話就話唔上黎打野住，點知都係忍唔到。今日又要上P.E堂喇！雖然跑完之後好[支力]好熱，不過都算啦！咪當減肥囉！！但係跳繩果時我都真係幾落力下架！！

　　今日係我地呢班，一齊渡過左３年既同學既最後上課日，諗番起．．．時間真係過得好快，我地好似O岩O岩升中咁．．但係咁就３年喇！但我O係知識上學到Ｄ咩丫？！連我都講唔到呀！

　　上化學堂果時家家又o係度扮阿SIR個LOOK！！阿陶就依舊成日一路上堂一路o係我隔離唱歌，有時候．．．我都會諗．．．如果o係我隔離唱歌果個係我鍾意既人．．．咁就真係冧爆喇！！

由今日開始，直到考完試之前，我都唔會上黎打日記住架喇！！暫時停止一下，考完試(29/6)先再黎啦！

　　今日冇去到練習呀！偷懶 。話就話因為溫書，其實就訓到成１點幾，不過又見怪不怪，因為昨晚咁夜先番。起左身食完野就執番好張書桌，因為亂到爆，之後開電腦做TBL Project，做完就真係溫書喇！！

P.S：距離考試仲有......4日!!!努力呀!!

　　今日去左婆婆屋企，預祝佢生日快樂。去到之後諗住落去會所打桌球，點知比人卜哂，唯有去行陣街。之後同七姨去左揀卡卡，買禮物，跟住去食麥當勞。番到去就坐一陣間，就要落街食飯仔ｌｕ！食完飯又去左行陣，去買化妝品，哈哈！！９點鐘就真係去打桌球喇！打到１０點鐘，番上去睇電車男同埋切蛋糕，個蛋糕超多朱古力，勁甜！！食完之後同佢地入左房玩電腦，睇E-mail，１１點幾先走。番到屋企都成１點幾ｌｕ！！

　　今日黑雨呀！！所以未上完第五堂就放ｌｕ！！今日以為佢唔會番黎，點知小息落去果時，行行下樓梯，賢賢同我講：「阿蛛！阿蛛！你望下！！」跟住我都唔知望左去邊，之後就見到佢喇！好開心呀！！哈哈！！佢好似冇乜點變過咁，仍然都係咁型！！

　　冇帶遮呀！！濕到癲左！阿lin同我行左一段路，跟住我就要淋雨番屋企，番到去好似o岩o岩洗完頭咁，ｄ頭髮猛咁滴水。

　　今日頭３堂都係凌SIR堂，但係佢冇番，所以就自己做自己野，不過就叫左我地作文。我、阿陶同埋阿發作完之後就「靜靜雞」玩啤牌。Miss一企起身我地就即刻轉番好個身，掉哂自己手上ｄ啤牌落「櫃桶」，Miss話我地肯定有d野玩緊，但係唔知係乜。

　　之後小息果時，水晶入左黎，我、阿陶、阿發同埋水晶一齊玩，之後有好多同學都圍住黎睇。我就一路玩一路昅下有冇老師行過，點知o岩o岩出完pair10之後，見到Ella o係出面經過，我同水晶即刻掉牌，阿發就用最快速度一手掃哂落「櫃桶」，Miss入到黎問我地玩乜，做咩縮得咁快，之後佢問水晶做咩入黎我地班，我地話一齊傾下計ja！！之後Miss睇下阿發張desk，ｄ啤牌比ｄ書遮住左，佢望唔到，但係到我睇果時一眼就睇到ｌｕ！！真係嚇鬼死我！！

　　今日又上P.E，雖然跑得好辛苦，但我覺得今日好好玩呀！打籃球，打打下半場，跟住自己同fd打埋全場，唔知點解無啦啦一陣風，飛左好多泡過黎，超靚．．．開頭我地個個都以為係樹或者家政室果ｄ棉花，點知一踩落去原來係泡黎架！

　　之後中文堂，ELLA話我地班有好多同學都例牌唔帶書。之後又話我地班有人欺凌同學。搞左成半個鐘先正式上堂。

　　LUNCH過左去盈豐！Suki呀．．．唔好食咁多冷麵喇！會肥架！　由於趕時間，所以〔飛的〕番學校。

　　英文堂同阿陶傾計傾到癲哂，狂笑。之後o岩o岩想訓一陣果時，阿陶無啦啦又嘈醒我，我即刻同佢講：「o岩o岩想訓又嘈住我，你訓果時我有冇嘈醒你呀？！」我講完先覺得好似巴士阿叔ｄ對白咁，佢就即刻笑喇。跟住又傾另一樣野，最尾果幾分鐘同阿陶笑到面都紅埋，笑到收唔到聲，之後大佬同Tara望住我地，問我地笑乜。但係我真係唔可以答你呢個問題，因為．．．不可告人。

　　今朝8點幾就起左身,,,,冇乜野做,,,,睇下電視做下功課,,,,玩陣電腦,,,,時間好快就咁過左lu!!!聽日朝早又要去練習喇!!!!唔知點解而家好似幾like去練習咁wo!!!!

　　5點幾果時同左媽媽落街行下兼買野,,,買左d筆準備考試同埋買左本簿用黎計數。番黎果時搭升降機,,,我一入去就o禁33樓,,,有個高佬,,,真係勁高呀!!!一入到去好大力咁[啪]一聲,,,又係o禁33樓,,,嚇死我!!!明明已經o禁左架喇,,,有人一出,,,佢又o禁過,,,下下都咁大力,,,佢仲要紮埋辮,,,搞到好似打摔角咁!!!!

　　今日番學校既途中冇落雨，番到學校如常好似平時咁，不過就好擔心中文默書同埋數學quiz喇！落緊唔係好大雨既時候，Suki同我講：「阿蛛牙！今日lunch去盈豐丫！」我只係答好多句：「下...下...下...」之後就冇理會呢件事喇！上堂一路都好眼訓，因為尋晚夜得滯訓呀！之後就背好哂中文成語啦！

　　數學堂喇！好唔掂呀！！講真．．．完全唔識！諗爆頭都計唔到呀！！之後唯有斜眼抄幾題．．．希望可以拉分啦！到差唔多收卷，Man Sir開〔咪〕宣佈，話發出左紅色暴雨警告訊號，下晝唔洗上堂，可以番屋企喇！！我地成班o係度Yeah，Miss即刻叫我地唔好嘈，點知我地嗌完喇．．過左幾秒．．．先聽到４樓ｄ友仔o係度嗌．．．乜反應咁慢架？！一聽到就好嗌啦！！我就諗到唔洗默中文喇！！阿發話打去天文台同佢地講 「I Love You!」 之後話佢地ｄ員工今日特別靚仔靚女！！哈哈！！

Ｐ.Ｓ：我鍾意你同我講「I Love You! 」「I Love You Too! 」

　　今日番到學校，開緊locker既時候，發覺自己唔記得左帶家政堂要用既材料，即刻好驚慌。之後就擺低ｄ書o拿o拿聲走去校務處打電話比媽媽，終於o係上堂之前拎到過黎，真係我既好媽媽！！

　　之後家政堂就考試啦！我同Ｓｕｋｉ整左個冬瓜湯，有３片薑、冬菇粒、瑤柱、冬瓜同埋瘦肉，煲左出黎之後真係勁多料，呢ｄ先係真正既「有料」呀！！到比分果時Miss話我地呢個整得好呀！！哈哈∼！之後周圍試哂其他組整果ｄ。跟住漏低左支黑色墨水筆o係家政室呀！！

　　到左放學ｌｕ！行到一半，先發覺自己又唔記得拎「遮」！點解我今日成日都唔記得拎野架？！唔知係咪因為尋晚ｄ酒搞到我頓左，上堂果時又「吽吽」地！！

　　今日同左一班ＦＤ去蝴蝶ＢＢＱ。３點到開始燒，５點幾６點果時落左沙灘玩，我驚整得太濕會比媽媽鬧，所以淨係整濕條褲算喇！！７點幾就番番去執野同影相。跟住就走LU！

　　同左嘉欣、堅叔同埋一個女仔（唔知佢叫咩名）去ＯＫ買酒飲，雖然酒精含量好少，但係飲完之後個肚好似熱熱地同埋有好多汽咁。之後堅叔送我同嘉欣番屋企。番到屋企仍然係FEEL到好熱，冇事既冇事既！！

　　今日番到去果時冇落雨呀！所以要集隊．．．加埋件冷衫．．熱死！但唔著又唔得喎！！到行上去果時超驚有perfect捉我隻黑色米奇老鼠頭耳環，點知冇事。

　　化學堂，阿Sir未黎果時，阿發好大聲咁話：「梁國林！你同我出黎！」我叫佢同阿Sir嘈果時千祈唔好爆粗。阿Sir黎到之後，阿發拎左上次張扣分紙出去同梁國林嘈，問阿Sir做咩扣佢16分，梁國林淨係識得叫人即刻番埋位，又話佢言語無禮，大聲少少就言語無禮。阿Sir！o係你角度黎睇，你言語無禮既定義都幾勁下喎！！！

　　音樂堂考筆試同埋吹牧童笛。筆試有１題唔識做呀！！就係問：莫札特既<<小夜曲>>>點解會叫做<<小夜曲>>？　　都冇溫過，點會識呢ｄ喎！樂理我就識哂。之後到我考牧童笛lu！一開始有ｄ驚，所以吹慢左１個音，不過之後都好順利。吹完之後，Mrs Wong同我講：「Very Good！吹得好好呀！阿蛛（其實佢係講我全名既）吹出黎既音色同埋旋律都非常之好既。」得到左全班同學既掌聲，真開心。

　　集會唔洗上去呀！留番o係課室，不過要我地做升中四選科問卷調查。唉！有一題真係好難答．．．雖然只係問緊我自己既意見，但果題我真係唔知點答好：如果你不能夠修讀你所選擇既科目，你會怎樣做？　　見到有ｄ就話揀過其他科，有ｄ話搵人幫手，有ｄ話出黎打工。不過最後我都係寫揀過另外一ｄ仍然適合自己既科目。

　　番到屋企梗係即刻做哂ｄ功課先啦！之後諗住開娃鬼回魂黎睇，點知o岩o岩拎完隻碟之後，爸爸無啦啦o係我後面講野，嚇到我成個彈起。

　　今日又落雨喇！今日一放學，落到黎，見到家家，佢問我係咪淋雨番去，之後我話我有遮，點知佢即刻話：好朋友好朋友。　就跟住我走喇！佢話佢拎遮，要我陪佢行到去興盛樓。哥仔呀！你住學校後門果邊咋！行兩步都到啦！唉！搞到仲要一行出門口就比阿清同lam lam見到我地o係同一把遮下面。＝.＝”　　早知借把遮比佢，我自己淋雨好過，反正又唔係太大雨。

　　又有消息喇！佢６月９號會番黎開畢業典禮呀！！希望今次真係可以見到佢啦！！

　　今朝又要練習ｌｕ！今日要開始學跳舞，都幾難跳喎！番到屋企已經唔記得左點跳lu！之後１２：３０同宇宙夾歌呀！！果個唔知係咪隊長既人，好型呀！！ 　不過睇黎佢對呢首歌唔係幾掂咁喎！指黎指去都覺得唔好。唉！！！

　　今日同左嘉欣去剪頭髮呀！！好似ｓｅｖｅｎ左ｄ咁ｇｅ？！前面係斜既！！哈哈！！冇野ｇｅ！！好開心！！未試過同ｆｄ去剪頭髮。ＹＥＡＨ！！！

　　今朝搭升降機既時候，見到有醫護人員推住架野入黎呀！！唔知咩事呢？！

　　唉！！阿發真係慘．．．無間書．．比國林扣左１０分＠﹏＠．．．冇帶手冊扣６分，仲要加埋〔言語無禮〕４隻字，我唔覺得佢無禮喎！！係阿Ｓｉｒ自己衰先ｊａ！前前後後冇左１６分，佢話揾阿Sir同佢嘈，反正操行都係Ｅ架喇！佢真係好激動囉見到佢！佢係想喊架！阿Sir．．．Ｄａｙ５．．你大獲喇！！

　　今日放學番黎，要出去練習ｌｕ！我同嘉欣搭車，我地o係度睇下其他車啦！點知見到有一架私家車，有個〔男人〕o係度好似執緊野咁啦！之後佢無啦啦一眼望過去嘉欣度，之後嘉欣o係度笑，即刻望去另一邊；之後果個人既視線去哂我度，嚇到我傻，但我又係狂笑既。佢既眼神超恐怖呀！隻眼．．．嘩！大到係好似〔突〕出黎咁囉！驚得黎又識笑。哈哈！！

　　之後練完習，又去搭車ｌｕ！！我同嘉欣＆阿蓁一齊坐啦！佢地兩個坐我對面。之後有個男仔坐我隔離。佢去到屯門公路果時o係度訓覺，一路訓又左搖右擺咁啦！之後無啦啦．．．〔捱〕左落我度，〔捱〕左２次，佢一整左過黎，佢自己即刻醒。開頭第一次果時，搞到我即刻睜大左隻眼望住阿蓁。之後就望去窗果度狂笑，唔知點解．．．我真係好鬼想笑。

唔知趙太會唔會調我地幾個既位呢？！

唔知Miss Ngan有冇同趙太講我地今日狂傾計呢？！

　　今日上數學堂同阿陶猛咁討論一個問題，一路講一路猛咁笑，笑到勁驚比Miss話。之後PE堂我冇上呀！一來就果Ｄ咩啦！第二就係因為頭痛，自從唔記得左邊日o係屋企比支棍dum到個頭之後就成日都赤赤痛喇！唉！！

　　化學堂．．．死國林又搞到阿發唔ｈａｐｐｙ！唔〔間〕書又關佢事既？！冇筆又唔得既？！連唔鍾意問人借都唔比既？！咁就要扣分！阿Ｓｉｒ你係咪低能架？！之後佢記緊名果時，阿發大聲話：「阿Sir你覺唔覺得你好無聊呢？！」之後阿Ｓｉｒ冇答佢啦！阿發就話：「唔ｘ應我喎！士多啤梨！成日都扣ｘ我分！唔〔間〕書都唔ｘ得。」一路都自己o係度鬧左好耐。之後中文堂又猛咁講，我地都明白到佢係幾咁唔ｈａｐｐｙ。

　　英文堂要quic verb呀！o係一個沉靜既時刻．．．．有隻大蚊呀！！都話我最憎〔蚊〕架啦！仲要係大既tim！後尾我同阿發，SUKI＆阿陶幾個猛望住隻蚊。突然間佢飛左落黎，阿發同阿陶兩個一齊舉起隻手捉住佢，但捉唔到，之後阿發話阿陶阻住哂。經過一番，到落堂，即刻打到佢ＬＵ！我地同阿陶講：「阿陶！食左佢！」用左張紙巾包住佢，點知比大佬拎左，佢用支筆狂o係度〔吉吉吉吉〕．．．．．．

　　今日又係好似平時咁上堂。一朝早番到去，坐坐下．．無啦啦阿陶同滑稽打交，打得都幾勁下，之後打打下我同阿發講：「快ｄ過去幫手啦！」之後阿發行埋去拉開佢地。個個都話第一次見阿發咁正義，因為平時多數打交果個係佢。

　　之後我問阿陶做咩同佢打交，原來事情係咁既：昨日佢地去唔知邊度食野啦！之後講完要果ｄ野之後，滑稽同果個人講：「覆一次飯丫！」果個人同佢講：「覆乜野飯呀？！」之後阿腸話：「佢叫你個戇ｘ覆一次飯呀！」跟住果個人又聽得明喇喎！後尾佢地幾個人成日同滑稽講呢句野啦！點知．．今朝阿陶行埋去同佢講：「滑稽，覆一次飯丫！」之後佢就發癲喇！兩個猛咁打。　　　　　　我真係懷疑滑稽有ｄ問題，好情緒化呀！！

　　今日唔記得左上咩堂，我同阿陶＆Karen傾計，傾之前果條友ｄ野，之後又話佢成日男人老狗猛咁扮紮頭髮，又成日上堂猛咁整ｄ頭髮，之後我話：「佢整ｄ頭髮果時個樣好樣衰架！個咀同隻眼唔知點咁架！」之後阿陶聽到即刻狂笑。跟住佢地又話佢一見到人地望住佢就即刻爆粗鬧人：「望乜ｘ野呀？！士多啤梨！」跟住阿陶扮佢ｄ動作，笑到我塊面超痛。之後我同佢地講：「如果佢地而家仲o係度既話，實激死趙太。」

　　英文堂果時，阿陶唱LMF果Ｄ歌，之後佢唱到猛咁笑，我就聽到猛咁笑，笑到個喉嚨超乾，咳哂咁！之後就同埋阿發一齊傾某幾個人Ｄ野，知道左好多秘密，，，哈哈！！

今日開始溫書咯！時間無多呀！！加油呀阿蛛！！其他努力中既人都加油啦！

點解係都要放學先走黎落雨呀＞＜！！好麻煩呀∼！又要拎住Ｄ書，又要拎遮！！

今日唔知點解，無啦啦又諗番起佢．．．feel到ｄ感覺真係好怪。

　　今日又唔洗集隊ｌｕ！因為又落雨。我本身以為要，所以就上左去拎書，拎得好多呀！之後落到去．．．先知唔洗．．．又要上番去．．搞到成個白痴咁！

　　要上２堂地理呀！中史堂同地理調左堂．．但我地以為係今日既地理變中史，中史變地理。點知．．．原來．．唔係。而係上２堂地理。嘩！！你冇野牙？！之後西史堂睇片。普通話堂作急口令呀！好鬼好玩！睇下我地組既作品啦！Ｐ.Ｓ：用普通話黎讀喎：

爸和媽

他是我的爸，她是我的媽。

他不是你的爸，她也不是你的媽。

你不要當他是你的爸，

也不要當她是你的媽。

他是我的好爸爸，

她也是我的好媽媽。

請你不要再當他們是你的爸和媽。

　　係咪好正呢？！其實都幾似粗口．．．不過大家唔好諗歪野呀！我地乖學生黎架！生物堂以為要上去喎！個個排哂隊準備上去，Miss就落到黎喇！佢話係下一堂，唔係今日．．玩野！！

　　之後英文堂，今次係佢地食野呀∼唔關我事．．仲要食金莎ｔｉｍ！佢地摺果個金莎花好靚呀！！好有feel，咩feel？！唔話你知！其實我自己都唔知。Quiz喇！我同阿陶講：「我抄你架喇！我知你實識架！」之後斜眼望佢份卷，用手遮住半邊面，扮哂托住個頭咁。希望合格啦！

　　唉！又係地理，真係訓得著喇！中文堂一開始，佢地冇交功課果ｄ猛咁比Ella鬧呀！阿陶果張硬筆比佢撕左，真係好想知點解．．抄錯左ｊａ．．洗唔洗咁呀？！

　　今日頭３堂係家政，要交果個〔咕o臣〕喇！嗯．．．Suki果個未整好，唯有問Ａ班某個人借；阿陶又係，所以就問肥仔借。點知交果時，滅絕師太一睇就睇得出唔係佢地既。點解呢？！因為．．．佢地果兩個特別〔殘〕咁樣．．．所以．．．如果搵埋借比佢地果個人出黎既話．．．就每人扣５分操行分．．．借比人果個都要喎！！嘩！呢下先死！！但唔搵果個人出黎．．．就自己扣哂〔唔止１０分〕。。。我本身果個拎C，已經唔係好架喇！之後佢竟然塗左，改為D。。。。真不愧為〔滅絕師太〕 ！Suki幫佢改左個名做〔滅絕老尼〕。。。Suki同左A班果個人講．．．佢竟然話：「咪扣囉！５分ja！」我即刻話：「真係道行高超呀！比人扣５分都冇野。我比人扣１分都唔happy呀！」

　　中文堂．．．周副校黎睇我地上．．．又要分組喇！！傾計時間到！我地幾個o係度猛咁講滅絕師太d野，笑到暈．．阿陶同阿發講得勁好笑。之後數學堂要quiz呀．．２份．．唉！！都唔知係咪做錯哂！！

　　英文堂．．又係改作文．．又傾計食野喇！！呵呵！！物理堂喇！阿Sir咁耐都未黎ge？！成班人癲哂咁o係度玩，過左５分鐘到，阿Sir入黎喇！一開始，阿Sir就唔知做咩鬼猛咁話我地，其實都唔知佢話乜．．．冇心機聽佢o係度up野呀！！

　　電腦堂又整果ｄ咩實習，睇下我幾叻．．整到呀！！呢ｄ咁既Flash實習仔，難唔到我既！阿Sir．．整ｄ難ｄ既黎玩下啦！！

　　今日一朝早就要出去練習ｌｕ！今日係第一次同ｄ新生練習，但係ｄ新生就冇我果年咁多人，但今日係好似ｆｅｅｌ唔到支力咁。。。之後夾歌啦！夾左超耐．．．平時１２點就要執野．．．但今日夾到１２：４５．．．嘩！！之後因為我地下晝要追加練習啦！所以隊長就幫我地訂左ｄ飯．．．其實最大原因可能係落雨。

　　之後一路食飯．．．一路傾得好ｈａｐｐｙ！為左實行「齊講齊笑」．．我地唯有講下英文去配合Sayaka．．．等大家都識笑。我地見到有一盒飯好樣衰，阿何ＤＤ話果盒係「阿婆飯」，笑鬼死我！之後ｄ負責人行埋黎食果時，我同佢地講：「喂！呢個超正呀！誠意推介『阿婆飯』。唔好食剩呀！」之後食完野就要開始練，開頭吹吹下，可能係飽得滯，有ｄ想嘔既感覺。後來練An American Tale．．．既Ａ．．既第二行．．嘩！果４個小節練左成半個鐘有多．．來來去都唔掂．．真係吹到咀都爆。。。

　　Ｄ雨愈落愈大，之後練到４點幾到就走喇！我同Sayaka超眼訓．．所以歸家ｌｕ！佢冇帶遮呀！咁ｏ岩我媽媽又有黎開會，真係好！我就借左我把遮比Sayaka喇！跟住就各自走喇！我同媽媽去左食野，之後行左陣書局，跟住就番屋企ｌｕ！

　　今日早左出門口，比昨日早左，因為昨日係好趕。之後番到學校又係開locker果d咁既野啦！點知我搵唔到我本中文書囉！原來我昨日借左比阿發做習作，佢未比番我，佢唔打鐘都唔番黎。搞到我拎唔到本書黎上堂，所以我就同Ella講，佢都冇罰我。中文堂阿陶o係度玩gameboy，佢係完全一眼都冇望過上黎，係人都知你做緊咩啦！！之後比Ella收左部機。MATHS堂又到LU！！好正！！化學堂阿ＳＩＲ一入黎就嘈嘈嘈！話阿發呢樣果樣，之後阿發就梗係發脾四啦！呢個結果係必定架喇！由阿ＳＩＲ話佢超過２句之後我就feel到會咁。之後阿發狂寸佢，爆哂粗，阿ＳＩＲ就淨係識得講果句：「你講咩話？！你講多次！」之後我同阿發講：「哎呀！你唔好咁啦！」之後一路上堂啦！阿發就成堂都o係度訓，到打左鐘之後，我地ｏ係度講野呀笑呀咁啦！之後個白痴阿ＳＩＲ．．．無啦啦啤住我。

　　到左音樂堂，正！又有得吹笛ＬＵ！而家唔知係咪吹慣左saxophone之後，而家唔識用ｄ好輕力既氣去吹牧童笛。大佬唔係太識吹，我教佢點樣o禁啦！唔知點解．．．我教完佢之後，見到佢一個一個音咁慢慢吹出黎．．一路ｄ音連埋變成一首歌．．我聽到佢咁樣吹到出黎．．覺得好似好感動咁。

　　今朝Ｓｕｋｉ冇番呀！！＞＜　頭３堂都對住凌ｓｉｒ，悶到爆，雖然係咁．．但係我今日完全冇訓過覺！呵呵！因為我昨晚１０點鐘就訓ｌｕ！！訓到今朝．．．．７點鐘起身．．總共．．．９個鐘！！Yeah！！早睡早起精神好！！原來這道理永遠是對的！！

　　Art堂又畫畫．．．又畫人．．我地奸到拎埋Miss幅樣本黎擺落張畫紙底度印．．哈哈！！但係真係好難畫．．．最尾聽到佢話要o係落堂前起好稿．．否則留堂．．之後．．我就畫左２個一模一樣既．．再加多個麵包超人。。。 　Lunch Suki番左黎呀！一齊去左食野．．之後番學校。

　　今日英文堂教ADJ CLAUSE．．真係完全唔明囉！NON-DEFINING同DEFINING．．．咩黎架？！我連果句野都唔識解．．點會知道應該NON唔NON呢？！

　　中史堂．．好玩呀！又分組ＬＵ！我地組又淨係傾計．．之後Miss行埋黎．．我地就扮討論喇：「其實呢個point呢．．．就咁既．．咁呢．．就即係咁樣喇！」如此類推幾個都咁講．．．到要出去講既時候．．我地就搵左阿陶出去．．Miss問我地傾過d乜野．．．我地個個都淨係識講果句：果個point丫嘛！又聽到家家慘叫喇！今次佢比阿清扭佢手臂ｄ肉，又紅哂．．睇黎真係好鬼痛。。。家家．．你好慘呀！我諗你肯定後悔調左位。

　　一到Ｍａｔｈｓ堂就落左去拎上次訂果ｄ莫札特同埋貝多芬音樂CD．．拎完上番黎３樓．．見到FORM2果個好寸既女仔．．見到佢比Miss Chan唔知話d咩．．之後一行過我身邊．．就聽到佢講一句野：士多啤梨蘋果橙（我講呢個係水果化左既）．．即刻feel到勁無奈。番到3C班課室ＬＵ！成堂數學堂又係逃唔出果樣．．．計數．．一路都只係猛咁計．．但係我覺得都幾好玩．．．雖然有ｄ唔識．．但係比我自己諗下諗下又計到．．好有成功感。。。嘻嘻！

　　今日朝早掛左３號風呀！！唉！最憎番學放學落雨．．．搞到好唔舒服。番到學校開locker．．．嘉怡跌左個鎖落locker底，淨係靠我地女仔梗係拎唔到啦！好在ｄ男仔都幫手，唔該哂肥輝！終於都睇到我地班ｄ男仔原來都有ｄ人性ｇｅ！！

　　上第一堂又如常做我既指定動作．．．托住個頭．．拎住支筆黎訓．．扮聽書．．其實訓緊覺。到左中文堂．．梗係唔敢訓啦！！到左西史堂．．．開始又中左睡魔既毒咒。。。阿ｓｉｒ一坐低我就訓．．．聽到佢行緊過黎果時就彈起身，點知訓到隻眼都紅埋，比阿sir見到．．．啤左我２秒到啦！！一打鐘放小息，我即刻收埋哂ｄ書。ＥＰＡ堂同地理堂簡直唔知ＵＰ乜鬼。英文堂就作文啦！阿陶作得好搞笑．．．但係佢一路個口不停咁講粗口．．香蕉橙你個檸檬丫．．我地一路作一路猛咁笑。終於都數學堂喇！都係呢科我比較有興趣Ｄ。

　　放左學之後去左幫Miss張包禮物，超爆多．．．開頭得我同個ｆｄ　２個人，之後見到我地班ｄ男仔啦！叫佢地幫手又唔肯喎．．我同Kenny講：「幫下手啦！係咪男仔黎架你？！你再行即係你唔係男仔！（＃％＊＠）人妖！！」之後有ｄ識得我地既女仔，比ｄ禮物吸引住，又走埋黎幫手。好快咁．．．四點幾就走人ｌｕ！！

　　今朝一番到學校，見到有差佬o係小食部果度喎！小食部個閘就半開，應該係昨晚有人打劫啦！之後行去ｄ位度，同個ｆｄ都聞到一陣好難聞既味，勁想嘔．．好辛苦呀！！因為天雨關係，所以唔洗集隊，呵呵！！之後數學堂有人黎錄影，所以大家都扮哂留心咁。之後ＰＥ堂，悲哀．．．要冒雨跑街．．都話阿ＳＩＲ變態架啦！之後教我地籃球喎！佢諗住搵一個黎做示範，搵個擋唔到佢既，點知佢話：「乜你地班個個都咁高ＧＥ？（反話）邊個最矮呀？就你啦！」搵左我呀．．．勁無奈，仲要做埋Ｄ無聊動作，行去呢邊．．又行去果邊．．舉高隻手扮擋住佢．．．唉．．憎死ＰＥ呀！

　　化學堂我地Ｏ係度傾緊某個人，之後講番媽媽節Ｄ野，講講下國林兄叫阿發唔好再傾，但係冇同我地講，不過今日阿ＳＩＲ改變左佢既指定動作，冇扣任何人既分。中文堂見到個個人都好悶．．．訓哂咁！！到左英文堂喇．．．又係ｏ係度教ＲＥＡＤＥＲ啦！阿陶果Ｄ o係度食糖．．．之後對ｗｓ果時我都偷偷地食左一粒。阿陶冇帶果份ｗｓ，之後佢無啦啦同我講：「聽肥仔講話你小學果時好靚架喎！！」搞到我即刻唔知點咁．．．同番佢講：「係鬼咩？！」點知佢仲要爬ｏ係張ｄｅｓｋ度望住我，搞到我周身唔自在咁。

　　班課果時分組，我地組簡直乜都冇討論，淨係傾計，之後聽到家家慘叫．．．原來佢比阿清咬左隻手一啖．．．頓時覺得阿清好．．．咩呀！！嚇鬼死！放學諗住搵MISS張啦！佢話叫我幫佢手包禮物，可能係普通話演講果Ｄ，點知佢原來唔記得左帶Ｄ禮物．．．算啦！唔緊要！

　　今日上堂真係好悶,,,,可能係前幾日開心得滯,,,所以今日冇心機上堂,,,第一堂就發白日夢啦！之後數學堂果時又驚Ｍｉｓｓ睇到阿陶抄緊我本作業,,,,擔心得滯,,,又冇哂心機！！之後ＥＰＡ堂睇人ｒｅｐｏｒｔ。佛學堂果時已經好眼訓，又唔知ｕｐ緊乜,,,唯有一路睇住d時間,,,等到物理堂,,,要上物理室,,,班友仔以為o係六樓喎！上緊去果時我已經覺得好奇怪,,,問佢地：「乜唔係5樓咩？」之後上到去，佢地企左ｏ係個科學實驗室門口等，之後我同佢地講：「喂！有人上緊架喎！企o係度做咩呀？！o係5樓呀！！」之後就好低能咁落番去。入到去睇左一陣阿Ｓｉｒ做實驗，我就用本書遮住塊面，訓左一陣間，之後就落堂ｌｕ！！哈哈！Lunch之後英文堂，作文改正，我一早改完，o係度做功課，後來派番ｄ　ｗｓ比我地，派埋個答案比我地自己對，我就即刻擦哂ｄ答案，狂抄番哂落去．．．好奸呀！！普通話堂去MMLC錄音，錄完開左個MSN WEB MESSAGE玩，牛仔一ＡＤＤ我ＭＩＳＳ就行緊過黎，我就即刻關左個螢幕，MISS問我：「做咩關左個螢幕呀？古古怪怪咁！」我話：「冇野呀！冇野呀！唔用部電腦咪關左個螢幕囉！唔好傷害眼睛。」哈哈！！

　　今日最後一次表演ｌｕ！今次玩得最癲呀！不過果條友,,,搞到Wailim好火,,,要出去冷靜。之後又搞到阿基要大聲鬧人。不過之後都好似冇乜野啦！走果時成班去左食野！堅叔揹左我一陣，一上左去好想訓覺，點知佢冇乜力．．．去到大排檔食野．．都ＯＫ呀！！不過真係玩多過食．．條友ＵＰ埋Ｄ無聊野。我就同堅叔傾計．．今日超開心！哈哈！！

　　今日中史堂去ｍｍｌｃ錄音，上次寫左ｄ劇本丫嘛！之後我地因為有埋ｄ男仔ｏ係我地組，所以勁癲！叫左Ｇａｒｙ扮太監把聲，最好笑就係佢講話「王上！你要三思呀！」呢句！笑到我跪左ｏ係地下。

　　夜晚又開５.３ｌｕ！！今日同堅叔企，玩果時撞倒佢去另一邊，「嘭」一聲，成班人望哂過黎，我地笑到爆，不過我覺得係我整到佢，Ｓｏｒｒｙ呀！！！