我返左大陸呀各位
祝福我喇
我講件難以置信既事你知
第一……我竟然去爬山
我去左爬個唔知叫做鳳凰山
定還是鳳陽山既地方
旨因我兩個表姐+表姐夫要去果度拜拜
其中一個表姐仲帶埋佢個仔仔梨
我本來已屬冷血一族
對唔可愛既細路而且行為與年齡不成正比特別既討厭
我表姐仲要加多句
佢同你細個好似
唔好意思……充其量只是身形似
我可愛又可愛過佢
(因為細個太可愛…所以家陣特別樣衰…哈哈我正在找藉口)
最重要的是…我懂得什麼是沉默是金
即使要做白痴行為…都只會係老媽子同我阿哥阿姐面前做(加堆朋友)
絕對唔會係班親戚面前做
更加不會看見什麼也說﹕這樣很古董
別人問起又唔肯古董係佢既字典係咩意思
好…發洩完畢
說說山上的廟
裡面有好多唔同名既觀音…
大部分既觀音既名都可以係佢身上睇點解會咁叫
但有個真係百思不得其解
如果想知…私底下問我
唔想知就拉倒
不要再記著這件事
第二件意想不到的事
macy妹妹…朱朱仲記唔記得我地廣西個旅程完左
返梨香港果日既午餐呀？
你地未話好難食架…
估唔到我竟然有幸食到比佢難食100倍既野
可幸既係…果家唔係餐廳…係我姨媽
不過我都有食過係我鄉下既餐廳既食物
比最後一日既餐廳還是難食得多
一山還有一山低
估唔到我搵到幾個更低