今日係年初三，即係赤口~~~
其實都咩點分既，所以今日都係要去拜年，
不過我冇同佢地出去呀，因為出到去都唔知做咩，好悶的 =.=
哈，所以今日既電腦係屬於我既hehee

夜晚整左湯丸食^^hehee好味好味

今日係年初二，個個都放假，最岩就係一家去飲茶喇^^
唔知係咪早呢，今日好似唔係好多人，等左一陣就有位lu，真係好喇~~~

飲完之後，就返屋企lu~~~
之後媽咪同呀爹就出去呀婆果道先，而我地就4點半先出喇~~~
不過我要同家姐 細佬分開出，因為得我有一個全月通，佢地搭西鐵冇咁抵
哈哈，不過搭西鐵確實係快過巴士^^
之後等埋佢地就一齊上去喇，上到去成間屋都係人，好熱鬧^^
睇佢地玩左陣啤牌就食飯lu~~~

食完飯之後，個個都係道等開六合彩，哈哈，
終於都開始啦，成三十對眼個個都望個電視，好緊張呀 ^^
哈哈，雖然知道中到既機會好微，不過可以一齊熱鬧下ma^^
不過最搞笑既係，有成廿個no，竟然一個都中唔到=.=

對完之後，就走lu~~~
哈，佢地同埋我一齊搭西鐵走hehee


 

今朝十一點半就起左身lu，真係想訓多陣都難呀 ><
今日係大年初一，當然係要食下年糕啦hehee

不過今年好唔同呀 >< 以前最忙既呢就係初一，
但係今年初一竟然唔駛拜年wor，好唔習慣呀 ><
一d 新年既氣氛都冇曬啦 ><
你既地位真係好重要，好掛住你呀 ><
之後又冇咩野做wor，悶悶悶
咁就諗住搵d野做下啦，話曬都新年，唔係幾想係屋企渡過><

之後諗住同達去睇戲，點知去到果道，多人到.....冇眼睇=.=
咁就落左元朗食野，hea下時間喇，差d唔記得左，今日係年初一，
好多野都冇開 =.= 我諗我真係好耐未試過係初一行街lu~~
我地hea到 6 點就歸家lu~~~~
哈哈，今日雖然冇咩野做過，但都要多謝你同我hea時間既 ^^

返到屋企就食飯喇，今晚要早d訓.......

今朝一早諗住同家姐去唱 k- lunch ，不過發覺好似唔係幾趕得到，所以最後決定去睇戲喇~~~
不過睇之前都要食左野先既，咁我同家姐就去買定飛，細佬同媽咪就去吉野家搵位喇~~~
hehee其實之前都想食吉野家好耐嫁啦，今日終於有機會^^
但係食果陣，諗左好耐，究竟食牛肉飯定雞飯好呢?!因為兩個都好吸引呀 >m<
最後雞飯勝出hehee，但係好似牛肉飯好味d^^哈

食完之後，見仲有時間，咁就過左去惠康行陣先喇~~~
行到四時到就過返去睇戲喇，今次我地係睇《森林反恐隊》
哈，呢套俾我想像中好睇，幾好笑^^
睇完之後行左陣，家姐同超就去食飯喇byebye
咁我地等埋呀爹出黎都食飯lu~~~
我地去左北海道果道食^^hehee又有得食壽司
好彩我地早黎一步，都唔駛等好耐，但到我地入去果陣，成個門口都係人=.=
呢間都幾好味wor，款式好似多dd，哈
食完之後，呀爹同媽咪就行陣街，我同細佬就返屋企喇~~~

返到屋企諗住俾細佬玩陣電腦先，9點半到我玩嫁ma，
點知到9點果陣，家姐打黎問我出唔出黎唱k wor，
我當然冇所謂啦hehee，不過估唔到既係媽咪咁夜都會同我地一齊去wor，哈
早知我玩電腦先啦 >< 橫店細佬都唔去唱k既 =.= 

我地去左元朗greenbox果道唱，由十點唱到三點=.=
果陣陣，有得玩飛標^^hehee應該係每間都有三枝飛標，
每去到一個分數，就有唔同既優惠~~~
超佢有160分，有$50現金卷，不過要下次先用得，不過都唔錯好丫~~~
哈，但係人確實係貪心=.=未玩之前係道諗，如果有一隻雞翼食已經好好，
玩完之後，係道諗，如果有多十分就仲好啦><因為170分有一個人頭免費，仲係可以即時用tim呀 ><

唱完之後，大家都覺得有d d肚餓啦，咁就食左少少野喇~~~
但係好奇怪呀 =.= 明明已經咁夜啦，條街仲係咁多人既?!
搭輕鐵果陣仲勁，我地已經係大棠果道上車，但我都竟然冇位坐 =.=
這就是新年 ?!

返到去，搞下呢樣，搞下果樣，個個排隊沖涼 =.=
都差唔多成四點幾五點啦 >< 呢個時候，呀爹都要起身啦 ><
好彩佢冇話我地姐hehee 

今日係年廿九，除左家姐之外，個個都放假，所以係屋企大掃除，
其實我都冇咩野執，只不過都係抹下屋企果d塵咁啦，
一執就執左三個鐘啦 >< 累
執完之後，就要休息一下，玩陣電腦先^^hehee

夜晚出左去打邊爐^^哈哈，真係好啦，我都好耐冇打過啦 ><
打完邊爐仲有得去元朗行年宵^^happy
咁就約左達 9 點半係 7 仔等喇，不過其實我地兩個都未去過唔知係邊=.=?!
哈哈，好彩去到朗屏果道有d指示牌帶我地去hehee，仲見到壽桃牌姐姐^^哈
去到果到，都幾多人幾熱鬧wor，咁我地就續間續間咁掃喇，
因為今年係豬年，所以有好多野都用左豬黎做主題，
聽聞今年有大大粒珍寶珠，都係因為豬年，所以應該係----珍寶豬先岩^^hehee好有趣呀^^
哈哈，我都買左一枝大大粒珍寶珠呀hehee
雖然粉紅色已經賣曬啦，不過我買果個綠色都唔差hehee 好令呀^^
我地行完之後，都十一點幾啦，係時候又要歸家lu~~~
哈哈，走果陣，都係壽桃牌姐姐帶路hehee