必定聽祈禱, 我每天都要依靠神.

1)今日發生左好多事, 迅雷事件.

2)一個早上老闆在我個位來回左起碼七,八次, 頭都暈埋.

3)有個model叫我改款, 改唔到佢既心水, 就話我咁都唔明.

4)發現與朋友傾計, 未必能夠舒解到心中的仇煩, 唯有祈禱, 唱詩讚美神, 心中的煩惱才會真正流走.

神呀! 我要依靠祢!

話禁快明天就是星期四了, 只餘下兩日就放假了, 好開心呀!

今日又比人話了, 話我聽野聽得唔清楚, 話我做事唔小心, 我認我聽野聽得唔夠快, 我認我做事唔小心, 我會改的.

每日都好像接受訓練, 訓練對神的信心(相信神會賜智慧, 勇氣和平安給我) 我每天才過得順利, 雖然每天都會面對唔同的困難和考驗, 但我相信是神的安排, 這次考驗是我所能承受的, 因為面對的困難只是公司員工和設計的問題, 我之前求過神, 我想找到一份工只要是一星期放兩日, 平日時間有多長, 我都願意, 終於讓我找到, 雖然每日都八點幾九點先走得, 但我都很開心, 因為是我喜愛的工作, 多謝神給我這工份讓我經歷這麼多, 求神繼續帶領我走前面的路.

作品被人評論的心情十分緊張, 批評比讚賞多, 不過好彩有一個好的老闆, 他會稱讚下屬, 給我多了一點自信.

今天的心情都總算係開心.^_^

今日我提早返到公司, 感覺好舒服, 首先時間冇禁緊迫, 整個人都可以放鬆, 等車時也不會焦急, 平時過完隧道都會塞車, 今日就好暢順好快就返到公司了, 返到公司仲可以攞出我自備的喇叭大大聲咁聽詩歌, 敬拜耶穌, 好正......我明天都諗住早小小返到公司.

夢    突然想起, 我尋晚發左一個怪夢, 地方-樂華村, 時間-中午, 人物-小學同學, 變成妖魔鬼怪........我在樂華村的某大廈, 見到周圍都係d妖怪, 所以我就楂住支槍去射死佢地, 射死左幾件之後, 支槍卡子彈, 射唔出, 比妖怪追, 之後比我遇到一隻妖怪係我既小學同學黃康塋, 我就好疑惑佢點解做左隻妖怪, 想問下佢, 我同佢一路行一路傾計, 但我的使命是要殺死曬所有妖怪, 所以我就襯住佢唔為意的時候, 用我支槍射死左佢, 佢用個好疑惑的眼神望住我, 我就若冇其事, 當佢訓低左既時候, 我就抱起佢, 諗住放落垃圾筒收屍, 我抱住佢, 佢仲未斷氣, 打左我幾下, 好似想教訓我, 好憎我, 信錯左我, 我正想放落垃圾筒之際, 發覺個垃圾筒好污濁, 所以吩咐人去攞左一個乾淨的垃圾袋, 垃圾袋還未攞過黎, 我就己經冇力再抱起佢, 因為我很後悔殺左佢, 我(貴)地哀求一個有醫治能力的妖怪, 使她得以重生, 未知求唔求得返我就己經醒左喇!

尋晚諗左一個設計, 今朝提早左九個字返到公司, 畫完施工圖, 就落機畫我尋晚諗左既設計, 用左一個上午, 終於有d成果, 女老闆的一句唔靚, 我的設計就此完結, 她還攞住一張相給我看, 叫我跟足入面的設計, 一個設計者, 被別人批評完, 再要我抄設計, 都有點難受, 不過佢唔比我抄我仲難受, 因為重新再諗過可能唔洗收工, 工作雖然都有挫敗, 但我立刻祈禱, 挫敗感好快就冇左, 繼續工作.

今日朝早不想返工, 唔知係唔係星期六日都好似冇咩野休息過, 休息得最好, 都是星期六, 我同屋企人一齊上山放風箏, 真係開心, 我禁唔識放都比我放到上去, 我真係勁呀!哈哈

諗起都開心, 家庭樂都幾開心丫, 雖然大家都冇咩野講, 不過我地都感覺到好温暖, 大家一齊上山, 一齊落山, 還一齊去左飲茶, 我好耐都未試過這種感覺了, 感謝神你給我一個美好的家庭.

星期日就冇星期六禁開心了, 因為星期日情緒低落, 可能是不懂面對某人, 不懂回應別人, 引致自己有很多不愉快的事情發生在自己身上, 所以星期日是一個bad day, 不過當日也讓我明白一些事情, 就是不要看死別人, 要比機會別人.

今日未返到公司之前都好驚...好懼怕....同埋好似唔係好夠訓, 可能係因為尋晚發左個夢, 不過都唔係好記得係咩野夢, 總之發親夢第二朝都會好累,原本我心情非常低落, 但好奇妙我在廁所祈禱過係, 心情好了很多, 是彩還是神的大能呢? 我相信是神在作工, 因為我相信的時候, 祈禱過後就必得著平安, 這是我的經歷.

工作.....祈禱....工作...祈禱....我要陪養習慣經常親近主, 因為只有這樣才得著平安, 我每次感到不安, 焦急的時侯都要切切祈禱.

不安是因為還有工作未完成, 我是否需要交托比神, 神必會賜我靈感和解決問題的能力.

感謝神! manny對聖經沒有反感, 還很希望在camp入面加入靈修, 讀經的原素, 求神你使用這個camp, 讓我們的關係更進一步.

今日一朝早起床, 就發覺自己有點不對勁, 不想返教會, 不想親近主, 不想接觸任何人, 想自己一個人安安靜靜咁去諗野, 不過最後還是返到教會, 我在基智門口祈禱, 求神給我有渴望尋求真道的心, 我步進教會, 都不想與任何人溝通, 心裡很不平安, 沒有喜樂.

崇拜後心裡還是很不平安, 燒烤的活動我不是太喜歡的, 因為我怕污濁, 每次燒完之後全身都會有一陣很難聞的炭灰味, 還會把很多不潔的食物放入口中, 但很神奇每次燒完野食之後我都不會肚疴, 不過身體毒素一定會大大增加.

我越燒就覺得越不對勁.

沮喪的日子話禁快就過去, 今日好開心呀! 因為經歷到神的恩典, 神帶我走過工作的死陰憂谷, 我賞過這恩典之味, 我就更加相信神的帶領, 讓我更有勇氣去面對工作的困難.

今日放工出奇地一邊跑步, 一邊唱詩讚美神, 好像傻子一樣, 不理會路旁的人如何看自己.

今日係我打日記有史以來最開心的, 原因就係我患了沮喪過後症後群, 結果就是得著喜樂, 沒有沮喪, 困難, 傷痛又怎能令喜樂, 順利, 醫治放大.

神我愛你.