今日好早起身，睇下d note 之後，就同媽咪落街食野喇~~~
食完之後，都仲係 11 點 9 咋，仲有好多時間，因為約左佢地 12 點係朗屏等ma，
咁點好呢，又唔想返上去wor，咁就惟有去朗屏等佢地喇~~~~
( 呢排唔係係咪好多野諗呢，好似愛上左獨自坐係度諗野=.= )

到十二點半果陣，佢地話佢地係離緊果一班車wor，咁就上車喇~~~
一上車，唔見佢地既 =.=?! 不過見到家俊係度訓覺^^咁岩佢隔離又有個空位wor，
咁我咪坐係佢隔離囉，點知佢呢隻豬掛住訓，唔知我係道wor=.=
咁我就愈坐愈迫家俊果邊喇hehee，之後佢終於都醒左仲嚇左佢一跳tim hehee
之後pully + kathy都行左過黎我呢面lu~~~

返到去，都係 hea 陣先，之後聽到 maria 好大聲咁話：邊個話可以帶字典去考試嫁 ?
因為前幾日有d同學話會計唔係考英文，所以可以用字型查字，之後D老師又俾佢地考試用wor，
所以今日多左好多人帶左字典返去考  ( 包括我在內 )
唉。。。。。原來係唔可以嫁，咁之前有人用左果d又點計呀?!好唔公平呀 >< D老師做既野都唔一致既!!!
記得B.C有篇閱讀理解係叫你搵 D 同義詞 + 反義詞，如果有查字典既一定識果兩題=.=
仲要科科做完之後，都仲有咁多時間淨，有心查一定查到既，有D唔識解題唔識做，宜家查完一定識啦=.=
宜家愈諗愈唔公平呀唔知D老師開完會之後，會點安排呢件事呢?! 唔通話「今次果D就算啦，下次唔好再咁做啦 」咁行?

之後唔好理咁多，考左先喇~~~~
時間都係由 2 點正至到 4 點半，考兩個半鐘!!!!!
終於都考完試啦^^之後原先諗住去stanedy屋企打邊爐 + 玩既，之後佢冇啦啦地話唔得wor，
因為佢表哥咁岩話係廣州返黎，所以去唔成lu~~~
之後又有諗過去唱k / 去邊道邊道玩既，不過由於大家既時間同地方都唔係幾夾得到，
最後都係不如歸家打機啦~~~~

返到去，估唔到屋企都係打邊爐=.=
夜晚睇《突圍行動》，真係好好睇呀^^不過  d 人個個都係奸既><
更可惜既係，馬國明死左啦......................冇得睇佢=.=