今日訓到十一點，之後見佢地仲未起身，咁就返左陣PS2喇~~~
哈哈，都好耐冇玩過lu~~~ ( 但係仲係好想玩 wii 囉 >< )

玩到一點到，就去食野喇，食到兩點幾，飽飽^^
返到去就睇下d note，之後諗住睇埋果本eng 佢，起身果陣............" boom "
成個人訓左係地下果道 =.= ( 果陣我仲要係唔知發生咩事，只係知訓左係道同個頭勁痛囉 ) 
之後坐左係地下，咩都唔敢郁>< 但係係果刻仲係好暈好痛
聽返佢地講，話我好大聲  "boom " wor，但係果陣我咩都聽唔到 =.=
嚇死我啦!!!!我都係第一次暈咋>< 唔知點解冇啦啦暈低左 =.= 不過唔係暈好耐，幾秒到~~~
唔通呢d就係叫：踎低起身見頭暈?!

之後上左床休息，不過個頭腫左少少>< 訓係道果陣好痛呀>< 
夜晚因為之前一早答應過pully出黎，所以夜晚7點都係出左去食飯~~~
原先叫埋kathy一齊食飯既，點知肥葉又入左黎wor?!
因為下午佢地同埋小林 + daniel 睇完"鬼差"，所以冇野做就一齊過埋黎喇~~~

就係咁我地 4 個就去左寶島食喇，呢間都ok wor，可惜係冇野飲丫><
我地食完之後，hea左陣，就過左去m記再傾計玩喇~~~
不過我地真係好嘈囉 =.= 都係你...你...你...同你啦 ^^hehee
不過今日笑都有d痛呀個頭><所以笑果陣都要就住就住

我地傾到十點幾十一點就走lu~~~
見仲有時間，咁就送埋pully返去喇，之後佢地好好呀，話驚我又暈，所以送埋我返去先走^^thx

ps 雖然今日傾既唔係好多，不過今日都見你係咁笑笑笑同笑，
     希望你真係冇咩事啦 ^^有咩再搵我啦^^     
     哈哈，不過今日既功勞唔多唔少都有d係歸肥葉既，哈哈