今日係大年初五，我地 8 個進軍環球嘉年華
有我 + pully + kathy + 伊雲 + 呀智 + 肥葉 + sofung +  Daniel 好開心呀，終於去到玩^^hehee
首先約左pully + kathy 十點係朗屏等，十點半就去到南昌搵埋肥葉搭地鐵去金鐵喇~~~
但係我地係唔知點解搞左好耐先出得到南昌囉

到金鐘果陣，佢地已經到左lu，好野，我地出發啦^^哈哈哈哈
去到之後，我地急不及待咁買飛入去玩喇hehee
入到去，我地就去玩左個好似海盜船，但又唔係海盜船既野hehee，
呢個都ok既，唔係太恐怖^^

玩完呢個之後，我地就去玩激流喇，激流分為兩個，第一個係有滑水飛船 ( 好似海洋公園果個咁 )，
都有少少離心力，好好玩^^ 不過濕身度有 80 % ，之後第二個就好似個救身艇咁 ( 隻船會係咁轉 )
濕身度高達95%，連條褲個 pat 位都濕曬 ，不過呢個 ma ma 地好玩，全程都唔知做咩，只係識得笑囉 =.=
哈哈，因為可能坐既位置啦，見住佢地係咁撞黎撞去個樣，但自己又冇咩野wor，真係笑死人，
最重要既係pully全程都係踩住我囉 =.= 我又笑到講唔到俾佢聽，佢踩住我wor，不知幾辛苦 =.=

跟住我地就排隊玩洗衣機，信免可以吹下ma hehee，不過其實都唔吹得幾多，哈哈
到我地玩果陣，竟然落微雨wor  不過都係一樣咁好玩hehee
之後見落雨，咁我地就排隊玩鬼屋喇，但係d雨愈落愈大囉 ><
我地 8 個人得 3 把傘咋  不過sofung好好人呀，佢俾左件風褸我著，但係佢濕曬囉 =.= 搞到我勁唔好意思hehee
排左成個鐘，終於入得去啦，不過一d都唔驚囉，仲好無聊tim呀 ><
玩完呢個之後，d雨都停左lu，咁我地就向著過山車進發喇^^哈哈
不過排左去動感影院果條隊 =.= 哈，不過唔緊啦，玩住呢個再去玩過山車hehee
今次呢個係模擬過山車，其實都幾無聊下 =.= 不過肥葉佢地又係道扮驚，係道叫，搞下d氣氛先冇咁悶，
不過真係笑到肚到曲囉，超辛苦 >< pully 又成日係道講：我跌啦!!!我跌啦!!!我就快跌啦!!!
似係真又似係假咁wor，哈哈，不過最後真係好似係真，笑死我

玩完呢個模擬(無聊)過山車之後，又係時候玩返個真既過山車啦^^
呢個係吊住隻腳黎玩嫁 >< 哈，亦都係我人生中玩第一次咁冇安全感既機動遊戲 =.=
哈哈，原先肥葉未黎之前，已經話過唔會玩機動遊戲，不過同我地一齊邊有咁易丫hehee，
最後都係俾我地捉左上去玩  哈哈，呢個都幾好玩，唔錯唔錯^^

玩完之後，我地就玩碰碰車喇hehee
其實我之前都玩過呢d野嫁啦，不過唔識玩既 >< 所以今次玩真係好緊張，因為我怕係被笑既一位 ><
哈哈，一開始果陣，sofung 教我搵一個有利既車車，哈哈，確實唔錯wor ~~~
今次我駛得都幾好  hehee (自己都要讚下自己，哈)，起碼除左俾人撞之餘，我都有撞人地 ma ，哈

玩完呢個之後，大家都俾d攤位上既公仔吸引住^^咁大家就拎佢地手上果廿五個代幣去玩喇~~~
玩係唔難，但係要中到公仔又真係好難呀 >< 我地 8 個 d 幣幣去左一半都中唔到 ><
不過大家唔好失望，玩返d刺激既遊戲先^^hehee
我地去左玩果個 F1 七彩滑梯喇，哇，望落去，係由好高咁滑落黎，只係靠一張毯 =.= 仲要係自己捉住 =.=
一 d 安全感都冇囉 =.= 不過真係好好玩呀^^hehee，我地仲發現左一樣野，就係..........
明明我係快個sofung滑先嫁ma，點解佢快過我既；daniel 係快過肥葉滑成節，點解肥葉仲快過daniel既
得出既結論係，重既即使係慢過輕滑既呢，重都會有機會快過輕既hehee，咁即係-------->其實我都唔係好重姐
玩完呢個之後，pully就話想玩跳樓機wor，但係佢地個個都唔玩 >< 咁我就同PULLY佢玩喇
自從上次我係海馬公園縮沙過之後，我同自己講：下一次我一定要玩返!!!哈哈，今次我都覺得自己好勇呀hehee，
雖然 d 離心力足以飛起我成個人=.= 不過我接受到wor，唔係太驚，
不過我地落黎果陣，kathy同肥葉佢地話pully塊面紅曬，而我就白左wor，
但我又feel唔到wor，問返 daniel 佢都話唔覺，哈哈，唔知呢，不過好好玩呀^^hehee

玩完呢個之後，我地就去玩老鼠過山車，呢個架車會無啦啦係條路軌果道360度係咁轉，好似好勁咁 >m<
不過呢個真係排左好耐呀 >< 我地原先有 6 個人去排隊玩，但係最後得返我 + pully + daniel 三個去玩咋 ><
哈哈，其實daniel一開始都話唔會玩d會轉既野，因為佢好怕暈wor，不過我 + pully唔俾佢走hehee
最後佢都陪左我地兩個玩，哈哈  不過玩完之後，我地三個係咁話： 正!!!正!!!正!!!正!!!好彩有玩咋，唔玩真係可惜><
哈哈，呢個睇落去好似好暈咁，不過其實到你玩果陣，又唔係幾覺wor^^ 

玩完呢個之後，我地就搵返佢地去玩摩天輪^^ 哈哈，唔知點解呢，我覺得其實玩摩天輪係好無聊同sin時候既遊戲，
不過我又覺得呢個係必定要玩既項目，因為見到佢唔玩，好似唔會得到幸福咁，哈哈，好低 b 呀，可能係因為幸福摩天輪掛哈
好彩我地玩果陣，夠人數咋，如果唔係就要同埋d唔識既人一齊坐，我地之前果個就係咁有三對人一齊坐 =.=
哇.........上到去都幾靚wor，有好多燈飾睇，好彩我地係夜晚先玩呢個咋^^哈

玩完呢個之後，我地就去玩埋d攤位遊戲先，哈哈，pully + sofung 都好叻呀 ^^
佢地兩個都中左兩隻公仔呀 >< 不過我一隻都中唔到囉 =.=
哈哈，不過sofung佢兩隻公仔都貢獻曬出黎lu~~~~
一隻俾我，一隻俾kathy，多謝曬wor hehee，我一定會好好對待佢既，哈哈

玩完之後都成8點半啦，我地玩左接近9個鐘頭，不過都仲係未玩得曬 ><
不過我地已經好累好肚餓啦，係時候要食d野落肚啦 ><
我地落左旺角食韓燒^^好味好味^^ 不過 9 點半之後，好似平d ，橫店我地去到都成9點啦，都唔介意等埋果一陣，
哈哈，我地利用平左既錢錢同等既時間去影貼紙相呵呵
原先daniel話約左人，唔同我地去影嫁，不過最後都係俾我地說服佢去左^^hehee
佢影完之後，就走先lu，其他既野就交俾我地啦^^哈哈

影完之後，岩岩好時間， 9 點半去食野!!!!!!!!!!!!!
今日真係好累呀，所以冇咩點出過去拎野食 >< 辛苦曬你地啦 ><hehee下次我一定會幫你地拎返既^^
我地食到十一點半就走lu，走果陣又俾我地見到daniel 同stanley wor，
哈哈，不過我地要趕尾班車，所以唔同你地講咁耐lu~~Byebye
 
今日真係好好好好好好開心呀!!!!!!!!!!!!!!!!!!!!

PS1  今日我同pully一共玩左12個機動遊戲呀，真係玩到瘋了
PS2  現代既朋友你地好呀，我好期待同你地去玩多一次嫁 ><