呢幾日，我為咗錢嘅問題好煩，咁我就搵咗亞妹同fankie傾，因為亞妹嗰邊冇應承實我一定得，但係佢都話會試吓，而且佢只我契妹，佢幫唔到我，我唔介意。

但係，frankie佢呢，佢宜家係我男朋友嚟架，我宜家仲睇緊屋，睇吓元朗邊度有啲平啲嘅，我就會去租架啦，村屋都唔緊要，仲只可以同佢係埋一齊就得架啦！

點知，呢個禮拜，我話比佢聽我冇錢，佢起初都肯幫我嘅，但係到咗呢兩日就.....，佢好似覺得咩樣都唔關佢事咁，仲要對我嘅態度越嚟越冷淡，我覺得佢好似比咗個訊息我，話比我聽佢想分手，叫我唔好再煩佢。我見到佢呢幾日嘅態度，我就諗，如果要佢開聲同我講分手，咁不如我講先啦！我尋晚又係度諗，如果佢係用咁嘅態度對我，咁我第時真係嫁咗比佢嘅話，我死得啦，同佢講親咩嘢，佢都係起初就上心，但係都後尾就唔理，咁同我宜家呢個老公又有咩分別呀！所以我尋晚諗咗好耐，我係咪應該同佢分手呢？有冇人可以同我傾吓呢個問題呀！

不過，我再諗番清楚，佢好似一直都係咁對我嘅啦，佢唔係好似以前成日打比我講電話，又唔係好似以前成日搵我去街，更加唔係好似以前咁成日送嘢比我，比啲驚喜我，我覺得宜家同佢一齊，完全唔似以前同佢拍拖咁，咁浪漫同咁開心啦！所以，我好想問吓佢，佢係咪真心鍾意我同愛我，佢係咪真係會去遵守對我嘅承諾，做我呢世身邊嘅守護天使呀！

今晚，我同frankie終於係一個好平靜嘅環境入面分手lu。

我覺得我呢個月好似變咗一個孤兒呀。點解？

因為我覺得今個月，老公、frankie同亞齡三個都唔係好想理我，唔係好想同我講電話，我打親電話比佢哋，佢哋冇論咩時間都好，都會話唔得閒，搞到我覺得我好似個孤兒，無論你做啲咩，講啲咩，都冇人理你架，有陣時，人哋仲會覺得我好煩添，連電話都唔聽，我真係好唔開心呀！

其實，我好想同人講，我一個人湊住兩個女，又朝到黑都係屋企，對住四邊牆，叫天不應叫地不聞，出街湊住兩個女又好麻煩，係屋企又悶，又冇嘢比我做，等我打發啲時間，我真係好辛苦呀，我真係好驚，好驚我啲抑鬱症又番發呀！

我真係唔知點算好呀，好辛苦呀，冇人理我啦，我好似一麻煩嘅人，冇人肯同我傾計，冇人肯聽我講我啲唔開心同辛苦。

我真係好悶呀！好唔開心呀！有冇人知道我宜家嘅苦況呀！有冇人肯理吓我啲個孤兒仔呀！

今晚，係年廿七，叫咗兩個妹一齊番嚟食飯，雖然唔算好豐富，但係都有7餸1湯架，啲餸仲好好味添，幾個大人都食唔晒呀。

大家觀賞吓！

第一味，雞絲翅：

第二味，清蒸魚：

第三味，發財好事：

第四味，冬菇炆鴨掌：

第五味，步步高陞：

第六味，西芹炒雞粒：

第七味，叉燒炒蛋：

最後一味，我呀，食雞雞呀：

睇晒8樣餸啦,,,係咪好好味呢,,,尋晚真係好飽呀！

最後仲食埋團團圓圓添，嗯！咁就真係一餐好好嘅團年飯啦，真係好好呀！

尋晚，frankie公司食春茗，佢好好采咁抽到部 LG KC550，都算係新機，佢好開心，我聽到都好開心，佢咁好運，點知到咗今日就麻麻啦，點解?

原因係，因為我部 5300個鈴聲成日時响時唔响，咁我由除夕嗰晚就同佢講話我要換機，咁啱佢又抽到部電話，佢咪話比我用囉，點知，起初佢話我唔識用就話唔比我，跟住跟我不斷咁同佢講嘅時候，佢終於應承比我用。

但係，當佢晏晝攞到入嚟再幫我SET番啲資料入部電腦入面嘅時候，我就開始覺得佢其實唔想比部機我架，我見到佢個樣嘅時候，我覺得自己好似好過份咁，我部電話又唔係唔用得，只係一時响一時唔响，可以打出打入呀，部電話又係佢公司嘅抽獎禮物，點解我要攞咗佢呢？但係，當我諗到個電話咁樣嘅時候，過年咁點算呢？所以我到咗最後都係冇出聲叫佢自己用番。

到咗最後走啦，落到樓下，見到佢話走嘅時候，我知道佢係好唔開心，但係我真係唔知點好，我知佢係唔捨得部機。宜家我唯有睇吓有咩機款好啲嘅，過咗年後買，呢部到時比番佢囉，冇謂為咗部機搞到大家都唔開心啦，始終都係過年，應該開開心心嘅。

唉！算啦！玩過就算啦，唔駛一定要長期擁有嘅。

今晚我轉咗寬頻啦，宜家係用香港寬頻，唔知係咪心理作用呢，上網速度快咗好多呀！

其實，pccw唔係唔好，只係訊號唔穩定，成日斷線，好煩，收費又貴，咁我咪唔用囉。

今次，我好佩服我嘅忍耐力，忍咗佢兩年先話轉。如果比著以前嘅我，就算將我入黑名單，我都會轉第二間，我冇理由比錢用一間線路唔穩定嘅公司架。所以，我諗今次係我識用寬頻上網以嚟第一次用得最耐嘅一次，一路忍一路用，咁就用咗兩年，終於等到2月21日就合約完啦，真係好呀！

我終於忍完啦，終於可以用一間上網穩定啲架啦，而且呢間係用老公名嘅，我唔使揹咁大嘅責任，要成日記住交上網錢，一遲咗交就cut你，以後呢個責任就可以交番比老公佢啦，我又可以煩少一樣啦，哈哈！

香港寬頻仲送多一條電話線添，宜家屋企入面有兩個電話號碼啦，一個pccw嘅i-多煤體，另一個係香港寬頻嘅普通電話，真係好呀，因為香港寛頻嗰個，如果我買部fax機就可以當個電話線係fax機咁用，咁屋企就變番好似宜家咁，有電話時又有fax啦！不過，我暫時唔會諗fax住，因為用唔著，所以暫時都係用嚟做電話算啦，遲啲先再諗啦！