今日9點到樓上就開始轉野啦=.=想唔醒都唔得啦
之後搞左陣野，10點幾就同媽咪出去市中心食野喇~~
不過過到去岩岩好11點><食唔到早餐tim=.=
咁我地就留左去下面客家好棧飲茶喇~~~
係呢個時候，打俾kiki先，睇下今日係咪真係出去旺角買書先~~~
噢....好似嘈醒左佢tim><真係唔好意思喇~~~

哇...今日好好彩呀^^因為唔駛點等位就有位啦~~~
可能宜家放完暑假少左人啦^^
飲完之後，我地就去銀行拎股票d form先~~
好緊張呀!!話曬都係第一次買丫哈哈~~~
我買既係銀行股好穩陣，媽咪話好大機會升即使唔升都唔會跌wor~~
雖然買就唔係買好多，都係得一股，但唔多唔少都有d緊張既~~~~
橫店d錢放係銀行都冇利息既，玩下都冇防既^^
不過今次呢隻股好多人買呀，所以我都未必會抽中，即係我未必買到
希望抽到啦哈哈~~抽到既話我會覺得自己好型^^18歲就學人買股票><heehee

去到銀行又唔係好多人咋wor~~
好快就囉到，都唔明點解d公公婆婆7點幾晨咁早就排隊拎
其實今日拎唔到，聽日都仲有得拎既~~~真奇怪
拎完之後，就諗住搞埋本票果d野 (因為我冇支票薄><真麻煩)
不過呢d就真係要排隊，仲好多人tim呀><
媽咪話呢d我地留下銀行都可以搞仲冇咁多人wor~~~
望一望時間，噢...原來1點啦wor
即刻行快兩步搭車返去先 >< 總之頭先飲茶唔咁"他條"慢慢飲啦><
哈哈~~因為我地又兩個鐘頭內搭輕鐵黎西鐵走ma，咁都係計一程咋ma^^
heehee呢d就係少女人計數喇
不過其實都唔關我事既，因為我買左自悠通，係咪都廿蚊既^^
返到兆康又去左銀行，真係唔駛排隊wor~~~
3/4個字就搞店本票果d野lu~~~真快~~~

之後就過去天水圍搵kiki喇 (俾預期中早=.=)
不過佢要整埋錶先過黎，咁就坐係道打機等佢黎喇~~~
4/5個字之後佢都黎到lu~~~
咁我地就邁向漢榮書局進發^^heehee
去到好快就搵到間野lu~~~搵都冇咩點搵過就搵到喇~~~都唔好玩既
哈哈~~因為唔知點解同佢一齊好鐘意搵路heehee
去到都只係買到一本咋><其他賣曬lu~~~
不過唔緊唔緊~~~我地返學都係返果到既，日日暴住佢等佢出返都仲得^^heehee
過多兩步原來仲有間有88折=.=差d激死佢><
哈哈~~唔緊啦~~可能你果d好d既呢^^
之後佢話之前搭車見到有間書局叫"世界書局"wor~~
咁一陣去睇埋先，因為有殺錯冇放過，務求一定要幫kiki買到書^^
不過係去果個世界之前，首先要去無印良品買筆先^^heehee
咁我地就過左去朗豪坊喇~~~heehee我竟然記得點行wor~~勁呀!!!
買先之後，我地就搵果個世界係邊喇~~
點知....今日好順利wor~~~唔駛點搵就搵到lu~~~
但係搵到又如何=.=佢果道都冇我地要既書=.=
算~~~咁我地就去旺中行下街街喇~~~
heehee今日我有收穫呀~~~GOOD^^

行完之後，KIKI話想食D野wor~~
咁我地周圍睇下有咩食啦~~~
最後佢買左青蘋果沙冰而我就食左格仔餅~~~
哇....我個格仔餅成十蚊呀~~~初初以為最貴都係7蚊姐，點知成十蚊><
不過咁，雖然呢次係我呢一生中食格仔餅最貴既一次，但佢都係我呢一生中最好味既一次~~~
所以算啦^^不過唔知仲有冇機會食多次><因為真係好貴><不過真係好好味^^

食完之後，我地就入返屯門，睇下商務有冇得買喇，最後都係冇=.=
走果陣，竟然見到嘉熙wor^^哈哈~~真有緣^^
不過佢竟叫我做呀二wor過份呀><哈哈~~不過佢最後都記得返^^算你啦^^
佢宜家好似好勁咁^^做緊飛機維修員wor，即係同我姨丈一樣呀~~~
唔知佢地會唔會識大家呢~~heehee真有趣^^
跟住我地去左置樂睇下有咩食喇~~~
kiki想食砵仔糕同格仔餅，而我就想搵返上次達帶我飲果個朱古力珍珠~~~
最後我搵錯左tim><都唔係果間黎既，上次果間好味d濃味d
之後kiki想買砵仔糕，點知....賣曬wor=.=不過都正常既，果時都成7點lu><
咁惟有食格仔餅啦~~~今次試下食第2間，不過佢話唔好味又硬又冇咩糖(已經叫左多糖=.=)
雖然今次我地兩個都食唔到好野，但係我地林走果陣，發現到好多新野食wor~~
heehee下次一定要試曬佢呀!!!!heehee

食完之後，kiki話想過去新墟搵達拎返枝綠色筆，咁我就買埋野食返去喇~~~

呀文生日快樂^^heehee
信我丫，你要既野我一定會俾你既，俾d時間等下啦^^