今日9點就起左身lu~~~
話曬佢地今日黎我家，點都要係咁2執下間屋，拖下撻地既，哈哈
搞好曬d野，發現仲有大把時間 =.= 早知唔咁早起身啦 >m<
之後打陣機先喇haha
打到十點半到，就出去市中心搵安喇~~~
點知....我記錯左佢落車既地方 =.= 又要行返轉頭，最重要既係佢仲早過我到 =.=
之後同佢行返過去西鐵站搵pully + sofung + daniel 喇~~~
人齊就過去唱k喇haha
上到去.....好好好多人呀！
雖然琴日book左位，不過仍然要等呀 ><
因為我地book左十二點，但我地十一點半就上到去啦！
咁就惟有打住機等啦~~~
121x終於有得入去唱啦，哈哈
唱左咁多次 k，今次都係第一次同安 + daniel唱，
原來佢地都唱得唔錯嫁wor，哈哈
不過今次唱得兩個半鐘頭咋 >< 可能係因為紅日多人啦，下次再唱過hehee
之前一直都好想睇“會到過去”呢個 MV 嫁啦，今日竟然有機會睇到wor^^
哈哈，好開心呀！每次睇到都覺得對主角好sweet ><haha
唱完之後，就黎左我屋企玩喇^^
你地真係好幸運呀！因為我從來都唔會帶朋友上黎我屋企玩嫁，
咁岩今日得我家姐係道，所以先有咁既機會~~~
今次係破例第一次，不過亦都可能係最後一次haha
上到黎之後，要招呼客人當然要開冷氣啦haha
不過我家既冷氣機唔知點解呢排開頭果一分鐘果時，會滴水 =.=
所以開既話，要搵個盒"再"住d水，哈哈，呢個任務我交左俾sofung^^heehee
好喇......開冷氣.......好神奇wor，冇滴水既?!我都唔知點解 =.=
佢地話係因為佢地黎，所以個冷氣冇事wor~~~
呢個答案都ok既 =.= 哈哈，因為事實上，又真係咁岩wor
哈哈，但事後我呢個妹先知，原先sofung係畏高=.=真係唔好意思啦呀哥！
不過其實廿樓都唔係好高姐haha
係呢間屋住左咁耐，我宜家先知......我家係機鋪 =.=
哈哈，一時打nds，一時打ps2，一時又打wii
如果唔係我細佬拎左個psp出去，佢地可能會玩埋psp =.=
前幾日我發現左原來我個nds有個係玩鬥快計數，之後我今日就介紹佢地玩喇~~~
哈哈，好好玩，四個人鬥快計數^^好有趣，其實我d反應都唔係好差姐hehee
之後玩玩玩，由三點玩到八點幾，我地先發覺.........我地仲未食野=.=
咁就諗下食咩喇~~~諗諗下，我家姐話請食pizza^^哈哈，多謝！
咁就叫外賣返黎食喇~~~
不過安佢要返屋企食，要走lu，咁我就送佢去搭車喇~~~
9點幾終於送到上黎喇，咁我地就開餐喇~~~
其間好多爆笑野，我一定會記得“"啪"不出聲”hahaa
食完之後，睇埋電視，十點半就送佢地落去搭車喇~~~
PS1 今日遠至馬安山，紅磡，粉嶺既你地都入黎屯門，真係辛苦曬大家^^哈哈
| 
