今日考經公，都ｏｋ咁啦！唔可以話好掂ｇｅ！！考完呢科之後等左一陣，Ｓｕｋｉ同埋賢賢織頸巾，之後呢．．班友仔成日望過黎，唔知做咩喎！！肯定又有野講啦！咁到左１０點１５分到，我地上去禮堂度考英文，考完就各自番屋企ｌｕ！！

　　番到屋企，媽媽同我去食麥當勞－板燒雞腿包！！ 好味呀！！之後媽媽去番工，我就番屋企喇！番到去就溫書啦！之後溫溫下就打比賢賢傾電話同埋織頸巾，遲ｄ就知送比邊個架喇！！傾傾下傾到學校新黎果個〔ＩＴ雜工肥佬〕，我話上次佢黎我地課室整投影機果時，我唔知自己有幾大聲啦！嗌左出黎：肥佬！之後佢聽到啤住我，超好笑，但係我一Ｄ都唔驚！驚佢乜ｊａ？！佢又扣唔到我ｄ分ｇｅ！冇人叫佢認架！佢自己望過黎啤住哂咋嘛！呵呵！！

　　今日考數學呀！！考ＭＣ卷果時又係〔ＳＴＯＮＥ〕監考喎！！佢一入黎ｄ男同學就ｏ係度起哄喇！之後唔知邊個無啦啦ｏ係度大聲講：〔ＳＴＯＮＥ！〕。。。好好笑呀！！聽把聲應該係阿腸黎ｇｅ！！不過我覺得阿ｓｉｒ好煩呀！！因為我係１９號，所以坐第一個位．．．阿ｓｉｒ成日望住我份卷喎！！我一改ｄ野佢又行埋黎睇喎！咁煩架！又成日行黎行去都係果個位．．．貪我地呢邊女仔多咩？！波仔好佢好多，不過其實波仔唔係衰ｇｅ．．煩ｄ咁解ｊａ！！但係又冇國林兄咁煩喎！！笑都唔比架！家家上次笑就比佢扣分喇！佢冇同阿ｓｉｒ講笑ｄ乜丫嘛！之後佢話：「嘩！笑都唔比架！你唔好比我見到你笑呀！」後尾我地問番佢：「家家！你上次笑乜呀？搞到比阿ｓｉｒ扣分。」家家：「佢冇拉褲鍊呀！之後上堂條褲後面又爆〔帶〕喎！」爆嘟我就知，因為ｘｐ在我後面話：「阿ｓｉｒ你爆〔帶〕呀！」人地話比佢聽，佢仲要ｏ係度懶惡咁問係邊個講既。唉！國林兄真係煩爆，教你既化學啦！

　　考完試落到去見到家家狂笑，原來笑緊阿分界仔－ＳＴＯＮＥ哥！跟住話朝早唔好講人呀！因為佢ｏ係後面。之後就走人啦！！同左鏞鏞去買糖食。番到屋企就同爸爸食埋ｄ麵啦！！食完之後就溫書喇！後尾我就ｏ係梳ｆａ度訓，之後爸爸就叫我入房訓，訓左一陣佢叫我起身，話佢要出街，所以我就拎埋張被落黎睇電視喇！！之後就沖涼，沖完涼等ｄ頭髮乾左之後我又走去訓過，訓到開飯先起身。

今日係２００６年１月１０日，呢個日記板正式開張呀！！