今日突然好想打日記,好想將自己努力既一切紀錄下來。

為的不是SHOW OFF,而是想令日後的我,不論成功與否的我,看回從前走過的路,細細回味。

所謂凡事必有因,今天的因,是明天的果。

早左一年前,公開考試失敗後,明白自己最大的問題不是沒有努力,而是選錯科了。

就像ECON很有興趣,所以失手也得了B,但GEOG 努力了也只得E。

慢慢細想這個問題後,其實我不是不喜歡讀書,而是更愛會用到體能的活動。

加上我的正義感,發覺加入警隊應該會很SUITABLE FOR ME。

而我的性格是完美追求者,飛虎隊便是我的目標。

但有了這個想法後, 我還沒有去鍛鍊身體。

相反我是日夜無息,食無定時,腦只想怎樣脫毒媾女同打機。

不幸,有一天,大約是2011年5月左右吧,感染了肺結核,身體由以前的運動健將,

一下子變回完形。

這個患病的期間,令我知道邊D係真朋友,邊D只係HEA 友

真朋友唔駛多,只係幾個就夠,我係心中好感謝你地既支持。

仲有屋企人既照顧。

果段日子,日日去醫院食藥,仲要趕PROJECT,同埋番學。

果D藥食左真係好眼訓,同埋身體差,真係日日都好眼訓好眼訓

但我班仆街ASSO FD 仲成日串9我唔番學,得閒又唔陪我行去食藥

你知唔知其實我個心好難受,但個段日子,我最後都捱過左。

仲記得我岩岩出院果一日,我去左打波,我好努力,但我發現我個肺真係好快冇氣...

我唔理...我頂到盡,個腦只係諗住盡力打好場波,因為我平時真係好憎D打波唔認真,唔MARK人

記得個時感覺真係差小小就爆肺。

後來有次去覆診去吹氣,點知我吹左個70歲家人既肺出黎...果一下....我就係好灰...

到左聖誕節果排,因為真係好毒好LONELY,我記得以前中學既我唔係咁架...

好受女仔歡迎,想同邊個女仔出街就同邊個,呢D毒撚節,根本唔會冇人陪

因為太LONELY,我叫左JJ落去同我跑步,就係咁就開始左我要減肥,練大隻既決心

果日,我跑左十個運動場...跑到我仆街...真係好辛苦...

之後日子,都係同埋班兄弟一齊去跑步,減肥

後來出左去元朗公園到跑,第一次係跑4個圈,大約係4.8KM

真係跑到我冇哂力,我唔知點解自己E家可以廢成咁

跑緊果時,我係咁同自己講,;想個病好,就一定要加油

每次跑步,我都係死頂到跑完為止。

到後來我個病好左,加上一直KEEP住跑,條氣好似真係好番D啦

但我自己知道同以前既我比仲係差好遠,E家只可以叫做重零開始。

後尾去左康文處做GYM, 做GYM ,跑步咁又過左6個月,姐係到E家喇

個人係大隻左唔小,但我覺得好似大隻得好慢...同埋唔知點解減肥減脂減得好慢

我真係好想練到大隻仔咁,又型又睇得又打得

今日跑步係27MIN 跑左4.8KM ,同飛虎既要求仲係差好遠 要18MIN 4.8 KM

我知道自己雖然個病好番,但身體仲係好差

不過唔緊要,我會慢慢練 !!!

希望日後有一日我可以做到飛虎