今日又唔洗集隊ｌｕ！因為又落雨。我本身以為要，所以就上左去拎書，拎得好多呀！之後落到去．．．先知唔洗．．．又要上番去．．搞到成個白痴咁！

　　要上２堂地理呀！中史堂同地理調左堂．．但我地以為係今日既地理變中史，中史變地理。點知．．．原來．．唔係。而係上２堂地理。嘩！！你冇野牙？！之後西史堂睇片。普通話堂作急口令呀！好鬼好玩！睇下我地組既作品啦！Ｐ.Ｓ：用普通話黎讀喎：

爸和媽

他是我的爸，她是我的媽。

他不是你的爸，她也不是你的媽。

你不要當他是你的爸，

也不要當她是你的媽。

他是我的好爸爸，

她也是我的好媽媽。

請你不要再當他們是你的爸和媽。

　　係咪好正呢？！其實都幾似粗口．．．不過大家唔好諗歪野呀！我地乖學生黎架！生物堂以為要上去喎！個個排哂隊準備上去，Miss就落到黎喇！佢話係下一堂，唔係今日．．玩野！！

　　之後英文堂，今次係佢地食野呀∼唔關我事．．仲要食金莎ｔｉｍ！佢地摺果個金莎花好靚呀！！好有feel，咩feel？！唔話你知！其實我自己都唔知。Quiz喇！我同阿陶講：「我抄你架喇！我知你實識架！」之後斜眼望佢份卷，用手遮住半邊面，扮哂托住個頭咁。希望合格啦！

　　唉！又係地理，真係訓得著喇！中文堂一開始，佢地冇交功課果ｄ猛咁比Ella鬧呀！阿陶果張硬筆比佢撕左，真係好想知點解．．抄錯左ｊａ．．洗唔洗咁呀？！