大家好呀，等我為大家介紹個女仔俾大家識啦！
佢就係係網頁既左左下方．．．就係佢啦！係咪好得意呢^^hehee
拿．．．介紹左俾你識啦，宜家你每次黎親都要餵佢食野嫁啦∼∼∼   

                           花花既個人資料   

姓名：花花

姓別：女

興趣：食野

性格：樂觀 (因為只要有得食，佢就會好開心)

技能：食極都唔會飽

期望：1)快d大過，可以同大家講野 (佢真係識講野嫁！)
          2)希望大家一星期探佢 7 次，每次餵佢食 3-5 件

今日難得屋企冇人，咁即係我鐘意做d咩都得喇 haha
成個下晝就係聽歌，電腦 / nds，時間過得真係快，
不過我覺得好hea呀！呢d日子一日半日都得既，
但如果日日如是既話，我諗我會死...........
希望可以快d搵到工啦！
唔想成個暑假都待在家中無所事事呀！

晚上同細佬慶祝生日，出左市中心食意粉屋，
食完之後，就返去食蛋糕喇 hehee
仍然覺得《東海堂》既蛋糕係最好味既！

To 細佬 ,
            生日快樂！

今朝一早就同左媽咪去市中心食早餐，
食完之後行左陣就歸家lu~~~

返到去，又係我既 nds 世界，哈哈哈哈       

今日終於可以訓到十點先起身啦 ><
可能因為今日係星期日啦，冇人返工返學，所以可以訓晏 d ~~~

起左身之後，就好乖咁坐係道睇《魔盜王之決戰鬼盜船》喇，哈哈
連食飯都買返屋企一路睇，一路食hehee
睇完第一集，就睇第二集《加勒比海盜之決戰魔盜王》，
點解要睇得咁急 ?! 哈哈，咪因為屋企人話今晚去睇wor，
個個都睇曬之前果幾集，我冇理由唔睇既，所以我就係道煲喇^^
睇到 3 點半，終於睇曬啦~~~

之後四點就同家姐過去置樂買nds喇 hehee
去到果道，格左陣價就買喇~~~
我一部黑，佢一部白，點白雙殺，型呀！！！
呵呵我終於擁有一部屬於我既 nds 啦，
今日買既原因除左可以快d玩之外，最重要係星期三可以入camp同佢地對戰

買完之後，就過返去巴倫紐會合屋企人喇~~~
哈，今次係《加勒比海盜：魔盜王終極之戰》，
我都好佩服自己，一日可以睇 8 個鐘魔盜王 哈哈
其實套戲真係唔差，又有d笑位，只係套戲比較長，成三個鐘 =.=
不過大家仍然可以考慮下去睇既~~~

睇完之後，就過左去隔離 m 記食雪糕喇hehee~~~
食完當然係我地三姊弟對戰 nds 既時候啦，哈哈
因為舊電仲有少少後備電，佢話可以打多陣wor^^
玩左陣就返屋企lu~~~~

返到屋企，明珠台又係魔盜王  即轉台
宜家見到魔盜王都有d怕怕，話曬都對左佢成日 =.=

今日未到 9 點就醒左啦，之後打左陣機，食埋野之後，就出發去大圍踩單車喇！！！
出門前，打個電話去天文台先..................
“請注意！酷熱警告現正生效！
   天氣酷熱可能影響健康，市民應提防中暑......
   現時熱溫三十一度，濕度百分之 7x，指外線 9，強度屬於什高....間中有驟雨，
   本港其他地區氣溫...........”
聽完之後，我應唔應該出門口呢 ?!“市民應提防中暑”係咪唔應該出去曝曬呢 ?!
   
哈哈，不過唔怕既hehee，之後我係落下搭小巴去上水，再搭火車去大圍喇~~~
搭車其間見到落緊好大雨囉，搞到勁擔心落雨冇得玩 ＞＜ 
果道除左踩單車之外，真係諗唔到有咩做囉 =.=
去到之後，好彩仍然有太陽照住，哈哈，1347就到左lu，早左成 2 / 3 個字去到tim =.= 
哈哈，不過 sofung 依然都係早過我到左囉 =.= 佢永遠都係有早到冇遲到，哈哈，要keep住呀！
之後等埋kathy + 肥葉喇，等到 1415 既時候咪打電話俾佢地，問佢地去到邊囉，
點知.....得出既答案係......kathy唔舒服，宜家仲係屋企 =.=
下 ? ! 唔係 ma，呆左 =.= 兩個唔識踩單車既人，去踩單車 ?! 
但最後.....sofung講返我知，原來佢地兩個係厄我 >< 
過份呀！遲到仲要厄我 >< 但唔知點解果一陣我真係信左囉 =.=
   
今日有我 + kathy + 肥葉 + sofung，原先pully都黎嫁，可惜佢聽日要考試，惟有下次啦 ><
我地去左附近既地方租單車，心情既緊張又興奮！哈哈
起初我同 sofung 都好俾心機練，過左一個鐘之後...........
sofung 已經有 d 起識，踩到直路啦...........而我.....仍然都係踩一兩步就跌囉 =.=
完全唔識 balance ，好難呀 >< 雖然我一向都知我既平衡力不嬲都差 =.= 溜冰也如是
過左陣大家都好累啦，之後肥葉買水俾我地飲^^thx
而我就繼續進行我既特訓喇，踩踩下.....oh.....跌左落地tim ><
係呢個時候，肥葉就係咁岩返黎喇，討厭呀！早唔返，遲唔返，偏偏係呢個時候返，俾佢睇到tim ><
  
過多陣，我同sofung都可以自己搞店自己，所以就叫 kathy + 肥葉四圍踩住先喇，
之後sofung教左我一個好特別既起步方法，哈哈，雖然又真係特別d，不過又真係得得地wor，
終於可以踩到幾下啦^^hehee好開心呀！雖則相比起sofung，佢仍然叻過我，不過我都好開心嫁啦，哈哈
踩多陣之後，我地就去搵返kathy佢地喇，點知......踩踩下果陣，我發現......          
我發現.....我架單車鏈.......竟然.....移左位 =.= 咁點好呢 ?!
之後我地發現我地前面又有個人又係咁wor，不過佢個樣好 pro =.=
我地係道諗，好冇叫佢地幫我好呢 ?! 最後sofung佢幫我問左hehee
哇.......專業人士真係專業，佢唔駛三秒就搞店 =.= thx！

會合左佢地佢地之後，我地就踩過去城門水河果面喇~~~
不過我已經好累啦＞＜其實會合佢地之後，我都冇咩點踩過 == haha
一路去果陣，我一路係道叫：我要食雪糕 ＞＜
之後佢地話，好快就過到去，過到去就有得食wor，咁我就好努力咁捱住喇~~~
哈哈，幾經辛苦，我地終於去到果個唔知叫咩咩咩既公園啦~~~
之後肥葉同sofung就去附近既小食亭買野食，而我同kathy就休息一下喇^^thx
呢個公園好多貓貓嫁，佢地仲好聰明，好識得嘆tim嫁，好得意！
過左陣，佢地打電話俾我地，話我地知搵唔到小食亭 =.=
又會咁既，咁大個公園竟然冇小食亭都有既，之後就叫佢地返黎喇，因為已經差唔多要還車lu~~~
過多陣，點解佢地仲未返既 ?! 咁就打多次電話佢地喇，原來佢地出左去搵，好感動呀！
不過果陣已經 1815 啦，我地要係1900之前還車，所以就叫佢地快d返黎喇~~~
因為我慢既關係，之後我同kathy就返去先，而佢地從後跟上喇~~~   

識踩單車，確實係唔同d，佢地好快就追到我地lu~~~
好彩我地最後都趕得切還車姐，Good
還完車之後，我地搭火車落旺角食野，之後我做左d fish野 =3= 我永遠都會記得“頭等車”！
食完野之後，因為我想買模型，咁就行左陣兆萬喇，行完之後，肥葉同kathy走先，
我同sofung行埋皆旺，呢個商場我都係第一次行咋 (其實佢都係)
不過冇我想要既野，但係有佢鐘意睇既野囉 =.= 我發覺我被騙了，哈哈
行完之後，佢送埋我搭車就走lu，thx！
 
返到去都十二點 lu，累透了 ＞＜
不過仍然要食埋雪糕先沖涼訓覺，哈哈

PS 返到去先發現，今日雖然只係跌過一次，但原來果次原來一 D 都唔少野，
     果撻"魚"足足長達 7cm TT，我相信冇兩 / 三個星期，都唔會散得曬 =.=


我地既戰車