唔記得左傾緊咩，傾傾下突然傾到李生兩兄弟身上，maycee姐問我，我會唔會分唔清佢地兩個。我都唔知，但係我記憶入面，wingwai既眼神係好特別，通常班上面既仔都會有唔同既眼神代表住唔同既感情，但係望住佢地對眼，我只會有一種感覺，好想笑，我係果種唔可以望人對眼既人，如果唔係我會笑到停唔到，所以通常我只會望住佢地頭髮等等其他地方；但係望住wingwai，佢既眼神係帶住好大既吸引力，我會好想一直望住佢，每一次我都會嫌佢開門開得太快，望住佢既側面，望住佢既眼神，我會忘記左時間既流逝。雖然佢只係同我講過兩次野，但我仍然記得佢比聲係好溫柔，就連對話內容我都記得一清二楚。唔係，應該話關於佢既野我都好記得，佢專註既眼神，佢望向遠方既眼神，佢講野時既眼神，佢疑惑既眼神，一一係晒我腦海入面，我唔夠膽話係未來既日子我唔會忘記佢，但至少我記得曾經有過咁傻但又值得回味既事發生過。