今朝十點就起左身，之後同屋企落去食早餐喇~~~
食完就入去百佳，入下貸先haha
行完就返屋企lu~~~

之後1345就出旺角喇~~~
哇.....真係好耐冇搭過巴士＞＜仍然覺得西鐵係最好，又快又舒服＞＜
出到去旺角，原來daniel已經到左啦haha
之後我地就去買飛先喇，今日我地睇《史力加3》
之前一直都好想睇嫁啦，不過個個都話冇興趣 =.= 唔識欣賞

今日真係好好好熱呀，我地買完飛就即刻入去d有冷氣既商場行喇~~~
行行行，行到1535就去7仔買野入去睇戲喇^^Good
哈哈，真係冇咩幾可可以睇到一級既戲hehee

睇完之後，我地行多陣旺角就過左去又一城行喇！
去到之後.....發覺......原來.....我竟然冇未去過呢道 =.=
成日以為又一城係同西九龍差唔多，哈哈，可能大家都有溜冰場掛haha
咁我地就行行行喇，冇意之中俾我發現，有間玩具反斗城hehee
咁就當然要行一round啦，haha，不過呢間唔係好大，冇咩好玩
反而之後去左個唔知咩東東既地方，好有趣嫁！
佢果道有個朱古力計數機^^哈哈
雖然唔食得，不過真係有朱古力味嫁，仲可以計數嫁，超得意！

再行行行，行到 8 點就去食野喇~~~
今餐係daniel請我食嫁^^多謝，哈哈！
我搵到工一定會請返你食既^^
我地兩個餐都豐富，食到好飽tim呀！
食完之後，就落左去一個專係俾人坐低睇人溜冰既地方坐喇~~~
哇....果道真係可以望曬成個場嫁~~~
其實溜冰應該都係好好玩既活動黎既......如果我識玩既話，哈哈
睇左多之後，我地就打nds喇haha
玩左一陣之後.....我個nds冇電呀＞＜
點解會咁嫁 ==?!haha
之後坐多陣就走lu~~~~
返到去，都成十一點幾十二點lu~~~~
明明搭車果陣好眼訓嫁，但唔知點解沖完涼又好精神haha
咁就打多陣機先訓喇hehee