好開心丫！堆沙比賽拎左五連冠！
仲要一拎拎三個獎！分別係：啦啦隊大獎；堆沙比賽冠軍同埋全場總冠軍！
好啦．．．而家先由１１點開始講起．．．
－－－
焦早１０點幾，要早ｄ返學校練ｐｒｅｓｅｎｔａｔｉｏｎ，老師話我讀得幾ｏｋ既．．．
之後係度等啦，原來係有好多人去架．．．
上晝班既都有好多．．．我地個班既．．．咪係啦啦隊既６ｅ１８丫，堆沙既６ｅ１０丫，６ｄ既張景浬丫，許景俊丫，廖泓豪個ｄ囉．．．
下晝班既就係６ｅ（下午校的！！）既比較多小小啦∼
之後，我地上車ｌｕ∼
居然同ｄ．．．坐＝＝麻甩佬丫ｘｐ！！
坐坐下，無啦啦見到墳場－－－柴灣墳場！
我地唔係去搵丫霍老先生丫嘛．．．
好彩．．．經過啫．．．不過我前面個ｄ下晝班就嚇到係度雙手合十．．．驚死會搵佢咁．．．呵呵∼
ｄａ ｄａ ｄａ∼話咁快又到啦！石澳∼∼∼∼我係第一次黎架！
到左個度，悶到抽筋！之後係度睇啦啦隊係度練習．．．
過左一陣，我同勞嘉欣見到四位堆沙既「裸男」走過！放心，係佢地除左件體育衫啫（注意：係衫！！），哇！真係嚇親我地！
唉．．．過左個ｄ好悶既開幕禮之後．．．就開始左我地既堆沙比賽啦！２個鐘丫．．．幾漫長＝＝
睇住佢地去堆沙∼望左一陣，先發覺堆既都係ｄ家長，個ｄ「裸男」就去拎水．．．
睇下睇下，個ｄ「裸男」終於去堆啦！但係我地危到個勁搞笑既場面！笑到我同之型姐肚痛！就係古柳權同張景浬既挖沙動作係極之一致架！我地好懷疑係唔係夾埋既．．．真係丫＠＠一起挖．．．係好一致！笑到我丫∼而家諗起都好笑！
開始有Ｄ悶啦．．．校長帶我地去食野．．．我點雲吞麪丫ｘｐ∼其實都幾好味∼（唔係哂命）
食完就返去ｌｕ∼只見ｄ「裸男」係度玩攤位遊戲（好低ｂ．．．）
其中一位（６ｅ１０）係度玩個ｄ咩呢．．．（唔識講）即係掂左條繩之後跌左野個ｄ囉．．．
我同埋另外個三位靚女係度睇．．．原來佢玩左好多次都唔掂．．．所以佢又玩．．．結果．．．當然又係唔得啦．．．
佢玩左ｎ次之後，終於ｏｋ啦＝＝真係吹脹＠＠
唔明點解唔使堆囉．．．只係拎左十幾筒水同埋堆左幾野，之後就比左下晝班既６ｅ女仔做．．．冇ｄ責任感＼．／
話咁快，２個鐘完ｌｕ∼
係度等結果∼好開心丫！拎左３個大獎∼啦啦隊大獎，堆沙比賽冠軍同埋全場總冠軍！
不過最受歡迎既獎比聖馬可小學拎左！
聖馬可既名叫「父母掌上的小寶貝」（類似啦．．．）都ｏｋ既．．．不過都係覺得我地既作品靚ｄ∼呵呵∼
當頒哂獎之後，我地係度狂影相．．．
而ｄ堆沙隊既人同埋啦啦隊既人去哂踩其他學校既作品．．．笑死！我都有去踩∼（真係黑心．．．呵呵∼）
不過，又幾好踩喎∼之後，勞嘉欣同我講，如果比個ｄ學校既人見到，真係激死！！不過，當然係等個ｄ參賽者走先踩啦！
唔通係佢面前咩．．．
之後，我地拎左聖馬可堆既沙旁邊既沙球黎玩∼又幾好玩喎．．．之後比施老師話，就唔攪ｌｕ∼
哇∼真係影左好好好多相丫∼校長有排整ｌｕ．．．ｘｐ
今日ｏｋ啦∼不過真係好攰！
聽日係集誦預演！我地成日穿體育衫既之型姐去穿裙啦！好期待∼ＸＤＤ
嘿嘿．．．聽日要打人啦！七拳丫．．．嘿嘿．．．
