OT 左成個幾星期，終於埋曬數，做埋estimate report 啦^^
大公司真係大公司，做鬼死多report要做，做死人咩 ><
都唔明點解要做咁多report，單單係estimate一個地方都已經有 3 個，
我睇三個 ie, 3 x 3=9 ，仲未計平日daily要做既野tim ><
做完estimate就做actal report喇，其實直接做actual 果個咪得囉，都係差兩個星期姐，
梗係要搵d既黎做 

不過今日星期六唔駛OT，一點就閃人lu ^^
之後就搭火車去沙田等家姐，呀超同細佬喇~~
去到都係點半，佢地未到就行陣沙田城市廣場喇，
沙田.....原來真係好多人......好誇張呀.........

兩點半，佢地終於黎到啦^^
咁我地就去食野喇~~~
哇.........周圍都係人..........要等位tim
之後我地去左間好似意大利既野食喇^^
食完之後好飽呀 >< 但....我地仲要去踩單車.......

出到去.........個天好靚，好好天呀！！！但另一個問題...............好熱呀 
好喇.....租車先........$25/hr or 55/day
最好我地講好價4 架車 ，50/day ^^haha
講好價之後，我地就揀我地既戰車喇^^

另一個問題又出現啦....................

由於我唔識踩單車既關係，原先諗住租4輪車..............
但果個人同我講：我地呢道冇輔住輪wor！
下...........最後搞左一大輪之後，決定租一前一後既二人單車！！！
我同呀超一架haha，麻煩曬你喇^^

出發既時間係四點半，交車既時間係 七點！！！
清楚曬之後就出發去大埔啦~~~
開頭好驚呀，又唔知點控制同平衡，雖然佢地話，
其實我係後面咩都唔駛理，前面果個會控制曬，我只係踩就得~~~
我開頭都好驚，尤其係落斜同d彎位既時候 ><

不過之後踩順左之後就好好多lu~~
我地踩踩踩........沿路會有一架船，係專賣野食同野飲
咁我地就落就休息下喇，抖左陣，我地又開始向大埔進發喇@@

踩踩踩.....踩踩下既時候，有個呀叔經過，佢架車好勁嫁，有兩個"大啦吧"播歌
我地跟住佢又有歌聽^^哈哈
佢d歌好勁嫁，好似包圍坐你咁，雖然d歌好舊，但都唔錯唔錯haha
不過聽左一陣之後，佢就踩得好快，仲唔見左tim@@

踩踩踩.......之後我地就休息下食雪糕喇即刻降一降溫先haha
食完之後，我地都回頭lu~~~

返到去交車，都成 七點二，遲左交車tim~~
好彩果道d人冇話我地姐^^
之後我地行左去龍華食乳鴿@@
我地一人半隻，雖然係貴d，不過真係好好味呀！！！

食完之後，大家都好攰，要歸家lu~~~
返到去都十一點，沖涼就訓^^

ps 可能我地今日好晏先去踩，其實都唔係好熱，好好玩既一天^^

        lunch : 43x 
          租車 : 200
     船上小食: 6x
        雪糕   : 3x
      dinner : 51x
       合共    :124x

 個天真係好靚，好好天 好鐘意呢d天氣

  

   

呢d天氣唔出去玩下，真係對唔住自己呀



  

我地就係落左呢架船上面休息，食野同飲野喇                        你睇下我個乳鴿幾好味

好似好耐都冇打過日記tim@@

哈，不過宜家真係忙到死，d休息都好似冇咩時間咁 ><

朋友們，你地快d約時間出黎玩下啦，好耐冇見啦!!!!

講返呢排先，宜家係尖咀果面返工，人工ok既，不過成日都要ot，同事都好好^^
d野好似做極都做唔完咁，開頭就因為d野仲未熟就話姐，宜家d野熟熟地，又黎左個大客
真係做死人，有時真係好累，放工返屋企食飯沖涼咁就一日啦!!!
好彩ot錢都唔少，如果唔係真係蝕鬼咋
好想放一個大假呀 ><

早幾日約左之前d同事去睇戲^^
我地有十個人，好似好耐都未試過成大班人去睇lu~~
不過我地睇早場，仲飲早茶tim，haha

9點就出到荃灣，好早呀 =.=
其實難得有一日假，仲要咁早起身，真係.......好難><
飲完茶之後，我地就去睇batman喇~~
哇.....套戲都幾長，成兩個半鐘，但我覺得mama地
可能睇睇下既時候，好想去廁所><搞到最後我都冇咩心機睇
好彩之後你都冇怨言咁陪我去廁所^^haha

睇完之後，都係兩點幾咋，之後就去左個朋友新家，
我覺得佢屋企好靚呀!!!尤其係間房同個景^^
雖然好似唔係好大，不過兩個人住，其實都ok~~
最鐘意就係一入到去，就望到個海，對住個青馬大橋嫁
我都要儲$$買大屋，去旅行，加油呀!!!!

ps 呢個幾月黎，其實我真的感到開心，睇到你在為我一點一點的變多謝你

我明白"人比人，比死人"既道理，但...我總是常常跟別人作比較.........

人就是那麼矛盾 ..............      

話咁 快又返左半個月工，不過呢間公司俾我既印象都係麻麻，唔係咁好，
除左人工方面比較滿意之外，其他冇樣野好 ><
都係返以前份工熱鬧d，開心d T^T

成間公司大概有三十幾人，不過真真正正會同我覺野既，只得３－４人
之前都有個男仔都幾好傾，有時都會一齊食飯既，不過宜家佢走左，
搞到宜家得我一個人食，其實自己食都唔係一個好大問題，
問題係．．．附近食既野都唔好食既，好食果ｄ又好鬼貴ｗｏｒ，平均四十幾五十蚊一餐，食都食窮我呀！
你估我唔想日日出去食飯呀，但．．．真係好貴，總覺得一餐咁既飯唔係咁值
所以宜家我都有帶飯返公司食，冇得帶既時候，就買三文治當午餐

唉．．．公司靜得很．．．可能係年紀既問題啦，所以我地都唔係太熟．．．但見到面都會講下野既
不過係公司既時間唔會好悶，因為有好多野做，根本係做極都做唔完既
有時做做下，仲會做到個人好ｄｏｗｎ，好唔開心
可能因為太多野做啦，不過其實正確ｄ黎講，應該係話太多野唔知點做，好無助呀！

宜家日日ｄ單係咁黎，日日都有人黎追數，追．．．追．．．追．．．做．．．做．．做．．．
上一手果個人又有好多野未搞店又走左，做ｄ唔做ｄ，搞到我都唔清唔楚．．．做到我人到ｄｉｎ
好彩有時你打俾我，舒緩下ｄ壓力咋，不過講就好，罵就免喇~.~

我知道你見我做得咁唔開心，成日都叫我搵過第二份工嫁．．．．
但．．．你明白嘛？！我同你睇野既角度都唔同，
我唔係你，我自己知咩事，有時冇得揀咁多．．．．．
俾我做多陣，學多少少野先，俾多幾個月我丫，我一定走梗！！！

雖然知道黎緊既日子一定唔會好過，而你亦都有好多野忙，唔可以成日陪到我
但我相信呢d日子唔會好耐，宜家只有得一個目標．．．就係快ｄ轉工！！！
不過一定要快ｄ考埋個試，盡快學埋ｄ野，拎埋ｄ經驗先可以走得到＞＜

我知道我一定捱得到既，加油呀！

錯．．．錯．．．錯．．．成日都錯，呢排無論身處係邊都覺得好有錯敗感！

成個人都感到好灰，好唔開心呀！

點解成日都係咁wor，咩我真係咁差咩 ><

好懷念以前返學既日子呀！因為有你地陪我傾計，陪我玩，陪我din