當一個人難過既時候，會好自然咁流下眼流。從來唔明白點解ｄ寵物死左，人會咁傷心，可能係因為我從來都未試過認真咁養寵物。試過同阿姐養兩次蒼鼠，兩次唔到一個星期就將佢地送左比人，係我居企住得最耐既就係廁所既兩隻龜，感情唔算好，但如果冇左佢地我會好傷心，可能係因為以往既事，總係覺得人係唔可靠，即使同果個人既關係好好，都係咁話。因為咁，令我每次有ｄ咩野，唔開心或疑難，我就會好似一個傻子咁，蹲係廁所度同佢地講野，當然喇﹗佢地未試過理我，連望我一眼唔肯（隨左比野佢地食時），很傷心的說﹗做咩突然講呢ｄ野？因為中文堂時，ｍｉｓｓ江講起寵物，然後講起佢隻狗，講講下竟然喊，可以感受到佢真係好傷心、好痛心，而佢講緊既時候，朱朱都忍不住減，冇辦法，佢隻狗前幾日先死左，突然聯想起我呢兩隻龜龜，一時有感而發，就打左呢篇日記。