今朝十點就落左天水圍搵kiki食早餐喇haha
睇下我對你幾好，特登一早就過黎同你食早餐^^
坐坐下既時候，咁岩撞到家俊wor，哈哈，呢排成日撞到你既?!
不過佢岩岩食完早餐嫁啦，之後就坐低傾下計，睇我地食喇~~~
呢間d撈面真係好好食^^哈哈
食到十一點到，kiki就返工，而我就返屋企喇，
因為時間尚早，返屋企hea下先再出黎都未遲，
之後約左pully一點三係朗屏等~~~
出到去，見仲有時間，咁就行左陣波鞋街喇~~~
我睇中左對鞋呀 >< haha，但由於時間有限，冇買到 ><
不過我一定會返黎嫁，等我！
行到兩點三到就過去新寶喇....今日唔可以遲到嫁haha
點知...有人叫人唔好遲到，自己又遲左足足三分鐘wor^^
呢三分鐘就可以換黎我既爆谷食喇haha，多謝你wor，我一定會記住佢嫁hehee
人齊之後就買飛喇~~~
今日有我 + pully + daniel + sofung四個睇 神奇4俠^^
買完之後，就行陣街街先喇~~~
我地行完潮特，再行___，其間有好多爆笑場面.....小蛋散我鍾意^^哈哈
我地行行行，行到三點半到就返返去新寶果面買野飲，再睇戲喇^^
呢套戲都ok好睇wor，雖然得92分鐘，少左d，不過大至上都ok wor，不錯...
不過...我真係見到佢銹嫁 >< 哈哈哈哈
睇完之後，我地就去左影貼紙相喇^^hehee
GOOD...今次影得幾好，哈哈，尤其係....daniel同sofung扮超人果張haha
睇愈佢地已經愛上左扮超人......但只限於影相果陣，哈哈，好搞笑
影完之後，daniel就帶左我地去食雲南米線喇~~
不過呢一間好多人呀，要等位 >< 但好彩唔係要等好耐姐
呢個都幾好味wor，下次要試下個中小辣先得，今次叫左小辣，感覺只係有酸多過辣=.=
食完之後，我地去左m記坐低飲野，打nds^^hehee
可惜今日pully果部仲係維修中，所以冇帶到出黎，
如果唔係我地4個對打一定仲好玩^^哈哈
不過宜家三打都好好玩haha
我仲發現m記真係有好多機迷，哈哈，個個都拎住部機入黎玩既~~~
我地打打打，打到十點幾就走lu~~~
因為pully第二日要早起，所以我地都要早走，惟有下次再打過啦haha
同佢地打真係好玩^^真係會進步嫁^^哈哈
因為我返到去就即刻過左兩關啦！hehee
有時真係唔知咁岩好彩定係咩呢?!哈哈
ps 林訓前果陣，我發現超大隻蝴蝶係我家廚房既window出面 =.=
真係好大隻嫁，大過我既掌心tim呀，我都係第一次見，好彩唔係係屋入面，如果唔係一定嚇死 =.=
| 
