今日同埋pully佢地一齊返9點幾~~~
返到去，原來今日pam冇返wor，咁就將兩堂costing，改成一堂f.a，一堂law喇^^
好野，最後果堂law調左上黎，咁就可以早放喇GOOD~~~
不過呢兩堂，我都冇聽過書hehee，因為我個心一早就放左啦^^
咁就埋頭苦幹咁抄埋d功課先hehee，因為我地都唔知幾時講過話要今日交功課=.=

小息就溫下電腦先，因為琴日都係冇咩點溫過=.=
之後assembly要落去hall呀=.=點解會咁嫁><又少左個溫書既機會啦><
落到去好悶呀，最衰過上堂=.=
咁我同伊雲就拎左so fung個電話玩喇，而pully就拎左kathy個電話玩喇~~~
哈哈，不過我地都係玩同一個game，就係疊樓^^真係好好玩呀!!!!
我最多都係得101層咋><幾時先可以130層上到去太空呀=.=
之後so fung同stanley都好悶，咁就俾佢地玩喇~~~
玩下玩下，咁就一個鐘頭啦，不過仲有一個鐘呀><
之後學生會就係道播左一套由學生會拍既一套既，睇完之後都唔知佢講咩既=.=
總之就無聊啦><雖然有d又真係幾好笑既，尤其係T C Wong果道，不過爛到唔爛囉=.=
睇完之後，學生會就搞左個抽獎game喇~~~~
不過抽極都抽唔中，我地班wor，之後eva真係好得意呀><成個細路仔咁，
係道踏地話點解冇我地班，又話如果冇我地班既話，一陣就擺課唔上堂，
總之就好笑啦hehee，如果佢教書果陣都係咁，唔駛咁黑面就好啦~~
哈哈，最後我地班又真係抽中wor，eva開心到舉起手企左係道^^
之後我地個個望住睇，佢先坐返低^^佢真係好得意呀!!!
咁佢就同小林上台拎將喇^^禮物就係三盒大既 <樂天熊仔餅>

抽完將就係assembly既尾聲啦，咁就放lunch lu~~~
打個電話俾kiki先，因為今日同佢食飯ma~~~
點知打唔到電話既，後尾聽佢地講先知，原來呢段時間個個people都打唔到=.=
咁就約左佢係一個潮特果道等啦，行行下係道諗，都係係食野既地方等咁咪唔駛走黎走囉><
不過又打唔到俾kiki wor=.=點好呢=.=?!最後好彩見到so fung佢地，就就問佢地拎左電話喇^^
我地最後食左手搞面果道食^^真係好喇^^我想去果道食好耐嫁啦><

食完就返去考電腦喇，都係咁啦，做完之後仲有半個鐘=.=咁就訓陣先喇~~~
之後上多陣堂，就放學喇^^
原來諗住搵埋kiki同我去永安嫁，不過我早左放，咁就算啦~~~
不過佢地都有講過陪我去既，不過我又唔鐘意咁麻煩既，算啦，我自己去得嫁啦^^
你只要話我聽點去得嫁啦^^好彩有daniel教路，如果問肥葉一定行到聽日都行唔到呀><哈哈

終於到永安啦，不過係邊層呢=.=?!唔係要我屠屠搵ma? 搵左陣之後，就問下d sales姐姐喇^^
終於搵到啦，不過有幾款既?!打過電話俾家姐先=.=點知又搵唔到佢wor=.=
又會咁既，真係麻煩呀=.=咁就周圍逛下先喇，終於搵到佢喇，買完就走lu~~~

PS 搭車返去果陣，唔知點解有一種感到 lonely既感覺，仲要係冇啦啦地wor，超想喊囉=.=!
     真係奇怪，可能呢排成個人都好累啦!!!唔係返工就返學，好耐都冇放過假啦><先至會亂咁諗埋一d唔應該諗既問題姐><
     人生中第一次感到lonely竟然會係架車上面=.=真係傻嫁-.-
     再望一望個電話，又得返半格電=.=最後打左個電話，雖然唔係傾左好耐，不過心情已經好轉了^^多謝你呀!!!
 
     朋友呀朋友，你地每一個都係我心中扮演一個好重要既角色!!!!
     所以冇左你地，我呢一生中一定少左好多快樂既片段^^好多謝你呀!!!