四天穿著高跟鞋考試既日子，終於告一段落啦！！！
亦都係我既暑假開始 hehee

考最後果日，我如常咁同 pully 返學啦，去到旺角果陣，我先發現......
原來我自己仲未食野 =.= 不過如果等到考完試先食，好似仲有排wor
咁我地見仲有大把時間，咁佢就陪我去食香港仔魚旦粉喇hehee
食完之後仲有三 / 四個字淨，咁就慢慢行返去啦~~~~
點知....行行下，佢竟然流鼻血 wor，嚇死我啦！
之後即刻同佢去隔離既 green box toilte，不過佢d血仍然係咁~係咁流囉，好似唔停咁 ><
最後流左兩 / 三個字都好似唔係幾對路，咁我就打電話返學先喇，
因為就開考了，如果遲多過 15 分鐘就會除消資格，不過佢呢個toilte係收唔到電 =.=
咁我咪出去講囉，點知...同校務處果個男人傾傾下果陣，
有個女仔同我講：你係咪流鼻血果個朋友呀 ? 佢叫你呀！你快d入去睇下你個朋友丫！
之後我即刻收線入去搵佢喇，嚇死我 我仲以為佢係入面暈低左 =.=
好彩....原來唔係，佢只不過太驚，所以叫我入去陪佢姐，
但佢仍然係咁流，冇好過之如，仲要嚴重左 =.= 由一個鼻孔流至兩個 =.=
有位太太好好心咁教左佢一個辦法，不過佢話之前都試過，係唔work嫁~~~
之後我都教左佢一個小時候我既處理方法，哈，點知真係得得地wor，
見佢冇咩野，咁我地就行返去學校喇，其間佢係咁同我講唔好意思呀/sorry果 d 野.....
傻啦，我係唔會朋友有難，掉低佢果d人黎嫁，如果我唔理你，你有咩事，我會內疚一世tim嫁！！！
加上考試姐，又唔係 d 咩，識就識，唔識就唔識嫁啦，唔夠時間咪做快d囉~~

返到去，已經係 14:25 啦，足足遲左25分鐘
之後我同個監考果個人講我地既情況喇，好快佢都俾我開考lu~~~
不過考左唔夠 5 分鐘，佢又好似有d唔妥咁，最後佢早左退 ><
考完之後，就打返俾佢，睇下佢點啦，都好彩，佢宜家冇咩野lu，不過要下星期二補考，
又會咁既，最後一日先黎搞埋d咁既野

考完之後，諗住去唱 k 既，之後..........哈哈..........我識做既，咁就返屋企喇~~~~
返到去，就打機 + 睇電視喇^^hehee

PS1 萬萬估唔到既係，我同佢最後既對話係...............
       佢：你做咩唔聽我電話呀 ?
       我：我擺明就唔聽你電話嫁啦！
       雖然短短既兩句說話，但係聲量我知道係唔細囉，
       因為佢由走廊尾一路講一路行到電腦室門前，而我就由走廊較前既位置，一路行去電腦室一路答佢
       我知道個個都係道等入去電腦室考試，所以好多人都聽到，但係佢地唔會估到我會咁講野囉 =.=
       唔知咩事既人，可能會覺得好出奇，不過知咩事既人，會支持我咁做！
       機會唔係必然嫁，加上我已經俾左好多好多次，你唔珍惜，我都冇辦法，亦都唔會怪你，不過我會唔理你
   
PS2 其實今年過得好開心，識左好多好好玩既朋友，有你地就會有歡笑，
       食一餐飯都可以好嘈 =.= 哈哈，不過嘈既原因一定係PULLY D 笑聲啦，哈哈哈哈
       一年既時間，過得快；開心既時間，過得仲快 ><
       雖然大家住既距離有d遠，不過約出黎玩唔難既，大家記得搞多d活動，預埋我呀！