我覺得我呢個月好似變咗一個孤兒呀。點解？

因為我覺得今個月，老公、frankie同亞齡三個都唔係好想理我，唔係好想同我講電話，我打親電話比佢哋，佢哋冇論咩時間都好，都會話唔得閒，搞到我覺得我好似個孤兒，無論你做啲咩，講啲咩，都冇人理你架，有陣時，人哋仲會覺得我好煩添，連電話都唔聽，我真係好唔開心呀！

其實，我好想同人講，我一個人湊住兩個女，又朝到黑都係屋企，對住四邊牆，叫天不應叫地不聞，出街湊住兩個女又好麻煩，係屋企又悶，又冇嘢比我做，等我打發啲時間，我真係好辛苦呀，我真係好驚，好驚我啲抑鬱症又番發呀！

我真係唔知點算好呀，好辛苦呀，冇人理我啦，我好似一麻煩嘅人，冇人肯同我傾計，冇人肯聽我講我啲唔開心同辛苦。

我真係好悶呀！好唔開心呀！有冇人知道我宜家嘅苦況呀！有冇人肯理吓我啲個孤兒仔呀！