今日終於可以睇bb計劃啦^^
其實好耐好耐好耐好耐好耐好耐之前聽伊雲講，我已經好好好好好好想睇嫁啦><
本應上個星期諗住同kathy睇嫁啦，不過kiki都想睇，不過果日佢唔得閒，所以改左今日去睇喇~~~
哇..................未睇之前已經深深被Matthew吸引住嫁啦，因為佢真係好好好得意呀^^
宜家睇完，已經深深愛上左佢tim啦heehee

今日放左學，因為要等呀二，睇到去屋企已經6點2啦~~~
但約左佢地6點半係兆康等wor=.=即刻換33搞埋d野就出門喇~~~
去到市中心我地就去食撈面喇，哈哈~~~
好耐冇食啦^^都係咁好味^^
食完就去搵kathy再去睇戲喇~~~
不過唔知點解呢=.=??明明計好曬時間嫁=.=
都仲係要咁趕既=.=睇完就返屋企lu~~~
返到去，當然溫costing啦，因為聽日測驗呀><

今日返十一點幾，就約左kathy + katie 十點4係果道等喇~~
點知.....今日遲左出門wor >< 好彩岩岩到天水圍佢地都岩岩到，咁就搭車車返學喇~~~
返到去，唔知講開咩，就同katie 佢地講姜同學，哈哈~~~
其實我真係好留意佢嫁你地唔覺佢個心心嘴好吸引咩hehee
今日eva姐竟然發火wor，好驚呀><估唔到呢個人稱"靚靚MISS"都會發火嫁wor

今日一早起身就睇下d f.a 喇heehee係咪好乖呢^^因為無理由拎左kiki本書又唔睇嫁ma~~
仲要咁大本wor~~唔睇下好似唔係幾對得住自己=.=

睇到點十二點幾，屋企人話想bbq wor，不過都預左冇位><
之後佢地話元朗有個新既燒烤場wor~~~所以最後去左元朗bbq喇~~
我地3點燒到9點=.=勁!!!
不過呢道多人過天水圍好多，估唔到既係夜晚竟然有人等位wor，
話曬呢道係任食，仲唔限時間，咁都有人等=.=
雖然燒左咁耐，但都唔係好飽 >< 哈哈~~~
食完之後，就同佢地話左去食糖水喇~~~
今次去左甜心果道食，唔係去b仔wor，都幾好食^^
好特別呀，有芒果腸粉 同抄冰~~~
大家一定要試下呀~~~真係好好好味呀^^
食完就返屋企lu~~~

PS 好唔開心呀~~
     個電話冇啦啦壞左呀><開唔到個畫面~~
     褢面d野冇曬啦

今日訓到十一點先起身^^heheee
食左身之後就食野喇~~~
食完就溫陣書先，溫到大約三點到~~~
就開住部電腦睇《至雲飯局》喇heehee
睇左陣，又玩左陣電腦，呀爹話想睇《bb計劃》wor><
噢......咁我約左kiki佢地睇嫁ma><
所以我咪諗住同佢地食完飯，自己返去囉~~~
點知，到買飛果陣，呀爹就話都係唔好啦，不如睇《超女. 強戰回歸》好似幾好快咁~~~
其實我知佢想睇bb多d嫁><因為佢鍾意睇成龍~~~
不過，佢又唔想我自己一個返去，而佢地就係道睇戲wor~~
所以先話睇呢套^^爸爸你是最好的heehee

但宜家仲有成個鐘先到睇戲既時候wor~~~
咁我地就去左m記果到坐喇，估唔到同屋企人hea都要去m記~~哈
我試食果個"蕉蕉批"啦^^都幾好味wor~~下次要再食過呀><heehee
當我買果陣，發生左d小插曲=.=話說我買果陣既對話如下=.=
我：唔該三個星星批丫
佢：哦   (當時佢已經想禁部機)
我：丫....唔係呀，應該係蕉蕉薯餅至岩呀!!
佢：蕉蕉薯餅??
我：(諗左陣)又好似唔係wor，我想要.......
佢：(好友善咁) 蕉蕉批呢??
我：heehee係呀係呀~~~

食完就去睇喇~~時間岩岩好^^
套戲雖然冇咩內文，不過都幾好笑~~~
睇完之後，我地就行返去喇~~~
行左5分鐘到，電話響wor，冇來電既??
一聽，原來係呀彪~~~~
哈哈~~佢都真係幾識時間打黎^^
heehee真係好好彩呀，如果佢早五分鐘打俾我，
我都唔知聽唔聽好><因為一來睇緊戲，唔方便講電話
二來佢呢個係長途電話，同佢講我睇緊戲唔得閒又好似sin緊佢d $$咁~~

返到去，就睇《女王的教室》喇^^
不過睇唔到開頭少少呀><

各位中秋節快樂呀^^heehee
雖然今日係中秋節，不過都係冇得放早>< 仲要返早tim呀><
今朝等車果陣，見到個傻佬wor=.=佢不斷笑住同自己講"冇人走得出我既手指x既"
果d 服務台既人都冇理只係望住佢，因為佢又冇傷人又冇阻人，都唔可以話佢，咁佢就同我一齊上車喇~~
之後每到一個站林刪門既時候，佢都會指住叫d跑緊準備趕上車既人唔同上車，仲會幫手刪埋對門tim>< 真係搞笑

到南昌轉巴士果陣，見到POLLY wor，咁就一齊返學喇~~~
講下講下，佢話今日lunch想同我地一齊食wor~~~
好呀~~多d人熱鬧d ma~~
咁lunch就有我啦 + 伊云 + kathy + kaite + rati + 呀飛 仲有polly同小林
我地去左polly介紹果間手攪面食喇，都ok好味wor，下次可以再試下^^

食完之後，就上eng喇~~~
今日英文要每人出去介紹一位同學><
哇............平時上英文堂已經快嫁啦，今日仲快過平時好多wor~~
可能今日出去講野啦，加上又同kenndy + nick係樣玩~~
Good~~咁就快學喇~~~

放學同kiki係南昌等埋達一齊搭車返去喇~~
返到去，換埋33，搞埋d野，又出返市中心食pizza喇~~
哇......果道裝修左感覺上好似靚左大左好多咁^^

食完之後，都係8點咋 >< 佢地話返去啦wor，但我又唔想返去wor~~
因為約左kiki佢地9點出去玩ma~~~
最後我叫左達落黎陪我heehee^^thx
咁我地行左陣，就過左去屯門公園睇下有冇燈謎猜喇~~~
點知.....都冇既=.=只係得d小朋友係道玩咋><
之後達同我講，元宵佳節先有，中秋節係冇嫁wor~~
係既咩，我真係記得有嫁 ><
到搭十果陣，我地就過去西鐵搵bosco搭車去兆康喇~~~
去到等埋kiki + helen 就去玩喇~~~
我地行行下見到有攤位遊戲wor，咁咪過去睇下有咩玩啦~~~
heehee之後俾我發現原來係道猜緊燈謎，呵呵^^我都話有嫁啦^^
不過好難呀，都差唔到既><玩玩下，sarah同呀超都黎左，好耐冇見啦sarah^^
之後覺得兆康冇野玩，咁我地就行返過去市中心，睇下有咩玩喇~~~
我地好低能呀><hehee係道玩5人6足咁過去，哈，不過都係唔成功既^^heeehe
差唔多行到市中心，yuto就join埋我地喇~~~~
我地去到屯門公園果道果個大水池，一路玩火，一路睇人玩果d遙控船^^
果道d遙控船好靚嫁><有燈仲識嘖水tim嫁，真係好想想下呀^^
kiki帶左d燈籠俾我地，我果個係pink嫁，好靚好靚呀^^
到1145啦，新聞話呢個時間係9年黎最大最圓嫁wor~~
雖然我覺得同平時差唔多><不過中秋節當然要賞月嫁啦^^heehee
睇完就玩７級豬喇~~~竟然....竟然係我衰左wor~~~
噢...............要接受懲罰呀><
個懲罰就係要搵個人問：尋日係迎月，而聽日就係追月，咁今日係咩月呢？？
之後我就搵左2個年約11/12歲既小妹妹喇~~~哈哈~~
      佢地答我：係咪正月呀??
之後我就答佢：m....正月呀??都岩既
係呢個時候，達就彈左出黎話：正確答案係賞月
真係丫，人地小妹妹咁好心答我問題，當然要話佢岩嫁啦~~做咩要話佢地錯wor~~
哈哈~~問完佢地之後，我同左果2個小妹好話返句：中秋節快樂^^哈哈~~佢地都有同我講返呀^^hehee
玩到差唔多一點lu，本來佢地林住食糖水，不過我同helen諗住走lu~~
最後大家都一齊走喇~~~

PS 今日好開心呀!!!可以同到大家出黎玩^^
     大家都好有我心，知道我唔可以玩得太夜，
     所以大家都就我，諗住黎兆康玩，不過可惜係兆康都冇咩野好玩><
     不過點都好啦，好多謝你地咁為我着想，我好感動呀