2008 年 6 月 18 日  星期三  

SHOPPING 日..滿載而歸..Happy!!

刊登時間︰2008-06-19 06:59 PM  [ 訪客留言(0) ] [ 編輯日誌 ] [ 分享至FACEBOOK ]  

2008 年 6 月 17 日  星期二  

婆婆今日做手術..我`媽咪`表哥`表嫂一直在醫院守候..回家時..累透了..

刊登時間︰2008-06-19 06:34 PM  [ 訪客留言(0) ] [ 編輯日誌 ] [ 分享至FACEBOOK ]  

2008 年 6 月 16 日  星期一  

今日九點起身..番學校..MR LEE 約左我..xdxd..入到學校肥書記講緊電話..咁我咪企係電腦堂門口睇下 MR LEE係咪入面囉..個個肥書記即刻喝住我..洗唔洗咁大聲牙..驚屎我睇你d野咩..之後佢傾完電話..入電腦室整d野就俾我入去拉..冷氣都唔開俾我..等左5分鐘左右..我行去問肥書記..可唔可以幫我通知MR LEE..個個咁ga肥書記話:(你都有佢電話拉..洗咩我打..我又唔知你黎仲咩)..真係串..我尊重你d個書記先叫你通傳..唔係請你番黎仲咩..你咁巴閉我自己打俾MR LEE..係我打緊ga時候.. MR LEE就出現..入到黎即刻閂門..xdxd..肥書記你永遠都唔會知道我地係入面做咩..搞到12點幾就可以走拉..牙華係油麻地等我..1齊去尖沙咀麻布茶房LUNCH..可能係清遠餓左2日..食咩都好好食..加上有個特別的 ice-cream..回味無窮..then 行左陣就回家拉..換件衫到 KF join Family DINNER..補祝父親節..

Happy Father’s Day

刊登時間︰2008-06-19 06:28 PM  [ 訪客留言(0) ] [ 編輯日誌 ] [ 分享至FACEBOOK ]  

2008 年 6 月 15 日  星期日  

兩日一夜唔係好長時間..但係感觸良多..不但識左大班同學..係過程中學識好多野..見識不少..讀萬卷書不如行萬里路..這句話好岩..

 我的第一次 

 到大陸考試 

同朋友離開香港

同 MR LEE 傾計  

 坐電單車  

 用中文考會計

 去媽咪鄉下

準考証印錯身分證號碼

宵夜的酒樓

房間整卡

(day2)的考場

大合影

仲想睇..去我相簿拉~~~

希望考試合格!!!

刊登時間︰2008-06-18 09:04 PM  [ 訪客留言(0) ] [ 編輯日誌 ] [ 分享至FACEBOOK ]  

2008 年 6 月 14 日  星期六  

清遠考試團今日出發..心情複雜..既開心又擔心..7點幾出門口..同 Yuki`Wing`牙華一齊去麥當當買早餐上車食..8點半開車..一個鐘左右我地就到黃崗..辦理好手續..等導遊來接我地..十分鐘之後上車..3個小時後..便到達清遠..天氣不錯..冇落雨..then 去酒樓食 LUNCH ..食物質素勁差..我吐出來的比我食落肚還要多..then 坐車去居住地方..我諗冇人估到我地住邊..因為包括當事人也想唔到..xdxd..我地住係清遠市公安局招待所..我地係政治人員定係香港來既((通緝犯))???放低行李就要去考試場地(計算機學會)..啊sir 唔知咩原因..安排李偉基坐我隔離..佢真係好滑稽..佢倒瀉葡萄適..仲要滑倒MR LEE..俾佢笑屎..經過一小時練習就考試..我地廿幾人入面得2個人可以一take過..其中一個人係我..xdxd..真係意想不到..考完行出課室..老師們讚我叻女..xdxd..個一刻真係好開心..不過佢地 !! Then 去食飯..又係食d垃圾..真係好難食..then返回考試場地..本來我可以陪佢地一齊考..不過龔sir 叫我出番去..係門口等左佢地個幾鐘..好多蚊牙個到..咬到我隻手指紅哂..一個鐘之後..同學們出黎拉..yuki又差幾分..要考多次..其他人包括我..就番招待所休息下..then 搭電單車去考場接 yuki..這是我人生第一次坐電單車..xdxd..都幾舒服..不過要食塵 lo..xdxd..then 搭BUS出去第二個地方行下..點知咩都閂哂門..我地只可以飲茶..我地5個人都食左唔小野..無計拉..餓左一整天..then 回招待所BATH & STUDY..2點大家就訓拉..其實我好似冇訓個..因為蚊大哥咬我..6點半起身刷牙`整卡俾MR LEE..換衫出發..進行DAY 2 行程..又係去個間酒樓食..D野食勁差..不過可 能同 老師們一台..唔中2食都要吞..xdxd..食到咁上下..我地送左父親節卡俾2位老師..佢地當然好 sweet 拉..xdxd..then EXAM..全份卷填滿..but 唔知岩唔岩..希望 pass 拉..fail都唔知點算..then 又係去個間酒樓..準備 lunch..入到酒樓..竟然停電..伸手不見五指..好多女生大叫..我地一心可以轉酒樓..點知佢又有番電..很可惜..食飽飽..上車去考試場地..全班同學在車上作最後衝刺..一派卷勁填答案..由於考場冇冷氣..一路做一路出汗..後段時間仲要有太陽哂入黎..熱到好似中暑..真係好辛苦..大陸d學生平時點忍..香港學生你地好幸福..xdxd..考完哂試..黎張大合影就上旅遊巴士回港..上到車..MR LEE派食物飲品慰勞我地..,咁好ga老師係邊到搵..搭左一個鐘車..我就想去廁所..but 距離黃崗仲有2個鐘..唯有忍..後來司機去油站入油..順便俾大家去廁所..得我一個話急..但係衝落車最快並唔係我 lo..xdxd..到左黃崗..同yuki`牙華`MR LEE一齊搭巴士去太子..車上同MR LEE係咁傾計..好滿足..xdxd..then 我地去食飯 MR LEE番學校..

刊登時間︰2008-06-18 08:32 PM  [ 訪客留言(0) ] [ 編輯日誌 ] [ 分享至FACEBOOK ]