今日一早起身打左陣機，食左D野，之後就收到小云既電話喇~~~
佢話想早D出黎行下wor，咁我地就出左市中心喇，行行下，
我先發覺我竟然拎返d碟俾馮萍wor，咁惟有返返屋企拎啦 ><
就係因為咁，返一返去就遲到tim，原先四點鐘係天水圍等，我同小云四點三先到 =.=
去到 ice + 馮萍 + 瑜 + 秀蓮已經到左啦 =.=sor

咁我地就搭西鐵去美孚轉地鐵落尖咀喇，因為佢地話呢個時候哲k16會塞車wor，
去到尖咀，我地行左海港城，再行行海旁，我地咁耐冇見，梗係要影相先啦！！！
我地影左好多相呀haha.............( 你地記得sd返d相相俾我呀 )

六點呀翟都黎左lu，過多陣，就過去地鐵站搵呀君喇 ^^
haha我地八美終於都齊人啦 TT 好感動呀！
之前因為大家就唔到時間，成日都少咁一兩隻，哈哈，今次真係難得~~~~
今次唔單止齊人呀，仲多左兩個人tim呀^^
去地鑼站之前，我地去左萬寧.......買奶粉haha
因為要買俾 呀B 食呀hehee

買完之後，等左陣，陳生陳太同呀B，都黎左啦^^
呀B好得意呀，又多頭髮仔，仲要得三個月咋，勁可愛 ><
齊人之後，我地就過返去樂道果間巴西燒食喇~~~
哇...好多人呀，好彩我地一早book定位姐，唔駛等，呵呵
佢地一坐低就係咁拎野食，而我當然係等第二d野食啦hehee
因為呢間特別在可以自己出去拎，亦都可以坐係道等d waiter拎野俾你食喇~~~
waiter果d當然係好味d嫁啦！所以我都係等食呢d~~~~
每次果d人問，請問要唔要試下xxx既時候，我地都會點頭haha，咩都要呀！
哇...我由頭食到落尾，最後仲食埋三球朱古力雪糕，好滿足呀！
而佢地都見識到我既食量有幾驚人....哈哈....唔好睇少我呀！

我地食到 9點幾就走lu~~~
陳太佢地一定就去玩具反斗城，其他都搭k16走~~~
搭搭下車既時候，我冇啦啦講起落元朗食糖水，其實我果刻真係除口講下嫁咋=.=
哈哈，佢地之後好認真係道討論呢個問題=.=但明明佢地明明個個叫飽=.=人真係有趣
我當然去食啦，最鐘意就係食糖水，成日都覺得食甜品係唔會飽=3=
但我地係咪好低b呢，haha，食完自助餐仲去食糖水=.=
我帶左佢地去朗屏食炒冰，因為佢地有d話未去過食wor，哈哈，
我同小云share左個芒果腸粉 + 炒冰^^好味好味
食完之後，就走lu~~~
唔知下次再見面會係幾時呢?!....唔係....應該話下次齊人既又係幾時呢?!
希望距離呢個日子唔會好遠啦！
返到屋企都十二點啦，好累呀！沖完涼即Zzzzzz