好耐未試過發咁大既脾氣喇﹗即使徐之前點激我，我都冇今次十分一咁嬲。以前，我最後半個鐘，條氣就會順晒，一ｄ都唔嬲，但我從未試過，由lunch到而家，我都係咁嬲，條氣仍然窒住窒住。

大佬，如果你有咩特別要求，好心你一早就講，我唔係，亦都唔想係你肚入面條蟲。你又唔講，咁其他人就好易做錯野，做錯野又要不停咁串串串，大佬呀﹗你唔煩，我都煩喇﹗

我一早講過我畫畫差，叫過唔好有咁高期望。為左做得比較好ｄ，我特登求埋畫功比我好少少既阿姐幫拖，我承認我地畫功係超差。但咁又點？你地串我畫得樣衰時，我都認話﹕「係呀﹗唔好意思呀﹗我畫野係差ｄ﹗」我都咁認左衰喇，仲要死咬住唔肯停。大佬，你畫野都唔係好得去邊，我都冇串過你喇﹗你唔係好我好多，你憑咩串我呀﹗唔通你有自尊，其他人就冇可以任由你串？你平時串我讀唔正音我冇所謂，因為我真係做唔到而你做到，但我介意既係連你都未做到，憑咩野係度串嘴呀﹗開源節流喇﹗如果你只係串我，我唔會咁嬲，但你而家串既，係我最尊重既居企人呀﹗

我唔講發生咩事，唔係為左你地，只係我認為講左我唔會嬲少ｄ，唔講我又唔會嬲多ｄ。我呢世女最憎，就係比人侮辱我阿姐。