今日返 9點4
不過因為某dd原因，所以約左kiki 7點9 係天水圍西鐵等~~
返到去，放低d書先同kiki食早餐，食完就要講byebye lu
因為佢今日要返Y4 ma~~

返到去，就要上c.a.喇~~~
今日miss講返琴日果條，其實琴日返到屋企都睇過下，都明明地既~~~
之後聽完佢講之後，清楚好多lu 

上完就小息喇~~~真係快喇~~~
今日我地留左去食燒賣^^hehee因為前果幾日已經講好左啦ma~~
heehee 好味好味

之後上 f.a. 有十萬個無奈
話說有條數唔係幾明，咁我咪問呀綸(alan)囉，
點知....佢講講下個班突然靜曬wor=.=搞到成班都知我同佢講野咁=.=
你話係咪有十萬個無奈呢=.=

上完兩堂 f.a. 又係到食飯既時候啦
本應今日kiki被迫要去開會既，所以講左今日唔同我食~~~
之後打俾佢，佢話唔去開啦wor (咁咪仲好^^heehee)但係最後我地都冇一齊食
因為今日rita佢地話帶我食一間好好食既野wor，而kiki又跟左佢d同學仔行既方向~~~
即係我同佢都唔知大家既目的地係邊，所以最後我地都冇一齊食lu~~~

一去到就有位lu~~~~GOOD
哇....真係好抵呀~~~~
佢呢個餐有沙律做前菜，之後又有一碟壽司 + 一碗雞扒拉面(仲好大碗tim呀)  凍飲又唔駛加$$
都係廿五蚊咋~~~超抵^^大家一定要試下食呢間野呀^^唔識路既問我啦^^
最搞笑既係，原來好多人都係係呢道食~~~
首先見到ice同佢d同學啦，之後見到 fanny + noci 啦 +
仲有見到jenny wong同其他老師(哇....真係唔好日頭講人，一講即出現)
仲有kiki呀!!!原來佢係我地隔離果間野食wor~~~又會咁岩既
之後我地掛住傾計，傾到唔知時間 成兩點先走(我地返兩點2=.=)
返到去，呀 sir 黎左lu heehee sorry i'm late ><
講開又講，今日呀 sir 好 fish 呀!!!哈哈哈
又係時候講下故喇~~~
話說今日呀sir 派左張紙俾我地又係叫我地入數，初初都冇問題既~~~
之後alan發現點解好似balance唔到d data既~~~
咁咪問下呀sir囉~~~哈哈~~之後經過佢同呀sir既一返對話之後，
呀sir 覺得alan講得有d道理~~~~
咁就借 d 2 話一陣再講解，宜家放break ，佢要出去飲水wor~~~
哈哈~~我同alan都話佢一定係出去問其他老師~~~哈哈哈
隔左幾個字，呀sir終於飲完水返黎啦^^heehee
最後證實左係alan岩左=.=哈哈~~呀sir 真係失敗呀><
上完電腦就上law喇~~~
then當然放學啦~~~heehee
今日都係同kiki個同學嘉俊+佢一個同學走~~~
今次呢個多野講d，所以氣氛都好d除左.........

返到屋企，細佬已經用緊電腦啦><
咁我就沖涼 + 溫dict + 抄返d note先~~
時間過得真係快，話咁快又到9點lu~~~
煮過面食下先，食完之後就開始玩電腦喇~~~

聽日要返早呀=.=訓覺啦zzzzzzzzzzzzzzzzzzzzzz