今日好火呀

我同徐雪塋(徐仔)仲有鄧螢潞(呀潞)一齊去圖書館做功課，

咁呀校長都話明圖書館比做功課架嘛，

但係琴日個殷老師話唔比做，

佢話：圖書館唔係比你地做功課既，

要做就去自修室做！

（大佬，圖書館咪即係自修室，

唔去圖書館，咁要去邊呀？）

出左去之後，ｄ人個個都係度講呀殷老師壞話，

因為佢地覺得殷老師講既係歪理

到左今日，

我地３個冇理到個殷老師講過ｄ咩

就落左圖書館做啦喎，

咁我地見到果度都好似平時咁都係禁多人係度做功課

我地咪搵左一張台去做囉

點知做做下，

個熊老師走左過黎，

話：你地做咩係度做功課呀？

全部擦哂佢∼

徐雪塋：下，校長話圖書館比做功課架喎．．．

熊老師：但係殷老師話呢度係唔比做既∼

全部同我上番去∼

我地就走左啦∼

唉，估唔到熊老師會信埋哂殷老講既歪理．．．

到左６點幾

我就去圖書館還番果５本過左期既書．．．

竟然要比７．５蚊∼

唉∼∼！