25 / 1 / 06 ＊＊

今日我特登遲d起身 , 睇下ar爸會5會叫我起身返大陸 , 最後佢都叫左我起身 , 嗚嗚 .. "

我次次返親去都硬係有d 5舒服or有d野發生....

大概9點幾定10點幾返去 , 我冇麥野要拎返去

搭地鐵得我同ar爸好悶ar , 最衰其他人5得閒 , 得我地兩個返去 , 唉．．．．

過關都OK冇咩阻滯 , 去到搭果d旅遊巴 , 嘩 !!!!好多廢氣ar , d空氣太差la ><"

上到架巴巴... ar爸訓覺 , 我響度食糖糖^^同埋睇電視

架巴巴搭去惠州 , 我無無聊聊咁睇電視 , 都幾悶下= ="

等左好耐 , 終於可以落車la~ 

一落車就見到個男仔響出面等個女仔 , 個女仔一落車就同個男仔來個情深的擁抱 , 埸面好溫馨~  佢地好似相格左好耐咁 , 真係好似d電視劇集果d結局咁 , 有情人終成娟屬 , 有d感動 ~＊

之後又call左表哥落黎 , 跟住就一齊去左間restaurant度食野 ,  d飯既價錢同香港差5多 , 但果度d飯比香港多 , 都幾好食~

我地之後又再搭的士去三棟 , 我地向住 " 大陸的家 " 出發 ^^

大陸始終都係大陸 , 有d 5慣 , 果度重係冇麥點變 !! 

唉.....冇人可以同我傾計 , 我地有言語障礙-----『代溝』=.="

唉 , 我ar爸就響到汁頭汁尾 , ar嬤佢成80幾歲 , 佢又做過兩次手術 , 依+隻腳重有水腫tim , 真係好可憐  

我又幫5度佢又聽5明佢講麥 , 所以我都走左出去個花園度行 , 等我ar爸同ar嬤佢地自己慢慢傾~＊　

我返到去都中午時分 , 我重有咁多時間 , 我都5知做咩好 , 如果此時此刻 , 有個人可以同我傾下計周圍行下咁就好la~  係邊個都冇所謂 , 只要係我識既就得 ^^ (最好係個女仔)

我極之期待有個人可以陪我 , 但可惜係冇既....

我返度去根本就無謂 , 不過ar嬤都捱5到幾耐 ''''    所以今次可能係最後一次睇佢．．．但我又做5到d咩...  真係感到十分無奈 !!

我自己一路行一路諗果樣野 , 唉... 真係難怪咁多人諗不通 , 呢家野5用d時間去諗真係好難有個答案 , 而且呢個答案係對我極之重要 ~

5通我就會比呢個問題困擾．．．呢個答案我一定要細心思考 !!

我無無聊聊咁玩石 , 玩狗 , 玩．．．總之有個人陪我重好過我自己一個人響度玩呢d野  

好悶悶．．．真係同其他人一起返佢地既鄉下重好 , 起碼有人陪 ...><...

後來我捱過左呢幾個鍾 , 準備食飯**    真係好5奮氣 , 呢個假期就咁浪費左一日 ><""

唉 , 響大陸都冇野好食 , ar嬤原來你係咁可憐...

我食完飯就睇電視 , 我一直睇到11:00 ↑↑   跟住ar嬤無lala氣喘 , 我同ar爸好驚佢有事 , 好彩過左一陣 , 佢就冇事 , 嘩,...我地真係比佢客親  

之後一個人去訓先 , 我又未咁快訓得到 , 我一路諗ar諗  ???

我知自己"苯 " , 所以一直都5知應該點做好 ?_?

阻左一陣 , 我就  , 之後冇幾耐 , ar爸同我一齊訓 , 因為冇位訓 , 所以我地兩個人一齊訓 , 張被又5夠大 , 所以我一直都5係訓得咁好.... 但最後都累到要訓 (zzzz) ^^ 
_______________________________________________________________________________________

26 / 1 / 06 ●•○

第二朝 , ar爸好早起身 , 又搞拎番香港d野 , 我都5想理

我訓ar訓 , 不過醒左又訓 , 係一件好難既事 **

醒左 , 刷牙洗面 , 未有早餐食 , 做晨運 ~>~

過左冇幾耐 , 姨婆黎左 , 跟住姑媽又黎埋 , 唉... 我又係聽5明 , 好灰ar !!!

好似冇地方可以接納我咁... 姑媽就幫ar嬤洗白白 , 5使好耐 , 我地要走 , 舅父黎埋 , 我地搭的走

我好似得到解脫咁 , 我恨不得立即走番香港咁 , 但依+重要去公公度 , 搭左10幾分鐘 ....

終於到左 , 我地上度去 , 我因為5識講 , 我就一直響到食野 , 5鬼理佢地 

我發覺千歧5好對d表兄弟姊妹咁好ar , 之後你見到佢地 , 佢地會好似怨鬼咁纏住你 !!!

我忍住當佢地透明 , 兩位都係表妹 , 唉.... 佢地好煩嫁 , 真係想死ar我 @_@"

真係好lo , 我終於可以走la , 不過又一大困難就係要推架手推車 , 車上有個紅白藍既袋 , ar爸都拎住一個 , 佢果個重重過我果個 , 我推得又辛苦又樣衰 , 我不要ar !!　

唉 , 命運係咁我都冇辨法 , 呢個5多5少都係我5想返大陸既原因 ~

不過算la , 返到去都預左 , 返既時候都好累 , 又成日阻到人 , 真係5好意思 !!

唉 , 去到牛頭角好幸苦ar , 去到麵包鋪 , buy左d老婆餅黎食 ^﹏^

嘩 , 拉上去條斜路 , 我有點兒想死... ar爸重叫我慢慢拉 , 拉得慢就反而重累 , 所以我lala聲拉上去 , 我死都頂住 ．．．．＞

衝ar...上去... , 終於比我捱過左 , 我難頂ar , 好彩冇熟人見到 , 5係既話咁樣衰會好  

上到去食野ar , 好彩細佬佢煮左麵 , 又有d野食姐 , 食ar食ar....  今日好累ar重好悶tim ><""

希望聽日會好過d , 本身今日返黎打算去踢波 , 但返黎已經太遲la....可惜.可惜 **

新年5知會有幾多錢呢 ?? 今次陪ar爸返鄉下 , 咁都有$ 200收 , 都5錯 , 兩日一夜 +.o