今日決定再打番日記,唔知點解...之前既野將會刪刪刪！！！重頭黎過~今次既日記將會以很清既背景~
尋日同今日係陸運會,唔多滿意,唉...等我同你地講下我d苦況..
首先,3級跳,本來係初賽有3跳,決賽又有3跳,+埋6跳..
點知跳左初賽2跳,200米已經最後召集了,無計啦,唯有去左200米先...
去到200米,一個一個叫人坐低,甲乙丙組一齊叫,整左超耐..到左所有人終於點晒命之後..
時間已經過左半粒鐘喇...跟住又要等3000米果d人跑完先行得...等等下,有人黎同我講3級跳囉左第2...
唔知好嬲定好笑喇...囉左第2雖然係好...但係為左去200米到而搞左9個字先開波,咁我不如將呢9個字認真跳埋果4跳啦！！！
唉~到左200米初賽,我果行得3個人...心諗點都跑第一...一開波,跑牙跑..爆唔到速= =但係都贏左~符碌入左決賽~
下就,200米決賽,勁多F.1仔,諗住點都3甲內啦= =點知因為頭先食飯果個干炒牛河食得太飽..飯氣攻心,好想訓教...
算啦...心諗一定又爆唔到..一開波,果然...一路帶住第4過終點= =
一跑完,出奇地又興奮地有個姓袁既話愛社4x400有一隊差一條友...同佢講左唔想跑,跑唔郁,但係佢又話我之前想參加= =比佢老屈左入..
一開波,第1個圈都唔係輸好多,去到第2個圈,果個F.1仔超勁LO,有內圈唔跑跑外圈,一開波又爆晒d氣,睇到我個咀呈o形....比佢拖慢晒..
去到第3圈,無咩野,普通速....
第4圈..終於到我喇....但係問題係...人地李家豪岩岩過左終點..我d隊友先比棒我,有鬼用咩,點追牙.神速都唔得啦！！！最後,比我追到離第7名100米左右...算係咁拿掛...(跑第8)
去到今日...晨早玩跳遠..唔洗講,勁多人踩界..我無~呵呵,入到決賽,姓袁又以佢既屈高技術得到第1...而我係跳遠初哥..只得第5...
食完飯...又要去後門迎賓= =只係F.1~F.2要,因為F.1未有隊長,所以由F.2隊長(姐係我)叫口號...
嘉賓未黎之前又要同佢地操得整齊d,人地話我叫口號既速度太快= ="
黎左2個嘉賓之後等左超耐都未有人黎...但係牙sir要我地企到頒獎禮先走得...企完,攰到傻...
頒獎禮...無無聊聊計下自己囉左幾多分...原來..都ok喎,有19分...
番到屋企...無聊地開人地日記睇,自己又想開番喎,咪開番lo= ="
後話：d女童軍好鬼多章= ="唔知點解,聽人講係好似讀書咁,做份野就得,唔知真定假...仲有,個別既女軍童實在太鐘意跟我作對喇- -
|
