今日係Big Day既前一日,好忙丫....有好多野要做~朝早起身執埋D物資,之後晏就1點幾就去太子拎衫,飾物,好彩有老豆載我地去咋,原來我地有2大一細箱既衫要拎X.X

拎完衫,我將D衫擺係車度,之後去左買多一筒紙杯,買完就出發去南華閣啦.....去到南華閣放低物資,我再詳細問王經理D安排,老豆就載我地返屋企附近,買埋濕紙巾,見到新

開既蛋糕店有puff賣,所以就買左4個試下啦...返到屋企放低哂D野,休息左一陣,send埋預先order既點心比紫荊閣 (For 聽日食lunch用),今日係呀媽老豆既結算週年紀念日,

所以今日屋企唔煮飯嚕.....我同老豆,呀媽去左金都酒樓食晚飯,依間d野都唔錯,個餐有蟹煲,象拔蚌,斑塊,最勁係個智能水煲,當佢無水個陣,會自己識加水...好勁呀

食飽飽,返到屋企沖完涼就等夠鐘再上頭~為左驚會阻時間,我已經預早換定紅睡衣,一等12:00就上頭,好開心丫~呀媽幫我上頭個陣,老豆幫我拍片,仲有同屋企人影左好多相,

最後我執埋d手花,遊戲道具,敬茶用既野就去訓嚕

(ps: 我本身諗住一攤係床就可以訓得到,仲祈禱求主比我訓到,可能因為心情太緊張,有太多野都好擔心, 加上又有少少興奮,所以完全係訓唔到......去到4:00幾就起身執野,準備結婚)

 今日4月24係過大禮既大日子🤭🤭8：00幾個陣天陰陰又落雨，個陣我心裡祈禱，希望過大禮個段時間唔好落雨，因為d兄弟又要拎住d禮籃，今朝同呀占夾一次d野先，食完lunch,我同屋企人都換衫，準備等佢地黎，屋企人換完衫都好緊張😂😂佢地14：00黎到，之後係門口講左句“請女家開富貴門，之後佢地好搞笑，逐個逐個講d吉利說話，明明我琴日比左d好簡短既說話叫d兄弟講，但係黎到d兄弟就講左好長篇既吉利說話（例如食左綠豆酥就甜甜蜜蜜咁..），佢地講得好搞笑又詳細，雖然我係房度，但係聽到佢地咁講真係笑左出黎，辛苦各位兄弟啦，你地做得好好呀👍👍禮成之後，我地就一齊影相,多謝主保守一齊順利，同埋過大禮個陣無落雨🙏🙏頭先個個都笑得好開心丫😄😄

 唔知點解我覺得今年既生日有d感動，feel一種好實在，不一樣既感覺...今晚呀媽幫我預備左豆瓣醬腸粉，太幸福啦，生日朝早就有好野食，今朝我收到好多朋友既祝福，特別係令我估都估唔到既係我無同Connie聯絡咁耐佢竟然記得我生日添，仲係whatsapp度同我講生日快樂，太感動啦，一定係主賜比我最好既生日禮物,好開心呀，唔知係未有太多人既祝福，同埋Connie竟然同我講生日快樂，我竟然有小小感動到想喊，唉~近排既我好似眼淺左，耐唔耐就流眼淚，不過依d都係開心野黎既，食lunch個陣打開飯盒見到一隻煎蛋同芹菜墨魚滑餅，唔知隻蛋係未呀媽專登整比我呢，到左14：00幾個陣呀占message我話係國貿度等，我仲以為佢帶我去食Lagom,原來佢約係度等😂😂放左工之後我就係國貿等呀占，之後我地去左海濱個邊坐底，呀占就拎左個小蛋糕出黎，佢話琴日比左好多心機整，個傻瓜唔食牛油果，但係就係知我中意食，專登整左個牛油果蛋糕仔比我，雖然賣相一般，但係收到都好開心，感動，我地準備食蛋糕個陣，仲有個氣球吹左過黎😂😂食完蛋糕之後，我地去左食泰菜，好野呀~晚餐竟然係食我最愛既泰菜，今日真係好幸福🥰🥰

 今日放工約左豪仔佢地食飯，放左工我Yonnie會合左之後見時間仲早，就去左旺角T.O.P.度行，行行下,見到有陪韓式影相機，不過影兩輯都要$100,但係個style又好似幾吸引咁，所以我地去左試，影完之後，我話一陣比返錢Yonnie,佢竟然話當生日禮物送比我，依份禮物太珍貴啦，我好中意呀，然後我地搭車去佐敦去會合豪仔,今晚食個間餐廳叫“鍋心粥”,入去到我地叫左7款海鮮+5個配料，野飲，d野飲黎左之後，豪仔竟然即刻幫我開埋支汽水同飲管，我同佢講我自己黎就得，小心你女朋友介意，佢話如果咁都介意叫佢去死😂😂等埋Edwin黎我地就有得食啦，人齊之後，d海鮮（多寶魚，沙白蜆，蝦，蟶子，蠔，蟹，大尾魷）都煮好啦，我同豪仔講開照顧人既問題，之後Edwin就即刻有反應，豪仔話睇黎Edwin你好有共鳴啵，Yonnie對住Edwin笑，Edwin即刻證清話無d咁既事，真係好搞笑😂😂食蟹個陣，豪仔係咁叫Yonnie用手食，之後豪仔話不如叫Edwin幫你剝啦，我就話Edwin未整緊囉，但係由於d蟹好痴肉，好難剝，Edwin依刻都好苦惱，不過個多寶魚，蟹，蟶子，蠔都幾好食，好鮮味，我地食到一半都已經好飽，都食唔哂d芝士丸，花枝丸，豪仔，Edwin佢地仲笑Yonnie,因為Yonnie話個芝心丸係未未熟，豪仔就話d丸本身已經係熟...咁點會唔熟呢，你最多都只可以話佢唔熱😂😂仲話d芝士丸係Yonnie叫，叫Yonnie搞掂去，笑死我啦，Yonnie話依隻唔係佢平時食開個種，佢唔食呀~食粟米個陣，Yonnie話佢出街唔食一舊舊個d粟米，豪仔忍唔住話你好似小朋友咁吉住黎食就得，Edwin都話佢頭先都係吉住黎食，之後豪仔仲話小朋友真係偏食，麻煩，Yonnie就答唔係點叫小朋友😂😂我地叫個侍應上埋個粥底，個粥真係幾好食，加埋菜埔，芫茜就係好正，我都食左2碗嚕，個侍應落粥底個陣，聽到豪仔話食完，之後個侍應糾正佢，話係食飽，老人家唔中意人地講食完😂😂另一個侍應執檯個陣，走過黎問“要唔要食蛋糕”，我以為佢sale我地食蛋糕，好彩豪仔答左好咋，我差d忍唔住講我唔要啦😂😂太感動啦，原來佢地買左個小蛋糕比我，仲有個生朱古力生日牌添，太開心啦，我地影埋相食埋cake就返搭車走嚕

今日放工收到Lily既whatsapp,佢話自己同Clara發生左d事，唔適合一起做姊妹，“唔好意思 想同你講一聲，因為最近我同clara之間有d問題發生左, 我諗我唔係好適合一齊做姐妹， 所以想同你講聲，令你有唔方便既話，同你講聲唔好意思，姊妹裙既錢你話返俾我知 我俾返你🙏🏻”

我睇完之後有d唔開心，淨係知道唔可以怪佢，個一刻我諗我究竟仲可以去邊度搵個人做姊妹😭😭由於我真係有d傷心，加上有d不知所措既情緒，我就打比Kero傾左幾句，之後Kero叫我可以問下佢d朋友先，睇下佢地肯唔肯做，咁我於是膽粗粗係whatsapp群試下問，點知問完，無幾耐就有人覆我，我係group度問Kathy可唔可以幫下我，點知佢即刻應承，仲話撐我添，而Cloris都話有佢地叫我唔洗擔心，真係好好呀，估唔到咁快就可以搵到人補上，雖然我同你地食過幾次飯，但係你地都肯幫我同支持我，我真係好感動，最後我打比呀占同佢講個陣忍唔住喊左出黎，喊完真係舒服哂，我有動力繼續搞結婚既野，希望6月5一切順利，開心啦，好多謝主一直看守我，幫助我🙏🙏

PS: 我今日忍唔住想舒發下唔開心既心情，就係FB打左幾句post上網，之後就有朋友黎關心我，好感恩