返左工都差唔多成半個月啦！
時間過得真係快＠＠

初頭果兩三日因為冇咩野做既關係，差ｄ悶死左 =.=
hea時間真係好慘嫁，最慘既仲要係冇野做，要扮做緊野 =.=
不過宜家都好好多啦，工作量唔多，但又唔係冇野做 ^^
哈，宜家學識左慢慢做野，唔係急既都唔駛做得咁快，如果唔係會好悶的haha

公司d同事大致上都幾好 ^^
不過奇就奇怪在得果4/5個女同事，但有成2x個男同事wor =.=
同我差唔多年紀既都係得幾個，其他都over 30 啦~~~
所以開頭返工果陣，我都冇咩點同佢地講野，因為都唔知講咩好 =.=
雖然宜家都唔係講好多野，不過最起碼見到面都會，有傾有講有笑^^
都唔錯^^因為佢地個個都好玩得，有時只係聽佢地講野都已經覺得好好笑，哈哈

不過呢道有樣野唔好既就係．．．間公司真係好入呀，要上山既 =.=
搞到個電話成日都收唔到 ＞＜ 不過收唔到既其中一個原因係．．．peoples太咋了 =.=
雖然係就係入d，不過d同事好好呀，朝早果陣會車埋我返工^^GOOD
當然．．．唔係車我一個啦，仲有其他同事既
我返工返 8 點，7點7先出門口，仲要係夠時間買埋早餐tim wor，有車真係好^^
而放工佢地有時就會車到我到元朗西鐵站答車，有時仲會車埋我返屋企，真係好好呀！
就係咁．．．我Ｄ車錢錢又可以慳好多^^
其實宜家返工都唔駛點洗錢錢，因為宜家我有時都會帶飯返去食~~~
一個星期帶兩日飯，有三日同佢出去食都唔錯^^
帶飯其實都唔錯嫁，又可以慳錢錢，食完飯仲可以訓陣覺，哈哈
不過同佢地出去食，由於人太多了，好難搵位，所以來來去去都係食果幾間 (但我仍然好想食多次果間泰國野呀！)
係呢道返工好free嫁，雖然lunch係得一個hr，不過我地成日都食到個半個中先返去 =.=

講開食飯，我返第一個星期果陣，成日都有人請食飯~~~
第一日果陣，咁岩係老細請食飯，之後又因為有同事要farewell，所以公司又請飲茶^^
但最搞笑既係，估唔到公司都會同d同事搞生日會＠＠ ( 當然係每月一次 )
雖然係個小型party，都係食d小食，不過我覺得好有趣呀 haha！
之後佢地話我真係識揀時候返工，因為咁岩呢幾次既聚會食飯，我都有份＠＠哈哈
不過我想講既係，返工既時間，唔係我揀嫁 =.= haha