唯獨你,,,才會寫進我的日記!!!!

　　今日係中文日，所以唔洗上堂！超正啦！！我就要做工作人員，好玩呀！不過ｄ人好唔掂啦！明明估唔到都唔肯走喎！！係都要估到為止。睇睇下好似來來去都係果幾個人玩咁。玩玩下到Ｓｕｐｅｒ－Ｘ啦！佢一行埋黎即刻話：「唔識呀！係咩呀？比我睇個答案啦！乖啦！」搞到我差Ｄ比塊ＢＯＡＲＤ搞到ＰＫ．．．之後玩左個幾鐘到啦！就要執野ＬＵ！快樂不知時日過正好形容今日。今日真係幾開心ＧＥ！之後上去睇果個表演啦！有Ｄ都幾無聊！！坐坐下無啦啦個死卓尊坐我後面，之後佢無啦啦Ｏ係度又好似想嘔咁喎！好似上次集隊咁，搞到我超驚，杰神同我講話小心佢嘔落我度，嚇到我死。好不容易先渡過到一個咁恐怖既時間。Ｌｕｎｃｈ去左濱墟食，用左＄２２，好後悔食呢間野，又唔係好食，又貴。唉！早知留番ｄ＄。。。。。。之後番去浴佛啦！都冇乜野發生。不過死老廖成日啤住我地班，仲要係成日啤住我。我夠薑，啤番佢！ＹＥＡＨ！！之後完哂果時，曾ＳＩＲ講野啦！佢話我地成日發出好多聲音，又話見到地下好多垃圾，我即刻Ｏ係位度講：「你咪仲多聲音！你而家發出左好多聲音呀！（睇下個地下一Ｄ垃圾都冇）嘩！！地下超多垃圾呀！多到執都執唔哂呀！！」　走人ＬＵ！同左Ｓｕｋｉ去行左陣，之後就番屋企喇！！

　　今日開女文化部員會，要表演，吹得麻麻地，前任隊長話聽到有２個ｋｅｙ=.=",,,!!!之後就話要唱歌啦！因為我係新任命，所以要一齊指揮，瘀爆哂呀！！我都唔識ｇｅ！指到錯左方向，唉！！希望大家唔好記呢件事ｏ係心度啦！！

　　之後同左阿楓去行街，開頭去左食麥當勞，之後上左去最頂果層，想偷雞入去RED BOX唱K，因為我同阿楓行街阿媽係唔會打電話比我架，不過唔夠＄，但係就入左去睇下ｄ環境。果層又有果ｄ示範單位睇啦！有個男仔問我地：「小妹妹！睇唔睇示範單位呀？好好睇架！」之後我地笑住咁走左。跟住就睇衫啦，飾物精品果ｄ，然後去左影貼紙相，$40，每人$20。

　　今日表演ｌｕ！！都算幾成功啦！！不過有少少唔係太好！因為要準備拍手落台果度比Wailim撞到我，我即刻猛推番佢去前面，不過其實係因為前面果ｄ人太大步。

　　今日果個樣衰臭野唔知做咩無啦啦又走黎呀！！低能架！黎都未黎過練喎！！希望佢再下一次既表演（６／５）唔好黎啦！！

　　今日家長日，聽完升中四講座之後上小禮堂拎成績表，唉！！〔聞者傷心，聽者流淚〕！！比人話左好耐。之後又冇乜野。不過自己心情好差！！咁就梗係架啦！唉！！

　　今日夜晚去左練習表演果ｄ野，好開心！好好玩！我同一個男仔一齊企，開頭到要拖手果時我冇拖佢啦，覺得唔知點咁啦！點知佢主動自己拖。。。。。。

　　之後黎左一個好ｘ既人，真係ｘ到唔識形容，佢ｏ係未試上台表演果時企我隔離，我即刻同個男仔講，你企番過黎丫，我唔想拖佢呀！佢個身好臭呀！

　　之後果個人無啦啦行行下果時自己撞到另一個男仔啦！之後狂望住個男仔喎！嚇到佢即刻話：對唔住！　　搞到懶過係人地撞到佢咁！痴線架！！

　　今日上堂見到個個都好眼訓，因為上堂真係好悶，講ｄ野．．．唉！冇人聽架！個個訓哂咁。家家一早又比Ｅｌｌａ剷，因為昨日冇去到Ｂｃａ果個乜鬼野，剷到佢上天花板呀！佢又呆呆滯滯咁，因為佢昨日係因為去睇醫生先至走左冇去到。

　　今日又輪到我去Ｂｃａ喇！果個說話測驗呀！嘩！〔Ｏ〕哂嘴啦！周富校做負責我果組果個老師，佢成日對住人笑架嘛！今日又唔知中左咩毒，笑都唔笑下．．．搞到我好驚，之後討論果時又話我細聲，我地講左咁耐，６分鐘都未過，３個人好勉強咁講哂６分鐘，ｄ說話來來去都逃唔出果幾句：第一句：所以我都認為學校應該禁止學生帶手提電話番學；第二句：所以我都覺得帶手提電話番學根本係冇必要架！；第三句：ｏ係上堂既時候電話突然間響呢，就會搞到成班同學都受到影響喇！；第四句：萬一唔見左部電話呢，又會搞到好麻煩啦！仲會浪費左屋企人既錢ｔｉｍ！　　　　　多數呢個話題呢！好多人都識架喇！睇下我地組，一早講哂自己準備果ｄ野，成４分半鐘ｏ係度ｕｐ哂ｄ經歷呀．．自己既一堆〔重覆〕既意見。總算過到關咁啦！

　　今日要照常番學ｌｕ！兩個阿哥都唔洗番住，大哥就會考，必然係唔洗番啦！２哥就２４號先番。救命呀！行出街一個學生都冇，淨係得ｄ沈香林學生，即係我地學校ｄ人啦！！Ｌｕｎｃｈ　Ｓｕｋｉ番左屋企換夏季校服，因為好熱＝﹏＝

　　今日去左送機，因為表姐佢地要番加拿大ｌｕ！好唔捨得呀！去到果度見到佢地之後，就搵位坐低，之後食野，一路食一路ｏ係度傾計，傾得好開心。之後就送左ｄ禮物比佢地啦！跟住就影相，影完之後佢地就要入去ｌｕ！！見到個個都眼紅紅，但係都忍住啦！真係忍得好辛苦，之後我地就同埋班親戚去左婆婆新屋啦！去到好唔習慣，因為前果排表姐果ｄｏ係果度住丫嘛！但係而家去到少左好多人，又見唔到佢地，周圍ｄ房都冇哂野，所以就好唔開心。後尾過多陣就冇乜野啦！

２００６年４月８日　

　　今日好早起左身，因為要去表姐度住，１０點幾到出門口，去到果度都仲未夠１２點，之後去左食ｌｕｎｃｈ，果間野ｄ野都ｏｋ啦！之後我見到有一個夥計好似周杰倫，之後我同佢地講啦！佢地都話好似。之後果個人見到我有個碟同埋個叉擺左ｏ係度冇用啦！咁佢就望住我指住個碟咁啦！之後我唔知做咩又比左佢喎！後尾佢地話：哎呀！佢收左你個叉，你冇叉用喇！＝.＝”（無奈）

　　之後去左行街啦！然後番左上去睇碟，睇左好耐，之後去左食飯，食完飯去唱Ｋ同埋打乒乓波。玩完就上去睇電視，睇到１１點幾到就去沖涼訓覺ＬＵ！

２００６年４月９日

　　今日唔記得左幾多點起左身，之後食左少少米粉，等到佢地起哂身之後，我地落左去食麥當勞，食完又去行街，跟住又番去睇碟ＬＵ！後尾到左５點幾到又落去食飯ＬＵ！去左美食廣場，我同表姐表妹佢地食ＳＵＳＨＩ，之後去左冒險樂園玩，玩得好開心。玩完就去買雪糕番上去食，一路食一路睇王子變青蛙，睇完就去沖涼，沖完涼同大表姐ｏ係床度傾計，傾左好多我最鍾意講既野，Ｌｉｌｙ就ｏ係度玩ｇａｍｅ，我地傾到成２點幾先訓，傾傾下冇哂聲。

２００６年４月１０日

　　今朝佢地叫我起身去游水，不過見大表姐同Ｌｉｌｙ未起身，所以冇去到！不過彤彤、妍妍、大哥同埋三姨丈落左去游，之後佢地番左上黎，然後我地就執好哂自己ｄ野，因為要走ｌｕ！跟住落左去食上海菜，食完佢地有地方去，我就同大哥自己搭車番去ｌｕ！

Ｐ.Ｓ：呢幾日好開心呀！不過佢地１４號要走ＬＵ！又再次好唔捨得佢地，因為呢幾日真係好難忘。

　　今日係清明節，有假放，所以我同ｄ屋企人去左婆婆間新屋去探佢地啦！當然係想見下ｄ表姐表妹啦，仲有三姨同三姨丈呀！佢地咁難得ｏ係加拿大番黎，不過佢番黎既意義就唔係幾好喇！呢樣我都唔多講喇！

　　我地下晝去到，之後去左會所游水，游到５點幾到就走ｌｕ！之後番到上去佢地就話去買野番黎食啦！我同大表姐就入左房玩化妝，玩左一陣，佢地番黎，我地就出去食野喇！超多野食，不過我唔係食得好多咋！掛住睇電視同埋落去唱Ｋ。我地卜左８點鐘去唱Ｋ，一夠鐘我同大表姐就落去ｌｕ！其實仲有其他人ｇｅ！不過好多人都話唔落住，所以淨係得我同埋幾個親戚落左去。唱左好耐呀！超開心！之後ｄ表妹話去打羽毛球，所以佢地冇入到黎唱，唔緊要啦！之後唱到１０點鐘就走ｌｕ！！番到上去執番好ｄ野就走ｌｕ！

　　今日係放假前既最後一日，佢係ｆｏｒｍ５，所以放完假之後佢唔洗再番ｌｕ！！所以我可能以後都唔會見到佢，所以今日好唔開心。放左學之後同左Ｓｕｋｉ去材料舖買整曲奇ｄ材料啦！之後去左盈豐，Ｓｕｋｉ食冷麵，我就飲野啦！之後一路周圍行啦！睇下有ｄ咩買咁啦！之後就買左盒眼影，都唔係太貴ｊａ！１２隻色，２４蚊，都幾靚丫！！之後就番屋企喇！

　　唉！都唔知要幾時先會有機會見到佢，而家既心情非常低落。其實自己平時咁鍾意亂諗野，係好容易令自己唔開心架！而且出街又唔多，又好少同朋友傾ｄ自己唔開心既野，希望可以再有機會見到佢啦！

　　今日測完驗ｌｕ！！好開心呀！不過我覺得今日未測ＥＰＡ之前，成班同學已經放鬆哂，見到根本冇乜人ｏ係度溫緊書。不過我覺得今次份ＥＰＡ卷淺過之前果Ｄ，時事題勁淺，未考之前我地問過Ｍｉｓｓ：「財政司司長係邊個呀？」點知原來第一題時事真係問呢一題，所以我識，如果唔係我又亂答果ｄ咩周一獄架喇。唉！不過都唔知合唔合格，好驚好多科都唔合格呀！希望唔會啦！

　　今日見唔到佢呀！！因為我地放１０：１５。番到屋企悶到爆，屋企又冇人喎！本身想同Ｓｕｋｉ佢地去睇戲＆唱Ｋ架！但係媽媽又唔比喎！唉！慘慘！！算啦！

　　哈！聽日可以見到佢ＬＵ！！因為照番平時Ｄ時間上堂，不過仲有３日可以見到佢咋！

　　今日ｌｕｎｃｈ同左牛哥、賢賢去食飯，仲有一個唔知乜水既男仔，因為我地低Ｆｏｒｍ測緊驗既關係，所以放１１：５０，但係牛哥放１２：２０，所以等左佢成半個鐘，之後見到佢落到黎之後，佢竟然話同果個不知名既男仔去食，激死我，以為佢真係咁衰仔，要我地等佢咁耐，佢自己又走左去﹏好彩佢之後都同我地去食飯。之後去左果間唔知乜鬼野茶餐廳啦﹏食果ｄ乜鬼飯，好難食喔！！仲要成＄２９咁貴，不過牛哥請，如果唔係就冇＄埋單，因為我得２０蚊雞。之後番學校溫書啦！！番到去見到佢ｏ係小食部果邊，不過我想知一樣野，乜今日佢地唔係要上體育堂咩？！唉！算啦！咩都唔知呀！見到佢ｌｕｎｃｈ落黎果時，賢賢同我講，我即刻話：「睇唔到！睇唔到！咩都睇唔到！」

　　今日上家政堂，以為淨係剪白色布番去，點知原來要剪埋ｄ公仔布，白色布係交果日先帶番去，超白痴！搞到比Ｍｉｓｓ記名，都唔知洗唔洗扣分呀！！﹏跟住又唔記得左做家政閱讀報告喎！不過家政ｐｒｏｊａｅｃｔ就做左，但係原來佢唔收碟，話要ｐｒｉｎｔ出黎喎！扮明佢唔識用電腦啦！一係就懶得開電腦！之後又唔記得帶ｄ工作紙喎！！好在今次Ｍｉｓｓ唔知！呵呵！！

　　之後英文堂默ｖｏｃａｂ，３０個入面ｏ岩左２１個，以為自己合格，點知原來錯一個字扣十分，即係我得１０分咁大把，係咪好勁呢？！無人能及架！！＞ｖ＜不過要抄錯左果ｄ字２０次！玩野．．．慘！！抄到手都抽根呀！星期四測完驗之後又要留ｏ係度補默，睇黎我果個ｒｅｖｉｓｉｏｎ　ｔｅｓｔ都唔合格架喇！唉！星期四果日肯定又要補默又要留ｏ係度溫書！！慘慘！！＝.＝”

　　今日英文小測，時間好多，所以做完之後訓著左覺，訓左好耐，由2:10訓到2:35。開頭訓訓下醒一醒，拉前ｄ張櫈；之後訓訓下聽到阿清好大聲嗌我：「阿蛛！阿蛛！」我係見到佢望住我架，但係諗諗下．．又冇理由丫！Ｑｕｉｚ緊架喎！﹏之後繼續訓，訓到2:35，感覺到Ｍｉｓｓ拎我份卷黎睇，我即刻醒喇！唔敢再訓。好少可我會訓得著架！仲要訓咁耐，發埋夢ｔｉｍ！！哈哈！！

　　今日覺得自己ｄ心情好差，唔知點解。特別冇心機上堂，特別想訓覺，時間過得特別慢，樣樣野都特別唔順我意。今日又見唔到佢喇！都唔知點解，成日ｆｅｅｌ到一ｄ好怪既感覺。搞到我呢排成日一時好開心，一時覺得好煩，咩都唔想講。

　　今日見到我之前鍾意果個人同一個我最憎既女仔一齊番學，雖然我而家已經唔鍾意佢，但係我唔知點解，好唔鍾意，我真係唔知自己想點。明明已經唔係鍾意佢，點解個心仲有佢ｏ係度，我究竟係應唔應該睇到呢件事呢？！唉！真係唔知呀！都係唔諗比較為最好既！

　　今日朝早陳麗賢同埋Ｓｕｋｉ都冇番呀！所以我好悶。食Ｌｕｎｃｈ果時咁ｏ岩見到牛哥，佢話佢屋企冇水，所以陪我去食。點知果間野ｄ野好難食，所以我食得好少，之後比＄果時佢幫我比埋。雖然食果時有ｄ唔自在，因為冇幾可同ｄ男仔一齊食Ｌｕｎｃｈ架嘛！不過都好開心！

　　番到學校，ｏ係溫習區見到佢呀！佢見到我，但係見到我同牛哥一齊，我見到佢個樣好似唔知點咁啦！搞到我想即刻走！

　　今日係情人節，好開心呀！收到８粒朱古力，牛哥送左一支金莎花比我，開心到講唔到野呀！！

　　新年は楽しい！身体は健康です！呢幾日都要出街，所以冇打到日記呀！！不過呢！冇番學既呢一排，冇咁癲呀！因為番學同ｄｆｄ一齊係好玩ｄ　ｇｅ！！

　　今日我ｄ親戚黎我屋企呀！！因為家下係朝早，所以冇得講今日ｄ野住。遲ｄ再講啦！さようなら！！

　　今日係音樂比賽，好開心呀！好好玩呀！！首先合唱先，陳天曄同蘇麗貞唱得好好呀！！之後到高級組班際啦！哈！阿邊個都有得唱呀！到佢果班果時我淨係望住佢！ 之後ｌｕｎｃｈ同左Ｓｕｋｉ＆賢賢去味太郎食。之後番到黎經過左沉悶既樂器表演之後就到獨唱喇！浮誇唱得好掂！！正！！！之後唱身體健康果個唱到好激動，唱到高潮果時跪左ｏ係度呀！！跟住到初級組班際，３Ａ唱果時ｋａｉ雯同ｔａｒａ唔知嗌ｄ咩，比曾ｓｉｒ捉左出去！之後放左一陣休息時間。番到黎有果個環保ｆａｓｈｉｏｎ　ｓｈｏｗ，都幾悶下！！之後學生會時間呀！好玩喇！抽左ｄ學生同埋老師啦！一組一組咁玩！搵一個老師出黎，加埋一組同學，三個人，之後就果三個幫果個老師整ｄ假髮同埋帶頸巾，之後帶佢去觀眾席坐，之後搵下一組既同學曚住眼，唔可以睇住，到佢地帶左老師去觀眾席之後就可以開始落去搵喇！一開頭係阿〔吳ｏ居〕，勁好笑呀！！之後到趙太呀，勁似學生呀！！因為ｄ老師要著校服黎玩架嘛！！之後我地班狂嗌，嗌到我喉嚨好痛呀！之後到劉ｓｉｒ，又係唔似學生。之後就頒獎ｌｕ！做哂馬啦！除左班際之外，全部都係高Ｆｏｒｍ拎哂！有ｄ低ｆｏｒｍ唱得好既都冇得拎，唔係ｆａ？！！之後走喇！同左媽媽佢地行左一陣市中心，之後就番屋企ｌｕ！因為好眼訓呀！但係今日真係好開心好開心呀！好唔捨得今日呢個活動呀！！

　　Ｓｏｒ呀！！成日都唔記得左上黎打日記ｔｉｍ！！不過每一日都有勁多趣事發生ｇｅ！！但係突然間要我諗ｄ出黎講就難ｄ喇！但係呢排我鍾意玩既呢就係成日都話〔沈記大蟲叔〕好型仔！！一講就知我ｏ係度玩哂野啦！不過真係超搞笑。 佢肥到爆又樣衰，我玩野話佢勁瘦勁型仔。

　　今日Ｐ.Ｅ堂果時，落到去啦！趙ＳＩＲ同我地講野啦！佢話我地一陣出到去要Ｏ係球場跳繩，佢話：「同學！記住四個字〔盡量利用空間〕。」但果度明明係六個字黎架喎！之後ｌｕｎｃｈ果時我番上課室啦！得幾個男仔ｏ係度，一個女仔都冇，仲要係唔開燈果隻，之後我坐番ｏ係我個位度，Ｄａｖｉｄ、阿陶同埋阿腸無啦啦望住我，之後ｏ係度大聲淫笑，講埋ｄ變態野。。。 　　之後我就計數啦！我唔識計，所以叫家家教我計。之後佢坐左ｏ係我隔離張ｄｅｓｋ度，後尾仟仟話：「佢計得好過癮啦！」之後我望住佢，我明佢個意思係咩架！想話家家坐我隔離教我計，我計得好過癮咋嘛！後尾家家、仟仟、牛仔同埋〔ｏ靚仔文〕（我幫佢改既）圍哂ｏ係度睇住我計。。。之後ｏ靚仔無啦啦搞我個筆袋果ｄ紙啦！之後我話：「咪搞啦！頂你呀！」之後仟仟又話：「人地ｄ私隱黎架嘛！」搞到我勁無奈．．．．

　　今日終於整番好部電腦喇！前果排壞左呀！！之前又唔知做咩，屋企成日〔跳制〕，不過都有搵人上黎整ｇｅ！！不過好開心整番好啦！

　　今日係最後一日考試呀！！考中史呀！今次我對中史好有信心，因為我有背問答啦！同埋好多題我都識答呀！！希望合格啦！！

　　之後我地等果時要等２個鐘先考埋中文聆聽呀！！咁我同Ｓｕｋｉ就織頸巾、傾計同埋聽ＭＰ３，仲有賢賢ＧＥ！！賢賢因為比肥B拎左件校褸，所以同佢地嘈呀！阿發果Ｄ又將佢件褸拋上籃球架．．．咁無聊架！不過鬧交鬧到好似成班飛仔〔開片〕咁！我地考完之後就番屋企ＬＵ！！番到屋企梗係打機啦！！