(南丫島之旅第一天)------6/6
今朝十點就醒左lu~~
起身梳洗完之後，就檢查睇下有冇帶漏野先，雖然琴日已經執過一次，
不過為求安心，都係睇多次先，確保冇帶漏野就同媽咪落街食野喇~~~
食完之後，就出發去南丫島之旅喇 hehee
首先十二點係朗屏會合 pully 先，之後再一齊搭西鐵出中環會合佢地，
搭西鐵果陣撞到小貢wor，哈哈，好耐冇見啦，之後就係傾到落車 =.=
雖然pully玩緊nds，不過仍然覺得悶親 pully tim >< haha
去到南昌就轉東涌線搭去香港站喇~~~
係呢個時候，肥葉打俾我 wor，傾傾下，原來我地同佢+kathy一班車hehee
又會咁岩既，咁我地就一齊搭車喇，之後我地掛住傾計跟人行喇，
行行下，行到地鐵站等車，等等下，肥葉話：呢道咪係中環囉?!我地等咩車呀?!
我地之後呆左 =.= 又係 wor  fish左tim =3= sh!!!
之後我地就搵 A 出口喇，哈哈，我地係最早到嫁^^
過多冇幾耐佢地都黎到lu，GOOD！
1307 出發，俾我預期早左tim，哈哈，因為大家做得太好啦，冇咩人遲到
咁我地就行過去碼頭喇，之後佢地竟話我似一個小學生旅行wor =3=
咩wor，紛紅色既背囊不知幾靚 ，係你地唔識欣賞咋，哈哈
去到碼頭都係132x咋，但係我地搭果班船係開1345，哈哈
不過唔緊啦，等船開好過等人到既hehee
今次南丫島之旅有６男６女，分別係．．．．
女方既有：我 + pully + kathy + fanny + helen + 伊雲
男方既有：sofung + daniel + 肥葉 + 智 + 強 + 安
哈哈，好熱鬧呀 hehee
原先蕃茄仔都黎嫁，不過可惜佢玩x拳整親，所以黎唔到 ><
而安因為身體不適，所以第二日先加入我地既行程
終於上船啦 hehee^^
船程大約半個鐘到，我地傾下計好快就到lu~~~
去到南丫島第一時間當然係問一位叫陳太既人拎條 key 先啦，
拎完之後，我地就拎住『金碧』(報入camp果間野)俾我地既地圖搵屋喇 ^^
哈哈，搵屋呢個過程我係好鐘意hehee
成日都覺得要搵路去某個地方先算係一個完整既旅程，感覺就好似尋寶咁haha，好低 b 呀 ！
不過呢間屋確實好難搵，因為間屋係好入，加上要靠果張所謂既地圖，少d智慧都唔得呀
雖然我地行左好多冤枉路，不過我知道daniel已經好努力搵嫁啦，哈哈
最後我地問左幾個途人，其中有個仲係警察黎嫁，係佢地既指導下，我地距離目的地應該愈黎愈近啦！
最記得果個警察話：下?! 呢張地圖咁簡陋既?! 明明呢兩間野距離好遠嫁wor，點解佢畫係隔離既?!
聽完之後，呆左 之後就繼續搵路喇~~~
行行下，成日都有d分叉路，真係叫人好難決擇
之後kathy話：以我女人既第六靈感，我覺得應該係行呢面 
咁我地就信佢行佢既方向喇，最後．．．原來女人既第六靈感係．．．錯嫁！
哈哈，再過多冇幾耐，我地終於搵到一橦紛姐色既樓啦，
如無意外，應該就係佢啦．．．咁我地好興奮咁沖上去啦．．．
我地話：sofung快 d拎條key出黎開啦！
sofung：開唔到wor?! 會唔會唔係呢道呀?!
我地：=口=
有人話：呢橦樓有 3 層，我地係Ｑ２，會唔會係第二層呀?!
最後原來我地係要用橦樓既另一個樓梯上去二樓既，
(只係搵屋都搵左個幾鐘=.=但去之前果個人同我地講：廿分鐘可以去到(如果識路既話))
終於入到屋啦第一時間當然係開冷氣啦，個個都就快溶啦！
但點解開左冇反應既．．．(因為未開總制囉！)
第二樣要做既當然揀房啦，哈哈
呢道有三間房，一個廁所，一個廚房， 仲有落地玻璃窗嫁^^
之後我 + kathy + daniel + sofung + 肥葉 揀左一間最大，冷氣最涼既一間房haha！
等大家安頓好之後，我地買左個波就落沙灘玩喇haha~~~
哇...落沙灘玩完成係體力勞動 .........
我地玩左數字球 (呢個好似係必玩)
好耐冇玩既河仔公 (不過同大家講，係沙灘玩呢家野，一定要係跑手，如果唔係會跑死=.=)
仲有玩馬騮搶球haha，由於太多人既關係，所以要有兩個馬騮，哈哈，我仍然好鐘意做馬騮
係休息其間，班男仔係道踢緊波wor，咁我咪又玩下囉........
係附碌既情況下，我竟然入左2/3球，有球仲係撞柱入波wor =.= 真係.......附碌haha
之後佢地個個都話入得靚 wor =.= 就係咁...佢地就叫我"朗拿甸嫻"......個名真係好難聽呀！哈哈
係玩既其間，有個中式小妹妹過左黎同我地講野wor?!佢好勁嫁，佢同我講佢識飛嫁！不過唔可以飛俾我地睇wor=.=
玩到差唔多天黑，我地就過左去隔離果間士多食野喇~~~
哇.....果間野，要咩冇咩既，真係百冇=.= 個女人仲要岩岩洗完頭包住個頭，著住睡衣出黎=.=
咁樣做生意，我都係第一次見 仲要咩都冇，只係得餐腸面同餐肉面 =.=
最後我同fanny食左雪糕hehee，好味好味
其他就食面，聽佢地講其實d面都ok，不過杯豆漿就.........
而kathy同肥業就出去搵第二d野食，不過果陣已經好黑啦！真係好危險 ><
(原來今朝見果個中式小妹妹，係呢間士多老闆個女黎嫁，哈，又見到佢喇)
食完之後，就返去lu~~~
哇...行返去果陣條路超黑囉 又冇帶電筒 =.=
d街燈距離好遠先有一個，有時真係伸手不見五指 ><
最大問題係，行行下，地下有青蛙 =.= 仲要行果條超長樓梯 =.=
之後我捉住fanny下，十足十好似探險咁 ><
終於返到屋企啦！
之後佢地好好呀，俾我沖涼先 haha，而佢地就玩住啤牌，打住機先喇~~
我沖完之後，就到下一個喇，而我就進入左呢個nds世界啦！哈哈哈哈
我地有四部，係咁對打，同佢地對打真係有十萬個好好玩呀！
我地玩到勁刺激，勁嘈囉，哈哈，玩到勁high呀！哈哈
得出既結論係：應援 --- 最勁係 daniel
super maria --- 最勁係 sofung
佢地應該去到神既境界，冇人能及 =.= 超勁勁勁勁
打左陣機，就轉左打麻雀喇haha
我除左第一局係我食之外，好似就冇食過啦 ><
玩左幾局之後，我就俾左helen玩^^
打完之後，就去玩啤牌 / uno 喇~~~
我地玩左好多野呀，有uno，蓋棉台，鋤D，心臟病，砰砰嘩，
我地係道玩玩玩，笑到我地就快死咁濟，哈哈哈哈
估唔到我飲可樂都會醉
不過無論點我都會記得....sofung會轉染人既XX王haha...仲有洪聖爺..綠色怪物..藍精靈同黃后碼頭
之後我地玩到靈晨三點幾就訓lu~~~
不過最後...因為...某d原因...haha...最後我過左pully果間房訓喇~~
入到房之後，咁我 + pullly + fanny + helen 就如常執好張床先啦~~~~
執...執...執執下果陣，我見到有條唔知咩東東既野，由天花板沖左落黎wor，
之後我咪即刻大叫囉因為我真係好怕呢d野 =.= 而佢地亦都領教到我有幾驚
哈哈，連pully唔知咩事，都同我一齊叫，哈哈
之後我地望真d，原...原來係四腳蛇 =.= 嚇到我地即刻沖左出去 =.=
係呢個時候，我見到救星啦！就係 daniel + sofung 喇~~~
佢地訓訓我果陣，冇啦啦聽到我尖叫，所以走左出黎，
其實我知道如無意外，應該成間屋都聽到我叫 =.= 連訓著左果d....都係haha
不過只係得 daniel + sofung出黎救我地囉 =.=
好彩有佢地係道咋，如果唔係....都唔知點好......
宜家房有daniel + sofung + fanny ( 好勇呀 ！)
之後佢地諗住入房捉佢啦，但係冇工具可以點捉呢 ?! 手 ?!
係呢個時候，我只係見到廁所有地拖 =.= 咁我咪拎俾佢地囉，
之後唔知邊個問：仲有冇呀?!
我：下?!冇啦wor?!鮑魚刷岩唔岩丫?!
之後我入左廚房睇下，見到幾把菜刀同筷子 =.=
咁我咪問佢地要唔要囉，之後佢地以後我搞 gag wor =.= 人家認真嫁  HAHA
隻野又走得快wor，之後仲me埋左 >< 又要搬開張床搵佢，總之就麻煩啦！
最後隻野走左出廳 =.= fanny 一手拎住張紙，一捉就捉住左佢啦 ( 好勇呀！)
之後 fanny 諗住放生左佢 =.= 但我唔俾佢咁做 =.=
最後沖左佢落廁所，fanny仲話：我見住佢沖落去個樣好慘 =.=
淨係搞呢隻野都已經搞左成半個幾鐘，辛苦曬大家大家可以安樂訓返個覺啦^^hehee
原來我之前揀果間房係冇錯嫁！！！
林訓前，我地四個女仔話：不如聽朝睇日出lor！
就係咁，我地就決定左聽朝睇日出喇，哈哈
不過果陣都差唔多 4 點啦，訓得果個幾鐘又要起身 ><
最後我同fanny就係道傾計唔訓覺住喇haha
(南丫島之旅第二天)------7/6
我地一傾，就傾到靈晨 5 點，之後就出左廳，一路傾一路等日出喇~~~
我地傾傾下，發現有d雀仔叫聲，咁即係代表差唔多天光lu~~~
不過點解唔見既 ?! 不過可能因為岩岩落完雨，所以d雲姐住左 =.=
所以睇唔到 最後我地諗住等多陣，再睇下點啦~~~
傾傾下，我見到彩虹wor^^哈哈
好靚呀，今次條彩虹好近好闊好大條呀！可惜淺色左d ><
估唔到我地睇唔到日出，睇到彩虹wor，哈哈，好有趣呀 ！
之後我地繼續傾傾傾，傾到9點到，就諗住入返房訓陣先啦~~~
點知......我地入左房，仍然都係傾囉，仲要好似中左笑毒咁....係咁笑
不竟我地都傾左6/7個鐘頭，未停過=.=好似傾極都未傾完咁 =.= 勁！
最後傾到10點到，大家都起身lu~~~
咁我地都惟有起身啦haha
之後我勁肚餓 >< 因為琴晚只係食左雪糕同豆腐花，仲有零食咋haha
大約12點到就出去食野喇，我地去左一間茶餐廳食，之後安都黎左搵我地^^
食完之後，就行左陣，不過其實都冇咩野行既，好快就行完lu~~
不過佢地買左好多野飲，因為呢道真真真係平好多呀，上面賣8蚊一枝水，呢道竟然賣10蚊3枝水=.=
仲俾人話：聰明反被聰明誤 =.=
買完之後過左去輝記租麻雀就返去屋企喇~~~
返到去，又係我地打機既時候haha，對戰真係開心得多^^
打左一陣之後，就落左沙灘玩喇~~~
我地玩玩下排球果陣，果個中式小妹妹又黎左啦，佢成日都跟住我地，同埋好多野講，
我地都冇曬佢辦法，之後我地打打下，個波飛左出去，佢又幫我地執，好似玩緊佢咁 但其實我地唔想嫁 ><
之後我地係道玩玩玩，玩到好累咪坐低休息囉，而有d就返去沖涼先喇~~~
我好鐘意坐係個沙灘果道，又唔太曬又有風吹下，真係好舒服嫁 ^^hehee
坐坐下既時候，今次有個西式小妹妹走左過黎同我地講野(但係要用英文溝通)，哈哈，佢好得意嫁~~~
仲介紹左隻昆蟲俾我地識，佢話佢同果隻野都係叫ocean，好有趣呀！
傾傾下，佢話要送份禮物俾我地wor，仲係一人一隻昆蟲tim呀，哈哈
之後pully講笑咁話要隻蝴蝶wor，點知...佢又好認真咁話捉俾佢wor，
不過佢話要搵工具去捉，之後仲拉左我地去問救生員果d地方拎個網=.=
但果d救生員聽唔明佢講咩，就叫daniel幫佢翻譯喇，真係好搞笑呀 >< 而sofung就做左佢得力助手，好好咁照顧佢果隻昆蟲
初頭我地真係覺得果度冇嫁，即使有都唔會借俾我地啦
哈哈，最後．．．又真係俾我地借到wor =.=
就係咁，我地 5 個就跟住佢去探險喇~~~
果個小妹妹佢好大膽嫁，周圍"娟loan娟啦"，我地仲擔心過佢 =.=
最後由於太危險既關係，我地叫佢捉第二d喇hehee
之後佢又帶我地去左沙灘捉蟹，哈哈，原來d蟹好得意，仲行得好快嫁，平時都唔係幾覺既^^哈哈
同佢玩到 6點幾之後就走lu，哇．．．行返去果段路，我真係好累．．．好累＞＜
返到去，就即刻叫外賣食喇，好彩今朝拎左d外賣紙返黎，如果唔係又要出去食啦=.=
係呢個時候，沖個靚涼先^^沖完就有得食喇haha
食完就玩啤牌喇~~~~
今次我地玩"大話啤"，哇....我初頭真係唔識玩囉....尤其係....係fanny既眼光之下 驚驚呀
我出親牌佢都話我講大話 =.= 真係好難玩呀！完全明白安俾pully及實既感受，哈哈
之後強教我玩，我終於明白啦！haha，估唔到強玩呢d係有一手wor^^hehee
玩完呢個之後，我地又玩心臟病 =.=
但係我完全同琴日唔同曬囉 琴日都可以講得出人地個名，但今日玩...雖然我知你叫咩名，但完全load唔到出黎=.=
哈哈，冇訓一日係load得慢d嫁啦！haha，你地仲要改埋d咁難既名......我到宜家仲記得蒼蠅.....=.=
雖然我玩呢個game係load得慢d，不過唔代表我反應慢嫁haha
之後我地玩蓋棉台同 7 級豬，我d反應都唔差嫁^^haha
玩 7 級豬果陣，好慘呀！得返我同daniel雙依為命咋 >< 好似由頭到尾我都只係可以同佢講野 =.=
不過我地好叻呀，哈哈，我地冇俾人fake到hehee，但我仍然覺得fake人好玩d haha^^
之後我地玩到十二點就訓lu，因為聽日要搭早班船，要早起~~~
但唔知點解，我地4個女仔唔想訓住囉haha，之後係廳見到daniel+sofung=.=
咁就叫埋佢地入黎玩喇，叫得佢地入黎，當然又係打機既時候啦hehee
打到點幾兩點果陣，又係廳見到強同安wor =.= 哈哈，原來大家都唔想訓住
咁就叫埋佢地入黎喇~~~
之後唔知點解會講開『型男少女相』，哈哈，真係笑死我啦haha
我地由房最後玩到出廳 =.= 因為房實在太細太熱啦 (即使開左冷氣=.=)
最後我地玩到三點半先訓 =.=
哇...我都覺得自己好勁 fanny 下午都有訓左陣，休息下丫
我琴晚冇訓之如，今日都可以咁夜訓 =.=
係呢一刻...我知道個樣一定爆殘....我既第一次通頂就送左俾南丫島lu haha
上到床，不消五分鐘，即刻訓著 =.=
(南丫島之旅第三天)-----------8/6
因為今日我地要搭1130班船走，所以教左 9 點鐘起身haha，
但最後當我起身果陣，我聽到出面有人，咁咪訓多陣先囉 =.=
哈哈，最後我地 4 個 9 點半先起身
起身之後，就梳洗一下，執埋d野喇~~~~
十點到準時出門
行出去果陣，冇啦啦落大雨，係好大 呀！
之後我地是是但但咁入左一間餐廳食喇------估唔到三餐都係同一間
食完之後，就過去搭船喇~~~
今日天氣 ma ma，所以好大浪，架船好拋呀 >< 大家都好擔心會暈船浪
之後佢地教我玩"black magic"，本應我估極都估唔到嫁 ><
最後係daniel既提示下，同埋pully既"破賺"之下，我終於都估到啦haha
玩完之後，都差唔多落船lu~~~
落船之後，我地既南丫島之旅正式結束~~~
有d行多陣街先...有d仲有下場，趕住去bbq...有d仲要返工...有d就返屋企
而我當然就係返屋企啦haha
之後同pully搭東涌線返去果陣，我地掛住傾計 =.=
搭過龍 足足sin多左半個鐘 ><
返到去，都差唔多兩點lu~~~
佢地個個都話，返到去要訓覺wor，但我又怕訓左今晚冇得訓 =.=
最後我食左d野，打左陣機，唔訓住喇~~~
之後7點上床，8點先訓到=.=
仲要12點醒左，又訓唔返 >< 咁就打陣nds喇
打到4點幾5點先訓到，點知...8點又醒返
所以其實我都唔係訓左好多粒鐘 =.=
都唔知點解 =.= 可能太開心啦，一下子好難靜落黎 ><
PS 去完南丫島之後，我得到既係.........
1)無限既歡樂
2)nds既技術高左
( 經過兩日不停既訓練之下，我既技術確實高左
去之前無論係maria定應援，我都有d關係過唔到，返到黎之後，即刻過曬^^哈哈)
3)擁有一把男人既聲
(因為我把聲完全地沙左，好難聽呀！好彩係最後一日先沙姐haha，如果唔係嚇死人=.=
沙既原因應該有三個： 一)食得太多薯片
二)講得太多野啦 (兩日都冇咩點停過=.=)
三)可能叫得太多啦 (無論係玩nds果陣定係見到四腳蛇果陣都係=.=)) | 
大家咪以為佢地咁勤力係道溫書呀！其實佢地係道打緊 nds 咋 =.=
