hi! 大家好嗎?我係.........唉~唔洗講啦!今次我唔用白畫文寫啦!因為只係一個普通日誌!

今日我真係好黑仔!T_T

我今日同媽媽shopping完，隻腳行到痹曬，就想:太好啦!終於可以番屋企休息啦!

但因為我工人放左假，然爸爸有得閒出去食飯，所以就番到屋企休息一陣又出過去!

咁係路上我地就係到想:我地今次食咩好呢?西餐?唔得!爸爸對牛肉有敏感......咁不如食火煱?嘩!天氣咁熱食咩火煱，不過火煱店好似有冷氣機，但一邊食火煱一邊開冷氣機好似好唔環保!(唔係好似，更本就係!)算啦!就去食火煱啦!

點知當我地差唔多去到，就收到姨媽的電話通知(我地約左佢一齊去食)，火煱店冇開門呀!。大佬，你唔早講，去到中環先講(火煱店係中環)!所以最後我地決定去上環的茶樓食野，講起黎都要用半個鐘(自己覺得)的時間先至去到，好肚餓呀!

到左茶樓食左沒幾陣，就想去洗手間，然我有一個習慣，就係我會將洗手間既門鎖起，雖然係個好習慣，但就因為佢我差D就出唔番黎呀!大佬，你有冇搞錯呀!媽媽去既時侯唔懷，依家先懷，當時我一邊大力拍門一邊想。雖然自己反鎖自己已經好羞，點知我仲要被員工姨姨話:「呀妹，放心啦!唔好哭!我依家找人幫你開左個鎖!」姨姨我冇哭呀!你聽到有人哭咩!個時我真係哭笑不得呀!最後有用左大約15分鐘到先至開到個銷，咁個15分鐘我係到做咩呢!咪就係乖乖坐係馬俑版上面等囉!仲有一段時間我係到想我洗唔洗爬天花版出去呢!

唉~今日我真係好黑仔呀!信帶一題，我媽媽仲要坐定定，好似銷係洗手間即人唔係佢個女咁!然爸爸就擔心到坐唔安食唔落咁係洗手間門口等我出黎，最後媽媽話:「有呀爸係到等得啦!唔洗我!」媽媽，我知你身嬌肉貴，然少少太陽曬往你都要用傘，但你都唔洗咁呀!係門口等一等好難為你呀!我係你唯一的一個女呀!緊張下啦!講下講下佢D性格真係好鬼死似libby，下次我都要想想洗唔洗要叫libby做呀媽!(依家都叫更啦!)