11個月零11日,個夢終於要發完.
每個人都希望有無甜甜o既美夢,但係往往就係唔會實現
多謝你,比左11個月o既愛我,我亦都無後悔.
朋友啊.我好希望有你地陪住我..等我可以淡忘佢..
我已經無力再比到佢d乜野..我只係一個岩岩踏入高中o既女仔.
我做到o既事真係微不足道,甚至少之又少.
朋友 你地話比我聽 你地好憎佢 成日霸住我.
我真係無唸過.原來係佢眼中 係你地霸住我.
往往世事就好難預測.你永遠唔會知佢唸乜.佢都唔會知你唸乜
或者我始終唔適合做佢o既女朋友.又或者係我每樣野都睇得太美好.
我甚至可能無做過d乜野,連同佢之間o既幸褔都無爭取過,但係我估唔到真係好中意佢 我竟然第一次向父母爭取機會同佢去街.
爭取o既野往往比 安安佢黎得多.
我覺得對唔住安安 因為我決定再一次 收埋所有野 變番成一個自我修復o既人
好痛..真係好痛..個心不斷糾纏住..我唔想 真係好唔想..我唔捨得 我真係好唔捨得!!
上個星期六佢跪左向度...話要我同佢一生一世.
我真係好開心真係好開心..我本來就係以結婚為前題.去拍拖.
我仲係保持住童話式思想o既人..我想有白馬王子..我想有人知道我內心世界..
我想比人當做公主 野蠻禁一世 比人呵 比人護..
但係我唔係..我唔係啊!我唔會比人呵護,亦都未試過可以任任性性,
拍拖 係兩個人o既責任..但係一旦一方付出得唔夠多 個天秤就會唔平衡.發生誤會 發生爭執
可能係我蠢 竟然搵個大成十年o既人去拍拖.代溝太多.
但係無計啦 中意左 就唔會放.
我聽過家姐講 話佢個fd 日日都想見佢女友 但係佢女友好中意蒲.佢都無怨言.
陪得幾多得幾多.從來無介意過佢任何野.只係覺得 只要佢女友肯同佢一齊 肯比佢陪就足夠了
或者你唸o既唔同.又或者 你未至於愛到我禁深呢?
我絕望了..我解釋o既所有野 都唔足以成為理由..
佢永遠都唔會知 我為左維持呢段關係 我同父母嘈過幾多次
我為左呢段關係 我甚至認真禁 囉起我最唔中意o既書 黎讀
往往同fd o既開心事, 想同佢分享,但係佢總會覺得 我同fd o既時間 多過 同佢o既時間
往往佢就講佢同佢d fd o既開心事我聽.但係得佢講 永遠無我講...因為一講完 佢就會囉我d fd同佢自己比較
好辛苦啊 你有無明過我呢d青春期o既人啊?
我想乜都試.中意去玩.我唔似你啊!我唔係成熟o既大人啊!
次次你都講到禁委屈.好似逼我去改.逼我唔好同d fd一齊.你如果係愛我 做咩要我困住向個籠度?
點解我接受你夜晚去蒲 你又接受唔到我日光日白去玩?
你話你夜晚蒲都會聽我電話.我知啊.禁又點?
我都唔想阻住你玩 我盡量唔打比你 禁都有錯?
你話我有fd就無你.但係唔係啊!
我會為左你掉底左d fd, 佢地成日怨我點解唔陪佢地多d.
我都係夾向中間za!點解要永遠 好似有fd就唔可以有你?
點解要分黎分去?
我唔係餅啊 點解要分多分少?
我只係想開開心心一齊..點解要唸禁多野?點解要唸禁多野啊!!??!?!
我已經變左好多 改左好多 我比啊爸鬧成個老人精..
同你一齊 我已經無左份天真 無左份童真
我改我改
改完又改.變.變完又變
我已經累啦..點解就唔可以錫多我少少..我靜係要小小禁多..你都比唔到我啊..
你叫我唔好成日睇一粒字 就小事化大 我改左
你冷淡 我就唔冷靜 因為會驚 會唔開心 會痛 你又叫我點樣唔將大事化小?
或者我需要o既係朋友..唔係情人.
今次我唔會再求你比多次機會我.
我唔想連最後一份專嚴都無埋..
我已經累到...行唔郁
|