在此感謝caoel、小磚、momo、manman、曼琦妹妹比書券我

終於開始教馬料水喇…
真係不可思議﹗﹗﹗
點解呢個世界可以有人寫得咁好
出色既文筆…再加上老師既演繹方法
完全沉醉於課文內
不過今日剩係講左四段
基於同學們既要求底下
我地去左書展
車…你地只不過唔想上堂姐……
我同miss講我好鐘意馬料水呢課
miss係呆左…因為佢未聽過有人鐘意呢課書
算喇…我品味一向獨特(換句話說…即是品味差)

唔知係唔係太耐冇去總廚食野
今日去食既時候發生左d有趣既小插曲
個大嬸問徐﹕要唔要茶？
徐﹕吓…我地食學生餐wor
個大嬸﹕咁你要唔要茶？
我想講學生餐向來都冇茶供應
之後蘇話我地簡單複雜化
喂…係佢唔肯用個腦好唔好？

陳恆業…我琴日明明無整到…你係都要話我整到
好…你咁堅持…
我唔整…我踢
係你自己挑釁我在先…又要驚…
而且你要記住…你成日咁整我個頭
係會引起好多女仔既不滿
你今日比人圍攻…真係唔關我事架﹗(奸笑中)
寧得罪小人，莫得罪癲婆(我)呀…哈哈哈

高團講同性戀…我今次乖乖的去了
去之前…突然係度同阿莫講
靚仔應該配靚仔
中等男配中等女
醜男配醜女
等等…那美女呢？
要她們孤獨終老？
我問莫﹕不如比可愛型佢地喇
莫﹕唔得…可愛型要配靚仔
最後我地一致決定…
靚女配返靚女
P.S各位有去高團既各位…覺唔覺開始講野個男仔把聲好……