祝大家情人節快樂！！！

今朝八點幾起身，

之後沖涼換靚衫，查指甲油扮靚靚先出門，

搭車去市中心圖書館等雅妍一齊上柏麗，

第一節上旅遊景點，miss就教書同講要做的報告，

今日d人都話我著得好靚，個個都互問今晚同情人點過。

上完lee堂就食飯，我，靜儿，雅妍就去燉奶佬食麵，食完就去買朱古力放學俾情人，

第二節上優質服務，好悶lee科。聽miss教書等放學，放左學就個個都打俾情人，

晚上，我的情人買花送給我，心情特別開心。而我就送心形朱古力俾他，他都甜到入心。

之後他帶我去食飯，食完就逛街。今年的情人節好開心，希望每年的情人節都係開心地渡過！！！

 方皓玟 - 如果想我哭


不想乞你憎
睜開眼等天光四處陰沈
來營造氣氛高聲炮轟　
下決心等你任意的嗦擺

你就似猶大
祈求罪人的心態如十誡
明明很憎你　常和她一起
心痛也不想讓你走

＊如果想我哭
新歡請你給我一一的預告
愛我你沒愛都一句沒有難度
誰都不曾留住你　別太清高(別太過清高)

離開請你早
傷心一輩子來問你怎彌補
簡單的快樂都不歸於我
能令我明白到誰是錯蠢人是我＊

始終不了解　
粉身碎骨多慘痛我都捱
仍然願意等奮不顧身
我至少分到被愛的一塊

你就似猶大
人云亦云揀一個隨便去擁戴
同情心不夠　才無中生有　
心痛也不想讓你走

REPEAT＊

又再跟光陰競賽　談情當中總有愛
誠實待人怎麼有害　誰也可不愛

REPEAT(＊)

來日再懷念你難道我其實怯懦

 今朝七點幾起身，

之後同他一齊食早餐，食完就搭van仔係黃大仙落車再轉巴土去金鐘，

去到金鐘先九點，找巴土去海洋公園，係度買左票先上車，未到十點已經到，

因為果邊十點先入場，首先我們去左睇海豚，影他們相，超可愛。

睇完玩機動遊戲，最刺激的係越礦飛車和滑浪飛船，超可怕。

睇其他野，例如水母、海獅，鯊魚，唔記得哂好多。坐吊車宜家又要影相留念，

去到山下又得睇返d相，如果要買要俾百幾蚊，所以冇買到。到了下午，係果度食飯，

食完再逛，玩其他野和睇下d精品等，他同我影左好多相，今日我好開心。

他話只要我開心就得，全場他俾錢，多謝老公仔對我咁好。到了下午四點幾，

就搭返車到金鐘落車，再轉車返屯門，他送埋我先搭車返屋企。lee日我會銘記於心，

唔會忘記！！！

 今朝七點幾起身，

之後做埋家務換校服等媽媽搞店曬野先出門，

同阿媽行去兆康搭751輕鐵到天逸再轉706輕鐵到天悅落車，

因為新校換左係天水圍，我們2月26日先果度上堂，所以

今次去適應下果邊見家長，好慘我們課室係六樓，到我見家長的時，

miss鄺話我其他科合格，得數學唔合格，見完我阿媽，阿媽就走，我

要和雅妍留係度幫miss派問卷和時間表等，到了下午，miss鄺幫我們訂左飯，

唔洗我們出錢，多謝miss。拿完飯就搭升降機入課室食，一邊食一邊傾計，

食完就開始有家長見miss，所以又要幫手，到三點幾，miss話冇野幫所以叫我們走。

我就搭輕鐵到天水圍再轉西鐵到兆康，途中見到楊泳亮和阿冰等車，傾一，兩句我就走！！！

 今朝九點幾起身，

之後做哂家務先食早餐，

食完就上網睇野和玩勁舞online game，

玩到十一點幾先溫書，溫到咁上下就煮野食，

等睇甜孫爺爺，睇完就溫溫下書就訓著覺！！！

明天開始考試，要俾心機。捱多三日！！！

 今朝六點幾起身，

之後食早餐換衫就出門，

行去兆康等雅妍搭輕鐵，

返到去溫陣書，第一，二節中文，miss周

就叫各個組長猜邊個講先，我們果組第二講，

講得唔錯，miss周我們各個組員7.5分，好開心。

第三，四節英文，miss鄺寫生字俾我們溫星期三要考listening，

幫我們溫書。放學交埋閱讀小冊子先走。之後和雅妍搭輕鐵去市中心銀龍食飯，

食完就逛陣街先柏麗溫旅遊景點，要test，到了時間先入課室跟學號坐。

今日第二個miss同我們監考。測完希望合格。

明天唔洗返學，不過星期三考listening和普通話！！！

 今朝九點幾起身，之後沖涼換衫就出門，

搭van仔去吉之島幫媽媽申請J-cards，

搞完就去左圖書館門口等雅妍，

等完上柏麗上堂，

第一節旅遊景點，miss教書，準備同我們溫書。

上完lee節做評估，做完先和她去燉奶佬食飯，

食完就上第二節酒店，

miss又同我們溫書，因為就快要測驗，

教完就做埋評估先放學！！！

 今朝十點幾起身，

之後做哂家務先落街買菜打邊爐。

一邊食，一邊睇冰之驕子pride，

挺好睇。睇完就玩勁舞團online game，

第一次玩online game都已經識玩，升級！

玩完一陣自己就學織十字秀福袋，好有耐性先織到。

宜家我學緊，好容易！！！

 今朝九點幾起身，

之後打俾老公仔，佢就叫我去街，

我咪話好，因為我有野買，所以就做晒家務先，

佢去左黃大仙求平安符俾我，之後就搭車來我家，

到了十一點十五分，就睇向左走，向右走，超正。

睇緊果時佢就來左我家，等我睇埋電視先出門，

搭車去市中心椰林閣食野，食完就陪我買返學鞋和袋，

好開心佢俾錢。之後就逛其他野先返家，佢今晚係我家打完邊爐先走。

 今朝十一點起身，

之後做家務和煮飯食，等老豆返來先食，

一邊睇向左走，向右走，一邊做家務，

等老豆返來就食飯，食完就洗碗。洗完就搭車出去買六合彩，

再係新墟買食送，果時遇到芷鈞，同她傾左一陣就走！！！

 祝大家聖誕快樂！！！

 今日係平安夜，

早上九點幾起身，

之後做哂家務和煮野食俾弟弟，

等老公仔打電話出去逛街，逛左成晚先返屋企，

好開心。

 今朝十點幾起身，之後食早餐才做家務，

老豆今天放假，所以搞到我無得睇向左走，向右走。

他要播碟睇，麻煩。超悶。咪開電腦同老公仔玩MSN，黑白棋等。

到了下午就煲藍色生死戀第二集睇，超正。睇完就休息下先！！！

今朝八點起身，之後食早餐換衫就出門，

行去兆康等雅妍，今日早左出門，所以等佢半粒鐘先搭輕鐵返學，

返到課室等miss鄺點名才出操場睇表演，好曬和好悶。搞到我們

班d人走哂，得幾個人係度睇。完了表演後，就搬凳返課室聯歡，

今次miss請我們食，唔洗我們夾錢，多謝miss。食完野就玩遊戲，

玩踩氣球，玩完後就抽獎 ，每人都有一份禮物，我抽到果個係暖包，

超開心。完左聯歡後，我負責掃地，d人好無冇公德心，有人抹桌子，有人

排返桌子和凳。

明天開始放聖誕假，好開心！！！

今朝六點幾起身，之後食早餐才換校服。

行去兆康等雅妍搭輕鐵一齊返學。

早會好無聊就返課室溫英文Reading＆Writing，

第一節英文，miss鄺幫我們溫書，溫完就開始測驗，

測到第三節冇左小息，超慘。第四節普通話，miss梁知道我們冇小息，所以俾我們去廁所，

去完就教書。第五，六節數學，阿sir俾練習我們做，超悶。第七，八節電腦，

呂sir去左新校舍開會，所以又係上次果個阿sir代課，我們去左電腦室上課，

阿sir教execl俾我們係電腦做練習。放學果陣我們班就傾聽日聯歡d野，

傾完又要搬凳出操場睇聽日既才藝表演。

明天返九點半睇表演和聯歡！！！

今朝十點幾起身，

之後就做家務才開電腦做每日一篇，

到了十一點幾睇心花放大結局，勁好睇。

睇完就約左雅妍係市中心記等，等完佢去左新墟不吃不可食車仔麵，

食完逛陣街先返柏麗上酒店、餐飲及旅遊，阿sir講打後的測驗範圍俾我們及講左兩課書。

跟住仲有一組未匯報酒店的內容今日講埋。到了四點半放學！！！

明天英文仲要測Reading/Writing！！！

今朝六點幾起身，

天氣十分凍，之後食早餐換體育衫就出門，

行去兆康等雅妍一齊搭輕鐵返學，返到去

就做中文功課，微微雨都要出去做早會，

早會完就返課室做早讀。第一，二節人際，

分組玩活動，都算挺好玩。第三節電腦，

呂sir去左新校舍做其他野，所以有個阿sir代，

去電腦室教execl，冇咩人聽他講書，自己上網聽歌和玩msn等。

第四節中文，miss周就派上次果份卷俾我們對。第五，六節體育，打籃球。

lunch的時候，同雅妍，靜儿係課室食飯，食完就出去操場睇我們班對5A班打籃球比賽，

我們班輸左，好慘。第七，八節英文，我們改為做社會服務，要自己搭車去丰年路集合，

有d人就搭輕鐵，有d人就搭的士去。去到盲人老人院，果度負責人就叫哂d老人家出來走廊坐，

見到d老人家好慘，跟住我們同他們玩遊戲，唱獅子山下俾公公，婆婆聽，和他們傾計，派禮物送俾他們，

到了四點幾，影全體相就解散！！！

今朝八點五十分先起身，

之後就上網做每日一篇，做完換衫就出門，

行去市中心麵包店買麵包食，係圖書館出面一邊食一邊等雅妍

等完佢之後就上去柏麗校務處交回條，交完就係柏麗地下集合，

見到幾個人已經係旅遊巴等，之後就上車等埋其他人，

等到十點幾先開車出發，又係上次果個導遊帶，超悶。

去到淺水灣就係千處門果度，導遊講解之後俾時間我們逛。

我，雅妍和靜儿就去排隊摸財神全身，當時落好大雨，有d人冇帶傘又要遮埋他們，

搞到自己都濕曬，好慘。逛完就行果條橋，希望自己可以生存耐d。

我們睇完咁多野就上旅遊巴去赤柱，落左車就影全體相，影完就解散，

我，雅妍和靜儿就行去天后古廟睇老虎皮，睇完就去赤柱大街睇野，

睇完就返去赤柱廣場食m記，食果陣時都很趕，所以薯條就打包上車食。

返到柏麗又要上埋酒店，餐飲及旅遊，超慘。上到四點半先放學！！！

今朝九點幾起身，今日唔洗返學！

之後發現冇食水，搞到我要用飲水的水來擦牙洗臉，超煩。

放衫落洗衣機洗有冇水，咪關總制。煮野食都是用飲水果d。

到三點幾先有返水，超慘，搞到我做唔到家務。玩電腦做人際報告交俾

miss Ho！！！

今朝六點幾起身，

之後食早餐換衫就出門，

行去兆康搭車等雅妍，返到課室拼命溫英文，

今日落雨冇出去早會，挺好。第一節英文，miss鄺就講關於下星期五我們去盲人安老院搞咩活動，

第二節英文，miss幫我們溫書，第三節先測驗，希望合格喇！第四節普通話，考口試，好緊張。

第五，六節數學，超悶，最討厭的科目。第七，八節電腦，去電腦室，阿sir教execl，要我們

打timetable！！！

今朝六點幾起身，

之後食早餐換校服就出門，行去兆康等雅妍搭輕鐵，

返到去miss鄺貼左張掉位紙係黑板，我和靜儿坐，前面係雅妍，

後面係熊仔和呀jack，挺好玩。第一，二節英文，溫星期四測驗的野和教書，

第三節普通話，本身要考口試，不過第四節普通話有嶺南的人來睇堂，所以miss就教書。

第五，六節中文，miss同我們傾計冇教書，因為我們七，八節要去睇新校舍，太興奮！！！

拍錯拖 混亂在　你的身在她　心卻在我平時就算親吻得懶惰　 起碼分到一半屬於我能原諒她總算是美麗所以又入圍　 奇在我甘心等她失勢誰和你拍拖很可畏　 能與你安穩不失一門造詣給聽見也覺得失禮　 不捨棄我只是你的問題＊誰也以為我不會拍錯拖　 不知我就算知錯也未求助　畢竟因你相信愛的我 　決定盲目捏著你穿梭　為任性苦因好勝痛的我 　只想有日有可能等到你肯改過　如未悔過　 至少隔夜陪伴我（如未答應　至少每夜想起我） ＊期望她雖相貌美麗不過攻心計　來做瞬間傷你的新貴為何仍要啞忍一切 　迷上你不懂得分醜陋美麗一早懶理我的身世　不捨棄我只是你的問題

今朝六點幾起身，天氣十分凍。

之後食早餐換校服就出門，行去兆康等雅妍搭輕鐵，

第一，二節英文，講gerunds果d和做練習，

第三節英文，miss鄺就同我們對答案。第四節普通話，考口試，考到十二咋，未到我。

第五，六節數學，好鬼悶。計埋d無聊數，搞到我想訓添。

第七，八節電腦，測倉頡碼，又得open book，有好多都冇係本書，超難，

希望合格喇！！！

要今朝九點幾起身，

之後沖涼洗頭，再開電腦做每日一篇，一邊食野，一邊找資料做報告，

到了十點半先搭van仔去市中心圖書館等雅妍，等完她就去柏麗上第一節，

香港旅遊景點，教書。lee個阿sir講書好笑，上到一點十五分就放食lunch，

我和雅妍就去仙桃食，超好味。第二節酒店，餐飲及旅遊，阿sir將d凳排好，

叫我們跟學號坐，派上次的測驗卷俾我們計返分數。之後就分組坐，做酒店報告要傾做d咩。

傾完就教書！！！

今朝十點幾起身，

之後食早餐再做家務，

做完等睇冰之驕子pride，好睇。

到了下午一點，搭車去圖書館借書，

睇完書就逛下商場！！！

今朝九點幾起身，

之後做家務再食左兩塊餅乾，就等十一點十五分睇升空高飛，

勁好睇。睇完就沖涼換衫出街，行去兆康等雅妍一齊搭505輕鐵去建生。

去到先差唔多兩點幾度，之後就和雅妍周圍逛建生商場再去找餐廳食野，

點知我們去左桃源島果度食米線，果度有鞦遷搖，好玩。

食完野就去左ok便利店買野飲，飲緊野果陣就打俾熊仔叫他落來接我們，

上到他屋企之後我和雅妍就諗下點做英文作文，好衰熊仔故意入我們組唔做野，剩係

係度打機和上網幫我們查字典，又唔幫手諗。到了簡進宇來果時，都是係度打機，火爆！！！

今朝六點幾起身，

之後食早餐換校服就出門，行去兆康等雅妍搭輕鐵返學，

早會好無聊就返課室做早讀。第一，二節人際，miss叫我們分返上次的組，因為有嶺南老師來睇堂，

一行一行咁坐，我坐頭一個，而靜兒坐最尾果位。我就要形容幅畫的疑犯係點，

後面果個要帶耳機，逐個逐個轉的訊息俾最尾果個畫返幅畫出來。勁好玩。玩完

就要匯報之前700-1000的講稿，下星期二先到我，好驚。第三節電腦，阿sir叫我們

做倉頡碼練習，下星期測驗，不過有得open book。第四節中文，做病句練習。

第五，六節體育，考掌上壓，我合格。第七，八節英文，聽listening。

今朝九點幾起身，

之後食早餐玩陣電腦再換衫出門，

搭小巴去市中心柏麗雅妍等緊我，

第一節上旅遊景點，阿sir講書好好笑。

食lunch的時候，就和雅妍去左桃源食飯，

食完就返去柏麗廣場最底果層集合，阿sir點完名先上旅遊巴，

上左旅遊巴果導遊係度講機場的歷史和指點地方俾我們認識。

到了機場門口就影全體相，導遊一邊介紹機場裡面的設施，我們一邊行，

叫我們影相做專題報告。講完一大堆話就俾小息我們周圍行，行到五點幾就集合上車返柏麗先解散我們。

返到屋企成七點鐘！！！

Happy Birthday to me!!!

今日唔洗返學，訓到十點幾起身，

之後就玩電腦做每日一篇，做完開MSN和ICQ，

點知好多人同我講生日快樂，十分開心。

今日BF有野做，所以陪唔到我慶祝生日。

我唔會怪他，不過他上次送左一份生日禮物，就是好貴的水晶球俾我。

到了十一點幾睇心花放，好睇。睇完就煮野食和做家務。

整完野就係電腦睇深情密碼，睇到第二集。

夜晚爸爸下廚煮我喜歡食的食送，媽媽買左蛋糕俾我，

而弟弟就買禮物俾我，好開心。

食完晚飯就睇東方之珠，睇完先慶祝生日。

多謝屋企人和朋友為我慶祝生日！！！好開心。