06-05-07 (星期日)　之　Raymond 婚禮

今日係 raymond 既大日子  哈哈，我地個個都為佢好開心，等左呢日好耐 ^^hehee
朝早10 點出左去市中心果到焗一焗個頭先，自從電完髮之後，一直都好想焗嫁啦，不過一直都好懶，
遲遲都未焗，宜家d頭髮好傷呀，我個心都係好傷 ><
試過一條頭髮開3個叉tim呀  超唔開心囉，以前d頭髮好健康，都未試過開叉既 >< 激死啦!!!
希望快d好返啦，不過我知焗一次係唔足夠，遲下再搞搞佢先得 !!!

焗完之後都差唔多十一點半lu，咁就買 d 野返去俾家姐食喇~~~
返到去，搞下呢樣，搞下果樣都差唔多成點啦，時間過得真係快，
原先仲諗住同 kiki + sarah + 達食野嫁ma，宜家趕唔到lu~~~
咁就惟有食dd野先出門口啦，留樓果陣，勇打俾我，咁就約左佢係m記果等佢喇~~
再過多冇幾耐，呀二又打俾我，就係咁左等等，右等等，終於人齊就過去搵佢地喇~~~
點知...........到我地差唔多到果陣........kiki打俾我地話：不過我地係西鐵等丫
oh............早知我地唔行過黎，正接去啦 ><
最後大家終於見到面啦hehee^^咁我地就出發喇~~~
去到南昌就join 埋yuto 轉k16出尖咀喇~~~~

去到新世界中心，終於見到raymond啦^^佢今日同佢準太太都好靚呀
幾時都話，結婚果日就係人生中最靚既一日 哈哈~~
不過佢地好忙呀，要係咁影影影同影，因為要影低呢個歷史性既時刻ma^^
咁我地就企埋一邊，傾住等喇，哈哈，係呢個時候helen都黎左lu~~~
之後raymond叫埋我地去影相，不過點解人唔齊既???
原來佢地去左接 bosco + 梁進賢，唔緊啦，我地影住先啦，一陣再影過^^

哇........哇........哇........哇........
終於都到佢地係果個好好好靚既禮堂行禮簽紙啦hehee ^^
當一對新人聽住背景音樂，再加上熱鬧既掌聲歡迎佢地踏入禮堂，呢一刻真係好幸福嫁^^
我只係睇都感受得到佢地既幸福呀^^hehee
當佢地交換介指 + 簽字果陣，我見到 raymond 爸爸眼有淚光，佢一定好感動 ><

睇完之後，我地就過左去 m 記等埋嘉希 + 搞埋果份禮物先 ^^
我地將曬好左相相放入去之如，仲要設計一下~~~
不過我地既材料只係得kiki提供既顏色筆咋，唔係......應該仲有 "點cin" 隻腳先岩，哈哈哈哈
咁我就落左去樓下買顏色紙 + 剪刀喇，好彩勇話我知樓下有super market 咋，如果唔係都唔知整咩好
咁我地之後每人都寫左 d 野送俾 raymond，咁就大功告成喇~~~
不過時間都係岩岩好咋，8 點去到酒店~~~

去到酒店簽返個大名先hehee^^ 之後再睇埋佢地d 相相就入去喇~~~
哈哈，不過佢地話果陣raymond 唔係企係門口同唔到佢握手恭喜佢wor ，
咁我地就出去入多次喇 hehee，好低b呀，不過好搞笑囉!!!哈哈哈哈
今次 raymond 對我地好好呀，因為我地坐果個位置唔錯^^
又近佢地果個台，又近個電視，即使睇唔到佢地，都可以係個電視入面見到佢地^^不錯不錯
之後我地就周圍影相影相同影相喇^^最鐘意就係影相^^( 不過唔鐘意俾人偷影 =.= )
影完相相之後又係時候，乖乖地坐定定睇新人進場喇^^
哈哈，之後 raymond 上台講野果陣，竟然有提及我地wor^^好開心呀，哈哈
聽完佢地講野之後，又係時候開餐啦，哈哈哈哈
今餐好好好味，我地個個都食到好好好飽 tim 呀 ><
我地食到十一點到就走lu，好彩趕到尾班車姐 ^^
返到去都十二點lu，之後即刻沖涼上床喇，不過唔知點解呢，心情仲係未平伏到 ><
可能太開心啦^^最後三點先訓 =.= 好彩第二日返十一點幾姐^^hehee

PS 今日真係好開心呀，恭喜恭喜，哈哈哈哈
     仲玩左捷毛夾 + 化左少少妝，雖然唔太明顯，不過好好玩呀heheee 
     maybe.....我應該嘗試下接受佢^^